Sik banmeka ani, ninye deiyoknye Daud arye, Gata yalanye, el si Itai biti nyabuk. “Anda, nun ap bulubuka wekmalama ara, yata ati do? An ap, an yala nang ap ara, amutuku koprop nang, Israel yala nang kume. Anggunda, anggun mutuku batakuka, ninye asik nang winiryuk yanmalum ati, anggunda ilil una kume. ‘Daud ap, el mapu ap melibuka binamane,’ tenepmasilama ara, kume. Anda, tamubuka bimince, winiryuk tikmal Rajanye Absalom ap, melibuka unalame. Asukumuk unamlume.
2 Samuel 6:10 - Eipomek10 Daud ilil weik ubuka ati, aboyangalamik ning ara, dobuka Daud birye, “Na domse aik, na unye mutuku, Yerusalem mutuku kum bobinun bukni, Gad mutukunye, el si Obet-Edom, el aik pum deipnamne,” nyabuk. အခန်းကိုကြည့်ပါ။ |
2 Samuel 6:10
11 ပူးပေါင်းရင်းမြစ်များ
Aning akunum winibukopura, Daud birye ninye minopce menekuka deiya, koubuka mal olalban nang nirya bokuka, yupa winilye kipdeibuk. Ton yupa ara, Yoab birye deiyoknye kibuk. Ton yupa ara, Zeruya el mi Abisai, Yoab el weit koprop arye deiyoknye kibuk. Ton yupa winilye ara, Gad yalanye, el si ara Itai birye, deiyoknye kibuk. Winibuka kintinip deibukopura, Raja Daud birye, el yin talin nang nirya ati nyabuk. “Anggunuk pia kum bataknamsine. Na ap, anggun ap, nun oldan nang ati, neika olbinamabe,” nyabuk.
Utenebuka nyabik bukni, Daud ap, el yin talin nang ap arye, Yerusalem mutuku noutamak bukni, mutuku si Sion mutuku, aik dobuka, keil deibuka ulamikak binuka, obuka malye kibikce, anang nirya oplobikopura, amutuku doprobukce, sik talibik. Akunum doprobukura, ninye arye anyasik si ara, “Ara Daud el ning,” nyalamik.
Yerusalem mutuku noutam bukni, mutuku si Sion mutuku, aik dobuka, keil dikuka ulamikak, Daud birye, “Amutuku unamne ati, amutuku ara, Daud mutuku,” nyabuka si dobuk. Akunum si dobukopura, ‘Amutuku nirya, mikip kipdeipnamne’ tenen, tonda, ‘Nun keil poka luluklirye, ulupsaklyak’ tenen, amutuku keil poka kup-kup keil ap, tuku ap, weik tabakuka deibikba, erebuk. Erebuka baripdayikba, mikip weik kibuk. Winibukopura, apoka noutamak ara, sik aik dolamik. Milo mutuku arye, dipdongobuka, anoutamak ara nirya, keil poka dobuka denepdongamikce, ‘Mikip kiplirye, kat kipnamle’ tenen, apil dolamik.
Lewi yala nang, kong bitinye ning, ‘Sik neika ansinibuka mot nyanamak nangʼ, tenen, ati ara, sik Lewi yala nang arye, wipdeibik nang ton ani. Ara, Zakaria ap, Yaaziel ap, Semiramot ap, Yehiel ap, Uni ap, Eliab ap, Maaseya ap, tonda Benaya ap, Maaseya ap, Matica ap, Elifelet ap, Mikneya ap, wipdeibik. Anang ara, mot nyana ati kintinibuka deibik. Tonda, Daud birye Allah el si erena ati kintinip deiamuk tenda arye doltakna aik wekelban ati, bisik bublan kalikin nang ara, bitinye nang ton wipdeibik. Anang sik si ara, Obet-Edom ap, Yeiel ap ulamdik. Asukum deice tam si sekamupu nang nirya ara, ‘Allah el si erebuka, mot nyana ap, kanye pia teleb deice arye mot nyana ap, tonda mot nyan talak talin ning, el si kecapi ap, tonda simbal bukni, el si ton cera nyanyak ning ap, kanye deibuka, ‘Weik yupu deice arye nyanamakeʼ tenen, wipdeibik.
Tonda, sik imam-imam nang, sik amu tam nang sik si ara, ani. Sebanya ap, Yosafat ap, Netanel ap, Amasai ap, Zakaria ap, Benaya ap, Elieser ap, Allah arye nyapdeiamuk yupu sekdeiamukba, yo marikna bublan dam tiknarye, weik lelim nyan ning, el si terompet, sik lelim nyana ati, anang wipdeibik. Tonda, sik Obet-Edom ap, Yehia ap ara, Allah arye nyapdeiamuk yupu, yo marikna pum tam deibuka, anyaik wekelban bisik bublan kalikna ati, sik ton wipdeibik.
Elce wipdeibuk nang sik si ara ani. Ara, Allah el si eren aik wekna ati min yuma deiyok kibuknye bira, Asaf ulamuk. El amu tam nang ara ani. Ara, Zakaria ap, Yeiel ap, Semiramot ap, Yehiel ap, Matica ap, Eliab ap, Benaya ap, Obet-Edom ap, tonda Yeiel bira, kitar atonun ning el si kecapi ap, tonda gambus ap dobuka, mot nyana deiyoknye ton wipdeibuk. Aning atonun, Asaf bira kat tembaga ning, el si simbal nyapnaba, lelim weik nyan ning nyanamuka deiyoknye biti, Asaf wipdeibuk.
ကြော်ငြာတွေ