2 Samuel 22:39 - Eipomek

³⁹ Narye, mal olan nang obisipnin balamse talak ara, sikce tuba tonap tamubuka, kum tekmanto ulamik. Sik nirya, obuka daklamsiba, na yan damuk sakuka paupmalamik.

2 Samuel 22:39 ပူးပေါင်းရင်းမြစ်များ

2 Samuel 22:40

Aning ara, urdem ati kume. Ance ninye olbana ati, an mikip weik arepnuluma deice arye olbalamse. Tonda, an meliamnuluma deice arye, na mal olan nang nirya ara, obuka sirya daksiba, na si erena ati, na yan dam tuku gutam dipdongobuka winilamik.

1 Raja-Raja 5:17

Raja Salomo birye, ‘Wininamlume,’ nyapdeiamuk touk, el pil don nang, sik urasin teleb keil sekne nang arye, weik mutuku pala weik keil bukamukak arye, kat teleb keil ara telepdeipnopura, yuk nang arye akeil dobuka urasin teleb kibuka kintinip deipna buk, yuk nang arye, aurasin teleb keil bobuka anyaik dolamikak boyangalamik. Akeil ara, ‘Allah el si eren aik, ayukumna atonun deibibirye, akeil deice arye, anyaik dopnamabe,’ tenelamikce apil dolamik.

Mazmur 110:1

Allah Yahweh arye, na ninye deiyoknye ati nyabuk. “Anda na sirik tam yanuka bukminba, narye an oldan ninye nirya obuka bisipnirye, aninye nirya dobuka, an yan amu tamuk deipnamkine. An oldan ninye nirya dobuka, an yan amu tam deipkiniba, aninye sik nong deice yanipdongopnalame.” Allah arye nyapdeibuk.

Mazmur 18:37

Allah ancuk, pia teleb karayong bisik deice deipnulumba, talye mangkau asa banuna ati, na mal olan nang arye, opmanto kum uninyak ati, telebuk unune. Yuk nang arye nati, ‘Anye bira, nun lik,’ teneninyak nang arye, obuka kum sirya daknitinge. Winipmanto ara, teleb bisik deice deipnulum ati, na yan ara, alap arye sakuka, kum opnutue.

Maleaki 4:1

Allah Yahweh aning-aning nirya talibuka, im deice yin talin malaikat nirya, sik weik deiyoknye birye nyabuk. Dipkoprop, na tenepse sum, akunum uplyopura, malye unyak ninye ap, talima erelan deice arye, erepdanuka kwalinyak ninye ap nirya, narye wenebuka oplopnamne. Winipmanto ara, koluplirye, kel-kel alamle ning, uku dinibikiba, minopce uku buk paplirye, dilamle touk, sik amalye wininyak ninye nirya wenepnirye, obuka sirya daknamne. Atalak ara, sik amalye unyak ninye ara tonok ton kum bataknamle. Weik uku dinmalirye, yo deiyok ap, taruk ap, yating nirya ap, dibuka kum danalamle touk, sik amalye wininyak ninye nirya wenepnirye, obuka sirya daknamne. Atalak ara, sik amalye wininyak ninye ara, sirya ton kum bataknamne. Wimipnamne talak ara, sik yala ninye nirya babye, pia kum upnamake. Ati, doryanamle talak ara, amalye unyak ninye, sik yala nang arye, mapu ton deibuka kum punupnamake. Sik yala nirya kum danamake.

Maleaki 4:3

Winipnamsen talak ara, narye tenepse touk, dipkoprob winipnamne. Adeice narye sik malye wininyak ninye nirya obuka sirya daknamne. Sik amalye winina ninye nirya obuka batakniba, sik anang deice ara, tuku butbuta deice yanibuka balamlum touk ubuka, sik nong deice arye, yanibuka banamlume. Nara Allah Yahweh, im deice yin talin malaikat nirya, sik weik deiyoknye birye nyapsina ati ara, aning nirya dipkoprob winipnamle.

Yosua 10:24

Aninye deiyok nang nirya ara, akeil pum tam arye, dobuka boyayikopura, Yosua el damuk boyanuka deibik. Winibikopura, Yosua birye Israel nang nirya ati, “Bulubuka yalulume,” nyabukba bulubik. Akunum bulubikopura, Yosua birye, “Winiplulume. Sik anang akunum obuka, sirya dakmaluma ati, laka kina ati ara, sik ngang deice yaniptaplulume,” nyabukba, el ap melibuka mal olalbinmek yin talin nang nirya yayikce, apamubarye ninye deiyok nang, sik Raja-Raja nirya ara, sik ngang yan yaniltanmek. Israel nang ap, yin talin nang nirya ap arye, ‘Anang akunum obuka, sirya dakapeʼ tenen, Raja nang pamubarye nirya, sik ngang deice yaninauk unmek.