2 Samuel 23:24 - Eipomek

²⁴ Sik amutuku ninye arye, “Sikda Kong Tiga Puluh (30) nang,” nyalamik nang ara, sik si ani. Ara, Yoab el weit koprop Asael, tonda, Dodo el mi Elhanan Betlehem mutukunye, tonda,

2 Samuel 23:24 ပူးပေါင်းရင်းမြစ်များ

2 Samuel 2:13

Atalak aryuk, tonoknye el si Zeruya arye deiamuknye, el mi Yoab ap, Raja Daud, el pil melin nang ap, weik asik dobuka ulamikak ara, Gibeon mutuku dam deiamuk mekwen dam unmekak biyik. (Amutuku Gibeon ara, keting kumulban tam, arah barat uamuk.) Sik eitam ulamik nang melina ati, Abnar ap, el melin nang ap, sik amekwen dam yanuka unmekak biyik. Atalakuk sik outam ulamik ninye melina ati, Yoab ap, Daud el melin nang ap, amekwen dam yanuka unmekak biyik. Tonda, Abnar ap, el melin nang ap nirya ara, Gibeon mekwen deiamukak wekmeka anya arye, sik nirya eipdayik. Winibikce, Abnar ap, el tam nang ap nirya ara, amekwen deiamukak otam bulubuka wekik. Atonun, Yoab ap, el tam nang ap nirya ara, amekwen atam bulubuka wekik.

2 Samuel 2:18

Atalakuk, tonoknye el si Zeruya, el mapu winilye nang ara, Gibeon mutuku mekwen dam olanmek talak ara, sik babye asukum unmek. Zeruya elce deiamuk nang, sik si ara, ani. Ara, Yoab ap, Abisai ap, tonda Asael ap, aunmek. Asael elda, rusa basam sebuka balamla atouk, pia minpola sebuka balamuknye ulamuka ati, pia bikbik abuka banmok.

2 Samuel 21:19

Yuk talak ara, mal olalbalamikak ara, sik Israel nang ap, Pilistin nang ap, tuba tonap Gob mutuku olalamik. Aolbiyik talak ara, tonoknye el si Yair, elce deiamuknye Elhanan, elda Betlehem mutukunye arye, Kat mutukunye el si Goliat obuk. Tonda, anye Goliat ara, mikip weik ap, nong cang weik ap ulamuknye, raksasa nyalamak nang atonun uamuknye ati, el ninye ona ati, taice memamuk yo ara, ikin weik yo arye, memebuka deibukce taleamuk.

2 Samuel 23:23

Bukni, sik akong tiga puluh (30) ulamik yin talin nang kan-kan ara, el Benaya, mikip weik ning winilamuka anya arye, el si ton bikamikce, elti, kibuka si erelamik. Winibuk bukni, elti, ara, “Elda sik Yupa Winilye Nang ulamik atonun kume. Elda sik tonye kum ulule,” nyalamik. Bukni, pia teleb ubuk ning ara, ninye deiyoknye Raja Daud birye, ‘Na babye, nong kalekinanye yin talin nang, sik deiyoknye unamleʼ tenen, Benaya ara, erepdeibukba, weiknye kibuka ulamuk.

1 Tawarikh 11:26

Ura, Raja Daud, el mikip weik ap, weik kelkin ning ap, ulamik yin talin nang ara, sik si ani. Ara, Yoab el weit koproba Hazael ulamuk. Tonda, Dodo el mi Elhanan bira, Betlehem mutukunye ulamuk.

1 Tawarikh 27:7

Keting tamun nirya, wala dumbarye ara, Yoab el kwit koproba, el si Asael bira, el yupa ati deiyok kibuka taleamukba, sikce apiluk dolamik. Asael birye deiamuknye, el si Zebaja, elce el li koproba akunum minop dibukopura, el li koproba punubukce, deiyok kibuka sik yala yupa ati deiyok kibukce, melibuka pil dolamuk. Sik yala yupa ara, ninye yupa weik dua puluh empat ribu (24.000) nang ulamik.