Aning nyabukba, Absalom ap, Israel ninye, sik yin talin nang ap, ayupu kekebikopura, Husai biti nyabik. “Ahitofel birye nyapsuk yupu ara, mitik teleb upmok bukni, anda Arki yalanye, Husai birye nyapmasilam yupu ara, pia teleb winilula ati, aninguk wininamabe,” nyabik. Ura, anang arye, Husai yupu kekebik ning deiyok ara, ani. Ahitofel birye nyapmok yupu, dipkoprob teleb ubuk bukni, Allah el si Yahweh arye, ‘Kume, Absalom biti, kanye imun ning weik arepneba, ikin weik unamle’ tenen, Absalom ap, el tam yin talin nang ap ati, sik kanye tamupdeibuk. Husai nyapmok yupu ara, malye yupu nyapmok bukni, Allah arye, sik kanye tamupdeibukba, anang arye, ‘Husai nyapmok ning ara, telebe,’ tenebikce, el yupu uk kekebik.
2 Tawarikh 10:15 - Eipomek15 Ati ara, Raja Rehabeam birye, el dam yanuka morobik nang ati, kum kekebukce, malye yupu nyaplobuk. Winibukce, elce moubuka kum tenebuk bukni, dipkoprob awinibuk ning ara, ani. Ara, aning-aning nirya winibuk ning ara, talye ninye aryuk kume. Allah Yahweh arye, ‘Winipnamle,’ tenelamuk touk winibuk. Tonda ninye tonok, Silo mutuku ulamuknye, el li koprop Ahia biti, Allah Yahweh arye, ‘Winipnamle,’ nyapdeiamuk touk winibuk. Aning ara, Allah arye Ahia biti nyapdeibukba, ‘Nebat el mi Yerobeam ati, nyapdeiamuk ning ara, dipkoprob winipnamle’ tenen, winibuk. Anya arye, aning nirya ara, ‘Nun ni koprop Allah, elcuk anye nirya winipsuke,’ tenebik bukni, Rehabeam ara, aning nirya ara, moubuka kum tenebuk. အခန်းကိုကြည့်ပါ။ |
2 Tawarikh 10:15
20 ပူးပေါင်းရင်းမြစ်များ
Ati ara, Raja Rehabeam birye el dam yanuka morobik nang ati, kum kekebukce, malye yupu uk nyapdeibuk. Winibuk bukni, elce moubuka kum tenebuk bukni, dipkoprob awinibuk ning ara, ani. Ara, aning-aning nirya winibuk ning ara, talye ninye aryuk kume. Ara, Allah el si Yahweh arye, ‘Wininamle,’ tenyamnuk touk winibuk. Tonda Allah el si Yahweh arye, ninye tonok Silo mutuku ulamuknye, elda nabi Ahija biti Allah arye, ‘Wininamle,’ nyapdeibuk touk winibuk. Aning ara, Allah arye, Ahia biti nyapdeibukba, Ahia birye, Nebat el mi Yerobeam biti nyapdeiamuk ara, ‘Dipkoprop winipnamle’ tenen, winibuk. Ati ara, aning nirya ara, Allah el uka. Bukni, Rehobeam birye aning nirya ara moubuka kum tenebuk.
‘Kekepnalume. Allah el si Yahweh arye nyapsile. Anggun nirya ara tonok weik yala atonun ninye ululum. Ati ara, anggun yala nang noutamak daunyak nang, Israel nang ap, sik deiyoknye Yerobeam ap ati, kum olbinamlume. Anggun Yehuda nang ap, Benyamin yala nang ap, anggun asik koproba tamubuka bindoplulume. Awinipnamle ning nirya ara, na Allah uka. Na si Yahweh unune. Na deice aryuk Rehabeam saknamle. Elda Raja tuba kum unamle,’ Allah arye nyapsile.” Allah arye Semaya biti nyapdeibukba, Semaya birye Yehuda yala nang ap, Benyamin yala nang ap ati lak nyabuk. Nyabuka ati ara, anang nirya Allah el si Yahweh arye, ‘Anggun asik koproba tamubuka bilulume,’ nyabukba kekebikce biyik.
Aning eipsiba, Yahweh arye ayupu nyabuk. “Yatanye birye yupu nyapdeipmalba, Ahab birye ‘Ramot Geleat mutuku nang olbinaman’ tenen, banmalaba, anang arye elti, opnamak do?” nyabuk. Nyabukura, abulupmek yin talin malaikat nang arye, bin ton yuk, bin ton yuk, “Aning winipnuyap do? Aning winipnuyap do?” nyabuka, yupu yuk-yuk nyanmek.
Rehabeam birye nyabuk ning ara, el ap neika ulamik wel nang arye nyapmek touk, sik anang dam binuka nyabuk. “Na ni koproba arye anggunti, weik ikin pil deibuka, talye tapu arye, litukuka olamsuk bukni, nara aning atonun kume. Nara, dipkoprob ikin pil arukusinirye, tace ning, kat weik ning arye dopropnirye, wenebuka onamsine,” nyabuk.
Ara, anggun moubuka kekeplulume. Allah el si Yahweh arye nyapsile. Anggun nirya ara tonok yala ninye ululume. Ati ara, sik noutam unyak Israel nang nirya ap, sik deiyoknye Yerobeam ap ati, kum olbinamlume. Anggun Yehuda yala nang ap, Benyamin yala nang ap, anggun asik tamubuka bindoplulume. Anggun mutuku noutam akunum winibuk ning ap, aminyan winipnamle ning nirya ara, na anggun ni koproba Allah aryuk winipse. Na si Yahweh unune. Ati, aning nirya ara, na deice aryuk winipnamlarya. Allah arye nyapsuke, nyabuka lak nyapnalame Allah arye Semaya biti nyabuk. Nyabuka ati, sik anang nirya, Allah el si Yahweh arye, “Anggun asik uk tamubuka bilulume,” nyapmok tok, sik nirya tamubuka bindobikce, Yerobeam biti mal pi bana batakuka sik asik tamubuka bindobik.
Allah Yahweh arye, ‘Aning ara winipniba, Ahasia dipnamlarya tenyamuk touk, Ahasia birye Yoram el dam biyuk talakuk, ninye arye obikba dibuk. Anya arye Ahasia, Yoram dam biyuk talak ara, ninye tonoknye si Nimsi, elce deibuknye Yehu, ‘Anye epdanamabe,’ tenepdikce birik. Anye Yehuda, Allah Yahweh arye, ‘Raja Ahab ap, el mapu silip ap, nirya obuka sirya daknamle,’ tenyamuka ati, Allah arye anye Yehu akunum wibuka deiamuk.
Ura, ninye deiyoknye Raja Salomo, el kam ulamuk talak ulamukce, pil dolamuk ning ap, weik arye biklamuk ning ap nirya ara, Allah el yupu lak nyalamuk nye, nabi Natan winilamuk ning ati, sekeiamik buku noutam ap, Silo mutukunye nabi Ahia winilamuk ning sekuka deiamik buku noutam ap, tonda, aminyan winipnamuk ning ati, yupu lak nyalamuk nye, nabi Ido ap, el ulamuk ning ati sekeiamik buku noutam ton, Salomo ulamuk ning ton bulubuka tonok sukum sekeibik. Aminyan talak winipnamuk ning ati lak nyalamuk nye, el si nabi Ido, elce, ninye si Nebat birye deiamuknye, Raja Yerobeam birye el ton ulamukce, sekeiamuk.
Allah Yahweh, elce sik Mesir mutuku nang deiyok kibuka talinyak nang ati ara, kanye walwalamak ning arebukba, kanye boktobukce walwal asa uk unyake. Winibuka ati, sik Mesir mutuku talibuka ninye deiyok nang nirya arye, walwal uk ukirye, Mesir mutuku unyak nang nirya ara, talye bisik bobuka binamake. Winipmanto ara, yu mek din nang, kanye walwalabuka, bisik banmace talak obinuka, abinuka balamake. Tonda, sik mining dukna deice uk malamak touk, Mesir mutuku deiyoknye babye atonun, pia walwal kanye bopnamle.
Abaju tonok ning ara, pia teleb ubuka anya arye, sikce nyabik. “Acang baju, el si juba, kum kwiliknamabe. Nun kil-kil nyan ning ara, darikal dobuka, dekna dolon ning el si undi deice aryuk, doproplinye laka upnamasile,” nyabuka, kil-kil ning dobikce, acang baju tonoknye birye doprobuk. Aning winibuka winibik ning ara, talye kanye bobuka winibik bukni, dipkoprop ara, Allah yupu noutamak, minop talak nabi nang arye sekeiyamik ning ara, ‘Nong upnamle’ tenen, winibik. Mazmur deice sekamik yupu ara ani. ‘Na cang baju nirya bokrobikce, doprobik. Na baju dolona ati ara, dekna dolona ati olamak ning, el si undi donmekce, doprobike.’ (Mazmur 22:18) Ayupu minop talak, nabi nang arye sekamik atonun, sik yin talin nang arye winibik.
Ura, minop talak Allah arye, ‘Sikce Yesus ati winipnamake,’ akunum tenyamuk ati, min kum winipmok talak ara, el akunum tenyamukce, kel bikamuka anya arye, ‘Yuk nang arye, Yesus dobuka, sikce opnamak’ tenen, malye nang arye, Yesus dobuka anggunti arepsike. Aripsikura, sik yuk pia malye ulamik nang meilyamika arye, Yesus dobuka, wanwanun yo deice deibikce, paku dakuka, Yesus obikura, dibuke.
Nyabuka morobupue bukni, Hesyebon mutuku talibuka ulamuk ninye deiyoknye, Raja Sihon birye nunti, ‘Yo, amutuku bisik ara, telebe dabilulume,’ kum nyamsuke. Deiyok ara, ani. Nun ni koproba Allah Yahweh arye, anye Raja Sihon, elti, mandipna don ning areamukba, anye malye weik ubuka deice arye, ‘Kume, nun mutuku noutam kum binamlume,’ nyabuka, yupu seksuke. Bukni, Allah arye tenyamuk ning ara, ani. ‘Mandipna upliba, na Allah arye, Israel nang ati, mikip weik arepniba, sikce el obuka sirya daknamake,’ tenyamsuke. Allah arye winipsukce, anye Raja Sihon, el taleamuk mutuku nirya ara, nunce deiyok kibuka, el taleamuk mutuku nirya, alubuka dopropbibirye, amutuku nirya babye, oyanamle talak arye, asukum dem unmabe.
Atalak noutam nirya, Israel ninye ara, Pilistin yala nang arye taleamikba, sik amu tam ulamika ati, Allah arye, ‘Yata wiriptinye deice arye, lo arepnutuba, Pilistin ninye wenebuka opnamne do? Tonda, dan talak arye, Pilistin ninye malye kipnamne do,’ tenelamuk. Allah arye winibuka tenelamuk bukni, Simson el li ap, el lin ap arye, aning nirya kum tenyamdikce, kel kum bikamdik. Ara, Allah arye, ‘Simson bira akil doptue deice arye, Pilistin ninye opnamne,’ tenyamuka ara, kum bikamdik.
Tonda nyabuk. “Winipmanto, ninye tukwak nang ati, malye winilina ara, Allah arye dipkoprop, ‘Aning ara, malye wininyake’ tenen, bico tenebuka, namin kipturye lyepsutue. Bukni, Allah el si Yahweh ati, malye winibibye ning ara, yatanye birye lyepsutue do? Yatanye birye, amalye winin nang ati, Allah ap, ansinilina deiyoknye upturye, pil doptuba, teleb kibuka, neika uptibye do?” nyabuka wenebuke. Nyabuka wenebuk bukni, el mapu sik bitinye arye, anyamuk yupu ton, pia kum kekelamdik. Sik kum kekelamrik deiyok ara, Allah el si Yahweh arye, abitinye nang ati, ‘Anang wenebuka oplopnamne,’ akunum tenebuka atia.
ကြော်ငြာတွေ