2 Samuel 8:1 - Eipomek

¹ Yata barye talak akunum ubukopura, ninye deiyoknye Raja Daud, elce Pilistin nang olbiyuk. Olbiyukce, sik anang nirya ara, akunum obukabukce, Pilistin nang ulamik mutuku nirya ara, eluk doprobuk.

2 Samuel 8:1 ပူးပေါင်းရင်းမြစ်များ

2 Samuel 19:9

Aning akunum winibukopura, Israel yala nang, ilil ubukba, sik asik yuk-yuk tamubuka, bikbik abuka biyik. Bulubuka yanganmekce, Israel nang, ayala-yala nirya arye, ayupu nyanmek. “Raja Daud birye, nun oldan nang nirya ati, lyepdomsuk. Tonda nun oldan nang, Pilistin yala nang ati obisibukba, anang arye, kum taleamsike. Bukni, wini talak ara, Daud el mi Absalom biti, ilil ubukba, amutuku batakuka, bai tam sakuka biyuk ani, aminyan talak ara, el mi Absalom akunum obik.

2 Samuel 2:24

Ura akaren aryuk, ayin talin nang arye, asukumuk tikmek arye, Asael el nong dinmek talak ara, Yoab ap, Abisai ap ara, sikce dukdongobuka, ‘Abnar opnunameʼ tenen ati, pia bikbik abuka dobolbanmarik. Bikbik abuka, dobolbanmarika ani, keting wekukopura, keting yangan tam bukni, mutuku si Giah mutuku, otam uamukak bukni, abisik ara, Gibeon tam balamik bisik bukni, ninye kum ulamik tam, kata tam ara, tonok mutuku kon deice welebik. Amutuku kon deice si ara, Ama mutuku biyik.

2 Samuel 22:44

Tonda, na ni Allah, na mutuku nang bukni, ‘Anye bira obisipnamabe’ tenen, olamnik bukni, ance nati, anang noutamak arye lyepdeipnulume. Tonda, amutuku ninye, sik talina deiyoknye kipdeipnulumba, sikda na amu tam unyaka anya arye, na mapu unyake. Nara, sik ninye deiyoknye tuba unune.

2 Samuel 5:17

“Daud bira, Israel nang, sik ninye deiyoknye Raja kipmale,” nyapdeibikba, Pilistin nang kekebikce, ‘Adiparyuk, anye bira, malye kibuka tomopnamap’ tenen, ninye yupa weik arye bulubuka, ‘Daud dan tam do?’ tenen, dilyayik Daud akunum kekebukce, adiparyuk, el duknulban aik dungnul biyuk. Ara, Yerusalem mutuku noutam bukni, keil poka dobuka, mikip weik dowamik mutuku wekelbiyuk.

2 Samuel 5:25

Aning-aning nirya ara, Allah arye Daud biti, ‘Winipnamlume,’ nyapmok touk, winibukce, Pilistin nang olbiyuk. Ara, Gibeon mutuku arye, deiyok koubuka, anyapce dipdongobuka, Geser mutuku dam, Pilistin ninye nirya obuka, sirya dakuke.

2 Samuel 7:9

Dan mutuku nirya, balalum mutuku nirya ara, narye pia meilyamkise. Tonda, anti, ‘Opnamabe,’ tenelamkik nang nirya babye, narye sikti, kanye walwalap sinipna arye, meilyamkisiba, ance anang nirya obuka, sirya daklalume. Narye anti, weik kanye deipkisa anya arye, tukwak mutuku ninye deiyok nang, ulamaka atonunye ereipnamakine. Yuk deiyok nang, mitik weik si aupmal bukni, an si weik arye erepdeipkiniba, ninye mutuku-mutuku nirya, ‘Raja Daud bira, weik mambul weiknye ulamuk,’ tenepnamkiake,” Allah arye nyabuk.

Mazmur 18:43

Allah ance anang ati, kum kekeplumce, kum meliamluma ati, narye, mal olan nang nirya ara, obuka sirya dakse. Sikda, obuka malye kipse ati, winipmanto ara, kumanya yanuka, mikip arye dopliba, tuku sung-sunga nirya bobalirye, kum danin balamle touk, narye mal olan nang nirya obuka sirya dakse. Diba, winipmanto ara, ninye arye talye balamle ning do, malye kibuka akunum lyulul ning do, bisikak aupmaliba dobuka, bai tam dolamak touk, na mal olan nang nirya obuka, yuk pere sukum donokse.

Mazmur 60:2

Tonda, yuk-yuk nang, sik Mesopotamia mutuku Aram nang ap, tonda sik Zoba mutuku nang ap arye, ‘Israel nang opnuyap’ tenen, mal olyangalamik talak ara, Daud birye ayupu sekuk. Tonda, Daud el yin talin nang, sik deiyoknye, el si Yoab birye, Edom tam nang, yupa weik dua belas ribu (12.000) nang ati obuk talak arye, aMazmur yupu sekuk. Yoab birye anang obukak ara, lu weik mutuku, el si, ‘Asing Palin Lu’ nyalamik mutuku noutam arye obuk. Daud birye nyabuk yupu ara, ani.

Mazmur 60:8

Se, nun ni Allah, nun mal olan nang obuka sirya dakana ati, ance ayupu akunum nyapdeipsulume. Ara, an si eren aik noutam bukni, Pia Teleb Lek aik, antia talak ati unmalumak arye, an Allah arye, akunum nyapsulum yupu ara, ani. Na kanye deipnirye, Sikhem mutuku nirya, obuka sirya daknirye, malye kipnamne. Aning atonun, weik mutuku lu, el si Sukot mutuku babye, obuka dopropnirye, ‘El cang ap, pala ap, yata barye do?’ tenen, kiklilena ati, meter kiklipnirye, amutuku nirya ara, kiklibuka dipdenirye, nuknamne.

Ibrani 11:33

Aning-aning nirya, sikce Allah ati, diba tenelamika deice arye, mutuku-mutuku weik talyamika weik ninye deiyok nang obuka sirya daklamikce, atalilamik mutuku nirya noutamak arye, diksukumuk weik deiyok nang kililamik. Allah arye anang nirya ati, nyalilamuk ning areamukba, dololamik. Tonda, weik yu kuse arye, ‘Anang dipnul’ tenen, piripdeyuk bukni, ayu kuse sik si kangkanya darapmoka ati, kum dipmanto ubik.

Ibrani 11:34

Tonda, weik uku buk dilamuk bukni, sikce tangapdongobikba, kum dibuke. Ton talak ara, yu nang arye, parang ya arye, ‘Aninye opnamak’ tenen, pirilamik bukni, bik-bik abuka balolamika ati, kum olamik. Sik Israel ninye mikip ara, mitang asa ulamik bukni, Allah el mikip arye aninye melyamukba, mikip weik ulamik. Mutuku-mutuku nirya olalamik talak ara, sik mikip weik ulamikce, yuk mutuku yin talin nang nirya ati, olbisilamik.

1 Samuel 7:13

Ati ara, atalak arye dipdongobuka, dotalak nirya ara, Pilistin nang arye ton, Israel ninye ulamikak noutamak ton, kum wekelyangalamik. Samuel kam ulamuk talak nirya ara, Allah el si Yahweh arye, sik Pilistin nang ati, bisik sekelongolamukba, talye diamuk ulamik.