2 Tawarikh 1:3 - Eipomek

³ Ninye deiyoknye Raja Salomo birye, ‘Winipnuyabe,’ nyabukce, el ap, sik Israel nang nirya ap, Gibeon mutuku kon, Allah ap, ninye ap, elana ati aik, ara Allah el si eren aik wekelbana ati mutuku welebiyik. Sik amutuku tam biyika deiyok ara, amutuku tam ara Allah Yahweh el arena ap, el si erena ara, amutuku uamuk. Anyaik ara, Allah Yahweh el amu tam pil donanye Musa birye, ninye pia kum sukum, pata mutuku ulamuk talak arye domuk asik dam welebiyik.

2 Tawarikh 1:3 ပူးပေါင်းရင်းမြစ်များ

1 Raja-Raja 8:4

Aning akunum doprobikce, aning delilamik buru tam, cang sapi bol arye dolamik doltakne tenda aik ton ulubukabikce bobiyik. Anyasik ara, ‘Allah ap neika yupu sisikibirye, epdanamap’ tenen, domik ning ati nyapmabe. Acang sapi bol arye domik doltakne tenda aik ara, ‘Allah ap, ninye ap, ansinina aik,’ nyalamik. Tonda, anyaik pum tam delilamik ning, Allah el si erena ati, anyaik pil don ning nirya babye, dobuka bobiyik. Aning-aning nirya dobuka bobiyik ning ara, Allah el si eren aik pum tam pil dona deiyok nang, sik imam nang ap, tonda imam nang, sik pil melin nang, Lewi yala nang ap arye, aning-aning nirya bobuka, Yerusalem mutuku bobiyik.

1 Tawarikh 16:39

Bukni, ninye deiyoknye Daud birye, imamnye el si Zadok ap, el mapu silip yuk imam-imam nang ap ara, Allah Yahweh el pia lek si eren aik, ara Gibea mutuku noutam deiamik ning ara, tuba awamuk. ‘Anyaik dam arye melibuka kalikne pil donamakʼ tenen, asukumuk deibuk.

1 Tawarikh 21:29

Ura, sik Israel nang ara, weik pata mutuku talye balamik talak ara, Musa birye, “Winibuka kintinipnamlume, Allah el si erena ati, cang sapi bol arye doltakne tenda aik dopmunce, deipnamlume,” nyapdeiamuk touk, aning akunum awamuk. Daud birye apil dobuk talak ara, Allah el si eren aik, adoltakne tenda aik ara, yuk mutuku kon deice deiamikba dauamuk. Aning atonun, Allah el si erebuka kina ap, arena ap ati, keil pala yangabuka deiamik ning el si mesba ara, aning babye Gibeon mutuku noutam bukni, tonok mutuku kon deice uamuk.

2 Tawarikh 1:13

Allah arye Salomo biti ayupu nirya nyabukopura, Salomo bira, Gibeon mutuku Allah el si erena ati weklamik sukum arye batakuka, tamubukce Yerusalem mutuku biyuk. Ara, Allah Yahweh ap, ninye ap el dan ati aik ara, el tia ati doltakna tenda aik domikak binuka, Allah morobukce, sirya dakukopura, adiparyuk tamubuka Yerusalem mutuku biyuk. Atalak arye dipdongobuka, sik Israel nang nirya ati talebuka, sik ninye deiyoknye, Raja tikukce, ulamuk.

Keluaran 36:8

Ura, sik kel weik bikamik nang kan-kan noutam arye, ninye ton, Allah el si eren aik tia doltakne aik dona ati, tenda wina ati kel weik nang wipdeipniba, adoltakne aik dona ati ara, pia teleb cang kain, el si lenan, sepuluh (10) wibuka kintinip deibik. Ara, pia teleb tenda win tapu, el si wol, warna biru ap, warna unggu tua ap, ining bi ning warna merah ap nirya arye, atenda deice gambar atonun ning wibuka kintinip deibik. Ara, acang kain deice ara, malaikat atonun ning, el si ara Kerub, urasin atonun wipdeibik.

Keluaran 40:2

An adiparyuk, na Allah Yahweh si erena ati, na ap, ninye ap, ansinibuka elan aik, cang kain bola arye, tenda aik dopnamlulume. Ara, wala tonok ning kiplye talak, awala uk nukna, tanggal tonok sum deice arye, anyapmakin tia tenda aikuk, akunum kintineiplumnye, asum deice aryuk dopnamnulume.

Keluaran 40:34

Allah si eren aik ap, anyaik pum tam ning ap, bai tam ubuk ning ap, pil nirya akunum dobukopura, weik dua koulukukce, anyaik nirya teikuk. Ton ning ara, anyaik noutamak ara, Allah arye wekukba, el dirin weik ubuk.

Imamat 1:1

Allah Yahweh ap, ninye ap, ansinilina ati, sapi bol arye doltakne tenda aik noutam ara, Allah arye Musa biti, “Na dam yanulyame,” nyabuka,” yukubukba, yayuk. Yayukopura, Allah arye, ‘Na arena ati ara, wininamlame, wininamlame,” nyabuka, laka nyapdeibukce, Musa biti winilamuk.

Ulangan 34:5

Allah arye, min yuma talak nyapdeiamuk touk, Allah el si Yahweh, el pil donanye Musa, Moab tam noutamakuk dibuk.

Yosua 9:3

Sikce amutuku-amutuku ulamik nang arye, ansinipdobikce, kintinibik bukni, sik ayupu kekebik nang ton, sik yuk yala nang, Gibeon mutuku ulamik nang ara, sik yuk winibik. Ara, yuk nang arye, “Yeriko mutuku ap, Ai mutuku ap ati, Yosua birye nyapdeibukba, Israel yala yin talin nang arye, abitinye mutuku dam binuka, obuka sirya dakikce, amutuku ulamik nang ap, sik talilamik bona ap, sirya dakmake,” nyabuka, lake nyabik Gibeon mutuku ulamik nang nirya kekebik.