2 Samuel 7:17 - Eipomek

¹⁷ Nyabukba, nabi Natan birye, Daud biti, Allah nyapdeiamuk yupu nirya, laka nyalbiyukura kekebuk.

2 Samuel 7:17 ပူးပေါင်းရင်းမြစ်များ

2 Samuel 7:16

An deipmin mapu ap, ance dipminbuk, dadeipdanin banamak nang ap, na damak pia unamake. Aning atouk, an talipnalam mutuku ap, talinalam nang ap, an mapu nirya talinamak ning nirya ap, narye mikip arepnibuk, keting tamun weik arye talipnamake. Winilaminya, ance deipnalam mi arye, an taliplum mutuku, elce anti punubuka, aning nirya talinamle. Ance dipminbuk, dadeipdanin banamak nang nirya ara, an yala nang ati, ‘Weik ninye deiyok nang unamak’ tenen, pia ereipnamne.” Allah arye nabi Natan ati, laka nyabuk. Laka nyabukce, “Anda, Raja Daud laka nyalbilyame,” nyabuk.

2 Samuel 7:18

Nabi Natan birye, Daud biti, Allah nyapdeibuk yupu akunum laka nyabukba, kekebukopura, Allah dam biyukce, bukuka, Allah morobukce, nyabuk. “Na ni Allah, anda Yahweh ulyame. Aning-aning deice tam umince, aning nirya talibuka, Weik Erena Deiyoknye umince, an tenelyam touk, aning nirya ninye winipmanto kum pil dolyame. Pia weiknye ulyam bukni, na ap, na kilapu ap, na mapu ap, nun nirya ara, mambul kum ninye unyabe. Nunda talye ninye anya arye, yata deice arye, nun weik arye meilyamsulumce, weik arye erepdeipmasilam do?

2 Samuel 7:2

Atalak ara, Daud birye Natan biti, yupu nyabuk. Natan bira, talinye kume. Elda, Allah el yupu lak nyana deiyoknye, nabi ulamuk. Daud birye, Natan biti nyabuk. “Se, na mambul kanye bopne. Nara, ninye deiyoknye aik unune. Na aik ara, pia teleb yo arye dopnikba, asukumuk unun bukni, Allah nyapdeiamuk yupu sekuka, yo marikna pum bisik deiamik ning ara, talye sapi bol arye domik doltakne tenda aik pum bisik, dongobuka deibupu touk, tuba ulule,” nyabuk.

1 Tawarikh 17:15

Nyabukura, nabi Natan birye Daud dam binuka, Daud biti laka nyabuk. Ara, Allah arye nyabuk yupu ap, lengdar mapmok deice arye yanuka nyapdeiamuk yupu ap nirya boyanuka, nabi Natan birye Daud biti laka nyalbiyukura, kekebuk.

Rasul 20:20

Anggun kele. Yata yupu do anggun melipsutuba kel bikmanto yupu duknubuka kum winilamse. ‘Yata nyapniting do?’ tenen, na nong dipdongobuka kum winilamse. Kume. Ninye nirya kekelamikak ap, tonda, sik aik yuk-yuk nirya wekra balamsirye, lakauk peterelamse.

Rasul 20:27

Ara yata ati do? Allah minop arye tenelamukce nyasilye yupu nirya, ‘Aning nyapnun do, aning kum nyapnun do?’ tenen, teniltolamsirye kum peterelamsise. Ayupu nirya talye mangkau arye parapkabuka lakak peterelamsise atia.

1 Korintus 15:3

Aning ati ara, Allah el laka teleb yupu weik mambul deiyoknye bira, elce nyapdeipnukba, anggun kekena ati peterepsise touk, tonap nyapnusine. Minop talak Allah el yupu laka nyalamik nang arye, sekeiyamsik touk, Yesus Kristus arye, nunti, ‘Sik malye winina ap, tenena ap ati, kum kipdeipnirye lyepnamne’ tenen, nun pununa ati dibuk.