2 Tawarikh 10:14 - Eipomek

¹⁴ Rehabeam birye nyabuk ning ara, el ap neika ulamik wel nang arye nyapmek touk, sik anang dam binuka nyabuk. “Na ni koproba arye anggunti, weik ikin pil deibuka, talye tapu arye, litukuka olamsuk bukni, nara aning atonun kume. Nara, dipkoprob ikin pil arukusinirye, tace ning, kat weik ning arye dopropnirye, wenebuka onamsine,” nyabuk.

2 Tawarikh 10:14 ပူးပေါင်းရင်းမြစ်များ

2 Tawarikh 10:13

Biyikura, Rehabeam birye anang ati, weik yu yupu deice arye, anang ati mikip arye nyabuk. Ara, Rehabeam el li koproba ap ulamik nang wisi nang ara, ‘Yupu namin arye nyapnamlyame,’ nyapmek ning ara, atonun kum bukni, weik yupu deice arye talye-talye binuka nyaplobuk.

2 Tawarikh 10:15

Ati ara, Raja Rehabeam birye, el dam yanuka morobik nang ati, kum kekebukce, malye yupu nyaplobuk. Winibukce, elce moubuka kum tenebuk bukni, dipkoprob awinibuk ning ara, ani. Ara, aning-aning nirya winibuk ning ara, talye ninye aryuk kume. Allah Yahweh arye, ‘Winipnamle,’ tenelamuk touk winibuk. Tonda ninye tonok, Silo mutuku ulamuknye, el li koprop Ahia biti, Allah Yahweh arye, ‘Winipnamle,’ nyapdeiamuk touk winibuk. Aning ara, Allah arye Ahia biti nyapdeibukba, ‘Nebat el mi Yerobeam ati, nyapdeiamuk ning ara, dipkoprob winipnamle’ tenen, winibuk. Anya arye, aning nirya ara, ‘Nun ni koprop Allah, elcuk anye nirya winipsuke,’ tenebik bukni, Rehabeam ara, aning nirya ara, moubuka kum tenebuk.

Amsal 12:5

Diksukum unyak ninye arye, ‘Aminyan talak wininamabe,’ tenebuka, winipnin banamak ning ara, teleb winin ninguk tenebikirye, unamake. Bukni, sik malye ninguk talibuka unyak ninye arye yuk nang ati, ‘Wininamlulume, wininamlume,’ nyabuka nyanyak yupu ara, tilila ninguk ulule. Malye winin ninye arye, tenenyak ning nirya ara, tilila ninguk ulula anya arye, aninye arye nyanyak yupu ara, pia kum kekenamlulume.

Amsal 17:14

Winipmanto ara, mek bisik wakibikirye, kukdeibikiba, mek mikip arye balamle atonun, ninye arye kabul deiyok koubuka, derelana unamak talak ara, adiparyuk, adeiyok ning ati, “Dauplye,” nyabuka batakaldongonamlulume. Opdanmanto unyak ninye ati, lyelina telebe. Kumopura, ninye arye derepdakirye, ayu yupu uk tuba nyapdanin, bakibuk weik upnin balyopura, sikce nyaldanamal ning ap, oldanamak ning ap ara, min kum kum daneipnamsile. Ati, yu upliba, deiyok koubice talak aryuk, lyelina telebe. Yu yupu tuba nyaldana kume. “Dauplye,” nyabuka, batakaldongonamlulume.

Penghotbah 10:16

Se yata mutuku nang do nirya, sik mutuku talibuka ulul ninye deiyoknye bira, dipkoprob kel weik bikamuknye kum bukni, talye pil melibuka dolulnye uplyopura, anggunda bicoe. Ikin kanye uk bobuka unamlume. Aning atonun, yata mutuku nang do nirya, sik mutuku talibuka unyak deiyok nang arye, beren tam talak bukikirye, pil dona kum bukni, talye kanye bobikirye, weik kwalya kwalibikirye, din weik tonun dibikcopura, aminyan talak ara, anggun amutuku ululum nang nirya ara, ikin weik unamsile. Ati, anggunda bicoe nyapsine.

Penghotbah 2:19

Yuk nang aryuk na taleamse ning dopropnamaka bukni, yatanye birye biktu do? Na punupnamnilanye bira, weik kel bikamlinye unamle do? Pia walwalnye unamle do? Bukni, na kam ulamse talak mikip arye talibuka akunum pil dolamse ning ap, weik kel bikna deice arye ulamse ning ap nirya ara, el anye biryuk talibuka unamle. Winipnamla babye, doyanamle talak ara nong uplyeba, teleb upnamle do? kume, nun walwal ati, ‘Aning nirya babye, talye-talye uk ulule,’ tenepne.

Penghotbah 7:8

Na kanye ara, yata un ning do nirya, deiyok koun talak ara, mitikto telebuk ulule. Bukni, pia teleb ning ara, sirya dakan talak anyak pia teleb tenepne. Tonda, ninye talima noutam ara, maknya kintinina ap, kwalina ap, talima erelana ap ara, pia malye bukni, yuk nang ning ara, ‘Aminyan talak yata wiripnamsil do?’ tenen, namin asa arye, talye tunim abuka ukirye, kanye deibuka unyak nang ara, pia telebuk unyake.

Daniel 6:7

“Anyapmap ning ara, ance pil yuk-yuk dona ati, wipdeipsulum nang unyabe. Ara, Gubenur nang ap, Gubenur amu tam nang ap, nun kalikna ati, wibuka deiplum nang ap, tonda deiyok yuk ning talibik nang ap, nun nirya yupu talebuburye, nyabupu ning ton, lak nyapnukiyabe. Nun deiyoknye ance, ‘Amutuku nang nirya, aninguk talibuka unamak’ tenen, pia konop yupu nyapdeipnalyame. Ara, like yupa weik mapra balamipya ani, inina tiga puluh (30) sum mapnamap talak ara, nun nirya arye, an siuk erenamkiyabe. Atalak nirya ara, Isa Mutuku Dongonye si do, yuk ninye si do, ton pia kum erenamabe. Ati, atalak noutamak ara, yata nang do nirya, yuk ning si erebikcopura, ance nyapminba, dipkoprob an yin nang arye bobukabikirye, yu ning, weik kuse atonun, el si singa kuse ulamlya dam, binuka donoknamake. ‘Ayupu winibuka nyapnamsilam’ tenen, yanuka moropkiyabe,” nyabik. Nyabuka morobikopura, Raja kekebukce, ‘Aning ara, pia telebe ati ara, aning winipnamane. Ati, wini talak nirya, yuk ning si erena kum diparyuk, na siuk erenamniake,’ tenebukce, nyabuk.

Yakobus 3:14

Bukni, anggun kanye talima noutamak ara, yuk nang ning asing eipmunce, ‘Aning nauk doproptinye’ tenen, patana ap, ‘Nauk erepnitinge’ tenen, patana ap awinipsilyopura, aning ati kanye deibuka, kwalina ap, maknya kintinilina ap, kum danamlulume. Tonda, aning awabsilyopura, kum dungnunamlulume.

Wahyu 9:10

Sik amu ara, tanga amu atonun ubukba, ninye toplyopura, uk weik dilule. Sik amu arye tukwak ninye toplyopura, wala pamubarye deice arye, uku weik dinmaliba, engebikirye weika arye donamake.

Wahyu 9:3

Tuku pum tam weik karu uamuka noutamak arye, tulum weika arye welenmok talak ara, atulum welenmok noutamak arye, sul kwising weik tulum kan-kan arye welenmeka ani, tuba tamubuka tukwak mutuku koluka yayik. Allah arye, asul kwising ati, uk dina deiyok ning arebuk. Ara, ‘Ninye sul kwising arye toplyopura, ninye tanga arye topsiliba, uk dilamle touk, uk weika arye dinamle’ tenen, uk deiyok ning arebuk.

Wahyu 9:5

Anggun sul kwising arye, si tonamlum nang babye, si tonamlum bukni, kum oplopnamlume. Wala pamubarye deice arye si tolamunya ani, uk weika arye aninye dilamliba, weik arye malye nyalamikirye, donamake,” nyabuk. Aninye ati, uk dinamla ara, tanga arye ninye si topsiliba, uk weika arye dilamsil touk unamle.