Wekelbiyikopura, Raja Daud atekmokbuk, el pil melin nang ap, el yin talin nang ap arye, bisibuka banmek. Daud el yin talin nang, el damak banmek bukni, elce, ‘Sikda teleb unmak do, kum do?’ tenen, dildepnin banmokba, banmek. Akunum bisibuka banmekba, tonda yuk yala nang ton, sik aminyan tam banmek. Ara, sik Kereti yala nang ap, Peleti yala nang ap, Gata yala nang ap banmek. Sik Gata nang ara, sik yupa ara, enam ratus nang banmek. Anang ara, minop talak Gata mutuku arye, Daud ap yangalamik.
2 Samuel 8:18 - Eipomek18 Tonda, Yoyada birye deiamuknye, el si Benaya bira, Daud birye wipdeibukba, anye birye, Daud el koproba kalikuka melina ati, yin talin nang, sik deiyoknye ulamuk. Ara, sik kong si ara, Kereti nang ap, Peleti nang ap, ayin talin nang, sik deiyoknye ulamuk. Tonda, sik imam-imam nang pil dona ati ara, Israel nang ninye deiyoknye Raja Daud, el mapu koproba wipdeibukba, imam pil talibuka dolamik. အခန်းကိုကြည့်ပါ။ |
2 Samuel 8:18
18 ပူးပေါင်းရင်းမြစ်များ
Ura, ninye deiyoknye Raja Daud, elce el amu tam pil talibuka don nang ati, wibuka deibuk. Ara, Israel nang arye, yuk mutuku nang olana ati, sik yin talibuka, deice tam unanye, ‘Anye panglima yin nang, sik deiyoknye unamleʼ tenen ati, Yoab erepdeibuk. Raja Daud el kalikna ati, mikip weik yin talin nang ara, ninye si Yoyada, elce deiamuknye, el si Benaya erepdeibuk. Sik yala ara, Keriti yala nang ap, tonda Peletit nang ap, ulamik.
Raja Daud birye nyabukba, Abisai biyuk. Tonda, Yoab el yin talin nang ton, Abisai ap biyik. Sik nirya arye, Keret mutuku nang ap, Peleti mutuku nang ap ara, Yoab el amu tam pil dolamik nang ap, yuk yin talin nang ap nirya ara, Abisai birye deiyok kibukba, Yerusalem mutuku arye biyik. Ara, ‘Bikri el mi Seba tomona ati dobolbinamapʼ tenen, dobolbiyik.
Raja Daud birye nyapdeibukba, Allah el si eren aik pum tam pil dona deiyoknye el si Zadok ap, tonda Allah el yupu lak nyana deiyoknye Natan ap, Yoyada el mi Benaya ap, tonda sik Kereti yala nang ap, Peleti yala nang ap, sik nirya arye Salomo bobuka, Daud el keledai basam balye deice bukikba, Gihon mutuku bobinmek.”
Tonda, amutuku ninye deiyok kibuka ninye weik ati, sik yupu bokolinanye bira, Natan el mi Asarya erepdeibukba, apil talibuka ulamuk. Tonda, ninye deiyoknye Raja biti, ‘Teleb unamtibye ning ara, dan ning do?’ tenen, yupu sisikina deiyoknye bira, Natan el mi Zabud erepdeibik. Tonda, anye binyuk, imam pil ton talibuka pil dolamuk.
Ratu Atalye birye, Yehuda mutuku nirya taleamukce, daulamuka ani, keting tamun tekbarye (7) akunum ubukopura, imam Yoyada birye, amutuku kalekina ati, yin talen nang, sik deiyok kibuka ulamik nang ap, Kari nang, sik deiyok nang ap ati, yukubukce nyabuk. “Anggunda, Allah Yahweh el si eren aik dam eldana ati, yanamlume,” nyabuka yukubukba yayik. Yayikopura, elce sik nirya ati nyabuk. “Wini talak ara, anggun ap, na ap mambul weik yupu nyapdanamabe. Ara, nun nirya arye, neiktoto melipdanamabe. Tonda, nun ninye deiyok ati, Raja kibuka unamsilnye bira, Raja Ahasia el mi Yoas uka. Yuk deiyok nang tiknamaka babye, sik yupu kum kekenamabe. Winibuka nyapnamap bukni, aning dipkoprob kum wibibirye, yuknye tam kibibyopura, Allah arye nun wenebuka, opnamsile. Nun nirya tonok kanye aryuk, anye binyuk wipnuyabe,” nyabuk. Nyabukura, sik nirya arye, “Deiyok, anyapmasilam touk, aninguk winipnamabe, yuk ton kume,” nyabuka, nyalin yupu nyapdayik.
Tonda, ninye si Yoyada, elce deiamuknye Benaya bira yu yin talenanye ulamuk. Benaya elda, Kabseel mutukunye ulamuk. Benaya elda, ilil pia tenena kum, tonda elda weik kanye imun ning ulamukba, ninye nirya arye elti, bikamik. Benaya elce mikip weik yin talin nang, Moab mutuku nang ton obuk. AMoab mutuku nang bitinye obuk ara, sik ni koproba si ara, Ariel ulamuk. Aning atouk, tonok talak arukna talin li noutamak ara, im noutam arye pia bul mok celamuk talak ara, aning el si salju saklamuk talak ara, anye Benaya bira tonok mutuku noutam weik bon uamuk. Atuku pum tam wekamuk talak ara, weik yu pus, el si singa tonok ton aunmokak, Benaya birye obuk.
Tonda, Raja Daud melibuka bana ap, kalikna ap ati, yin talenanye bira Yoyada, elce deiamuknye Benaya wipdeibuk. Anye Benaya bira, Kereti mutuku ap, Peleti mutuku ap, ulamik nang ati taleamuk. Ati ara, mambul weik pil pemerintahan deiyok talibuka pil don nang nirya ara, ninye deiyoknye Raja Daud, el mapu koproba erepdeibukba, apil talibuka dolamik.
Winilamika ati ara, na Allah Yahweh arye aning-aning nirya deice tam erebuka, Pia Mikip Weik Deiyoknye ununye birye, ayupu nyapne. Na taruk arye, sik Pilistin mutuku nang ara, obuka, weik tonun wenepnamne. Sik Pilistin nang bukni, Keret mutuku nang ati, binuka opnirye, kum kipdeipnamne. Tonda, dabu tam weik laut mekwen, el si Laut Mediterania lilun mutuku, tuba kam unmace nang babye, naryuk opnamne.
Se, anggun Pilistin yala nang ara, bicoe! Anggunda, Kereti yala nang ululume. Anggunda, weik Laut Tengah mekwen kup-kup tam ululum nang ara, anggun nirya ati nyapsine. Allah Yahweh arye anggunti, ‘Winibuka-winibuka opnamne,’ akunum tenebuka ati, elce anggunti, malye yupu nyabuka, anggun deice wenena ning deipsilirye, supnamsile. Se, anggun Kanaan tam ululum Pilistin nang nirya ara, bicoe. Allah Yahweh arye, anggun wenena ati akunum kintinibuka deibuka ati, dipkoprob anggun nong deice ikin deipnamsile. Allah arye, anggun amutuku noutam ululum nang nirya opsilirye, kum kipdeipnamsile. Ati, anggun umunya mutuku arye, tonoknye babye, ton kam kum upnamle. Anggun mutuku nirya ara, asik oldemuk upnamle.
Na uk min kum dipmanuk talak ara, na ap, sik Amalek nang ap arye, Negeb mutuku tam noutamak bukni, Kereti yala nang, sik mutuku iknapye tam, obuka sirya dakupe. Tonda, sik Yehuda yala nang talilamik mutuku obuka, sirya dakupe. Tonda, Kalep el yala nang talilamik mutuku, mutuku si Negeb nang ton, obuka sirya dakupe. Tonda, tonok asik domika ara, Ziklak mutuku, obuka sirya dakupe, sik asik nirya, uku dongobuka, sirya dakupe,” nyabuk.
ကြော်ငြာတွေ