2 Tawarikh 10:18 - Eipomek

¹⁸ Aminyan talak, Rehabeam ninye deiyoknye ulamuk talak ara, el amu tam ulamik nang, sik pil arukuna ati deiyoknye, el si Adoniram ulamuk. Rehabeam birye, anye Adoniram biti, ‘Israel ninye ikin pil aruknamleʼ tenen, wipdeibukba, amutuku noutam biyuk bukni, sik Israel nang nirya arye, Rehabeam ap, el mapu silip ap nirya ara, ‘Nun like,’ tenebikce, keil arye cobuka, anye Adoniram obikba dibuk. Dibukopura, Rehabeam elda aning eibukce, minopce el kuda tuku deice libuka ban ning, el si ara kereta kuda deice bukukce, Yerusalem mutuku tamubuka, bikbik abuka bindobuk.

2 Tawarikh 10:18 ပူးပေါင်းရင်းမြစ်များ

1 Raja-Raja 4:6

Atonun amutuku noutam ninye deiyoknye Raja, el ulamuk aik ap, el bona ati kalekina deiyoknye bira, Ahisar erepdeibukba, apil talibuka ulamuk. Tonda, ‘Sik anang ara, nun ikin pil talye donamsiyakʼ tenen, deklamik nang, apil dona deiyok kibuka, ninye pil dinanye bira, Abda el mi Adoniram erepdeibukba, apil talibuka ulamuk.

1 Raja-Raja 5:14

Bulubikopura, ‘Anang ara, Libanon mutuku pil dolbinamak’ tenen, ayupa weik bokeibukce, yupa yuk-yuk 10 ribu nang kintinip deibuk. Winibukopura, awala ara 10 ribu nang ton pil dolbiyik talak ara, ton 10 ribu nang ton yuk pil dolbiyik. Anang uk, tuba-tuba, awala-awala nirya atonun dolilamukba, 10 ribu nang pil dolbalamik. Winilamika ati, Libanon mutuku ara tonok wala deice arye, pil dolbalamika ani, tuba tamubuka sik mutuku yayikce, wala bitinye deice yanuka mapmeka ani, tuba tamubuka sik mutuku batakuka, Libanon mutuku tamubuka binuka, tonok wala deice ton pil dopra ulamik. Tuba-tuba winilbalamik. Tonoknye el si ara Adoniram, apil don nang sik deiyoknye ulamuk.

2 Tawarikh 10:17

Winibik talak ara, Rehabeam el yuk Israel yala ninye bukni, Yehuda yala nang, sik ulamikak tamubuka biyuk. Tonda, Rehabeam tuba sik ninye deiyoknye Raja tikukce, sik Yehuda yala ninye talebuka ulamuk.

2 Tawarikh 24:21

Allah el Pia Teleb, Lek Dip Kanye arye Zakaria biti, “Nyalbinulyame,” nyabuk touk, ayupu bobuka nyabuk bukni, amutuku ulamik nang nirya yu ubuk ati, sikce, “Kume, anye bira nun like. El Zakaria bira, minopce opnuyabe,” nyabuka, yupu nyapdayik. Ayupu nyanmik talak ara, Raja Yoas babye, ‘Yo, sikce anye opnuyaka ara, teleb uka,’ tenebuk. Ati, amutuku ulamik nang arye, Allah Yahweh, si eren aik dam bukni, bai tam ninye weklamikak, Zakaria el nong deice keil arye donokuka obik. Onmika ani, kabul kum dibuk talak ara, Zakaria birye ayupu nyabuk. “Se, anggunce keil arye dobuka na nong deice dobuka opnulum ning ara, na ni Allah Yahweh arye, akunum eibuka bikmanil ati, ‘Aminyan kwang daknamsilʼ tenen, Allah ati moropne,” nyabukce, Allah si eren aik damak dibuk.