2 Samuel 22:30 - Eipomek

³⁰ Ati, an mikip melipnilama deice arye, na mal olan nang yupa weik uptinga babye, nara yaribuka uptinirye, anang ati olbitinye. Allah an mikip meliniminya deice arye, weik marikna marikamtu bukni, bisibuka bindoptinye. Ara, ikin weik unulul ning ara, malye kiptinirye, telebuk ulamtinye.

2 Samuel 22:30 ပူးပေါင်းရင်းမြစ်များ

2 Samuel 22:31

Tonda, Allah an tenelyam bisik ara, pia teleb bisikuka. Ance ninye ati, ‘Wininamlyame, abisikuk banalyame,’ nyasilyam ning ara, teleb bisikuka. Malye ning tonok babye kum ulule. Tonda, an Yahweh arye, nyasilyam yupu ara, pia dipkoprob uka. Malye ning tonok babye, kum ulule. Tonda, yin talin nang arye, ‘Mal dobikiba, biksilyak’ tenen, kelapye dobuka, lelildongolamak tonun, ninye nirya ikin uplye talak nirya ara, ‘Allah elcuk melibuka kalikinamsil’ tenen, antibuk dib tenebibya deice arye, ance teleb ubuka melisilyame. Winisiminba, malye ning, nun dam ton kum yanuka, kum winipsutue.

2 Samuel 5:6

Akunum ninye deiyoknye, Raja kibuk talak ara, Daud birye el ap, el mapu yin nang ap, amutuku ulamik nang ap arye, ‘Yebus yala nang, Yerusalem mutuku noutam unyak ninye ara, obuka sirya daknamap’ tenen, Yerusalem mutuku biyik. ‘Yebus yala nang opnuyap’ tenen, biyikbuk, amutuku ulamik Yebus yala nang arye, Daud biti nyabik. “Anda amutuku ara, yata ning mikip deice arye, yanuka wektum do? Anda mikip kumnye biti ara, talye nang, asing malye nang ap, yan malye nang ap aniryuk, anti obuka dobolbiketinge. Anda talinye biti ara, amutuku noutam kum wektume,” nyabuka nalibik. Sik tenebikce nyabik ning ara, ‘Daud elda mikip kumnye biti ara, amutuku kum wekuka opsutue’ tenen, nyabik.

Mazmur 18:29

Na kele. Allah ancuk, teleb kiliniminba, kam tuba unirye, na kam unye talak nirya ara, telebuk unune. Winipmanto ara, ancuk na weisa lapdeipniminba, telebuk tuba kam unune. Winipmanto ara, ikin weik unulul talak ara, pia kunukna noutam atonun unun bukni, na ni Allah, ancuk dirina weik arenilyam deice arye, tamubuka telebuk kilinilyame.

Roma 8:37

Bukni, na kayapo, Yesus Kristus arye nunti bico tenyamsukce, kanye talima arisilya deice arye melisulula anya arye, ikin ning ap, kanye imun ning ap awabsilya babye, el mikip arisilya deice arye malye kibuka mikip ninyeuk unyabe. Aning-aning nirya arye nunti, kum malye kipsutue.

Pilipi 4:13

Yata winin ning do nirya, Kristus ap, kanye dukdongobuka unirye, el mikip arinilya deice arye, aning-aning nirya winiptinye.