2 Samuel 20:26 - Eipomek

²⁶ Ninye deiyoknye Raja Daud, el asik dam kalikna ati, imam pil donanye ton, elda Yair mutuku nang arye deiamiknye, el si Ira wipdeibuk.

2 Samuel 20:26 ပူးပေါင်းရင်းမြစ်များ

Kejadian 41:43

Tonda Firaun birye nyapdeibukba, sik amutuku ninye deiyok nang balamik touk, kuda basam libuka, tuku deice balamuk ning ton arebukba, Yusup aning wekuka adeice tikukce, balamuk. Firaun bira, pia deice tam ninye deiyoknye ulamukce, Mesir mutuku nirya taleamuk bukni, el amu tam weiknye bitinye ning ara, Yusup binyak erepdeibukba tikuk. Amutuku noutamak Yusup balamuk talak, yuk nang arye, “Memepdoplulume,” nyanmikba, sik talye daulamek ninye nirya memepromekba, Yusup banmok. Firaun anirya winibuka deiyok ara, ‘Yusup birye Mesir mutuku noutamak wininamap ning nirya ati, yupu bokolina deiyoknye, weiknye unamsil’ tenen, winibuk.

Kejadian 41:45

Nyabuka Firaun birye Yusup biti, winiryuk si ton sisibuk. Anye si ara, ‘Sapenat-Panea,’ nyabuka sisibuk. Tonda, el kil ati, akil si, ‘Asenat,’ kapdeibukba dobuk. Akil el li bira, On mutuku ninye, sik isa si erena deiyoknye, el si ara, ‘Potipera’ ulamuk. Aning-aning nirya akunum winibukopura, Yusup birye, Mesir mutuku noutamak pil dolamuk.

2 Samuel 20:25

Amutuku noutam yuk mambul ning, sekna pil talibuka dona ati, sekertaris ara, tonoknye el si Seya erepdeibuk. Imam pil dona ati ara, bitinye nang, Zadok ap, Abyatar ap, wipdeibuk.

2 Samuel 21:1

Daud Raja ulamukce, yupu nyalamuk talak ara, keting tamun winilye deice arye, kwaning pia weik patana li yayuk. Winilamukba, Daud birye Allah Yahweh ati, “Aning ara, yata deiyok ati, kwaning patana li yanmasil do? Aning deiyok ara, laka nyapnilyame,” nyabuka morobuk. Moropbukba, Allah Yahweh arye nyabuk, “Aweik din patana an dam upmakil deiyok ara, ani. Ara, minop talak Saul ap, el mapu silip ap nirya arye, Gibeon mutuku noutam ulamik nang omik deice arye winipmasile,” nyabuk.

2 Samuel 23:38

Tonda, Yetri mutukunye Ira ap, Yetri mutukunye Gareb ap,

2 Samuel 8:18

Tonda, Yoyada birye deiamuknye, el si Benaya bira, Daud birye wipdeibukba, anye birye, Daud el koproba kalikuka melina ati, yin talin nang, sik deiyoknye ulamuk. Ara, sik kong si ara, Kereti nang ap, Peleti nang ap, ayin talin nang, sik deiyoknye ulamuk. Tonda, sik imam-imam nang pil dona ati ara, Israel nang ninye deiyoknye Raja Daud, el mapu koproba wipdeibukba, imam pil talibuka dolamik.

1 Raja-Raja 4:5

Tonda, amutuku ninye deiyok kibuka ninye weik ati, sik yupu bokolinanye bira, Natan el mi Asarya erepdeibukba, apil talibuka ulamuk. Tonda, ninye deiyoknye Raja biti, ‘Teleb unamtibye ning ara, dan ning do?’ tenen, yupu sisikina deiyoknye bira, Natan el mi Zabud erepdeibik. Tonda, anye binyuk, imam pil ton talibuka pil dolamuk.

1 Tawarikh 11:40

Ira ap, Gareb ap ara, Yetri mutuku nang ulamdik.

2 Tawarikh 35:15

Lewi yala nang bukni, ninye si Asaf birye deibukba, dadeipdanin yanamik nang, sikda mot nyana ati, alat musik, kitar ayala-yala nirya ara, kel weik nang ulamik. Anang ara, minop talak ulamuknye, Raja Daud birye wipdeibukce, nyabuk. “Anggunda asukum tikuka umunce, pil donamlume,” nyapdeiamukakuk ulamikce, pil dolamik. Anang ara ani. Ara, Asaf ap, Heman ap, tonda Yedutun, elda nabi kibuka, Raja dam ulamukce, Allah arye nyapdeiamuk yupu laka nyalamukba, Raja kekelamuk. Tonda, Allah el si eren aik, bublan dam pia kalikin nang ulamik. Sikda, Kaplina Kwalina sum ati, ‘Asukumuk unmamunce, bublan kalekuka, pil donamlume,’ nyapdeiamuk mutuku anyuk ulamikce, pil dolamik. Bukni, sik Lewi yala nanguk bukni, ton tam nang melipnaba, sik dipnamik ning ati kintinililamik.

Keluaran 2:14

Nyabuk buk, anye birye Musa biti nyabuk. “Yata deiyoknye birye, anti erepdeipkukba, nun yupu lipsisikuka bokolina deiyoknye ap, nun deiyoknye ap unmasilam do? Anda Mesir mutukunye ambusum opmom touk, na ton opnunilama ati, wenepnilam do?” nyabuk. Nyabuk buk, Musa birye, ‘Se, na winipmanu ning ara, akunum bikmaniyake,’ tenebukce, ilil ubuk.

Keluaran 2:16

Winipmok talak ara, Midian mutukunye tonok, el kilmapu tekbarye kilapu ulamik. Anye bira, el si ara, Yitero ulamuk. El pil ara, Allah si erena ati, kam ning obuka arena deiyoknye ulamuk. Anye, el kilmapu tekbarye arye, sik domba basam mek arena ati, amekwen dam lukamikak kwelyayik. Ara, ‘Mek kwebibirye, mek delinak dikdongobibyopura, nun ni el domba basam dipnuyake’ tenen, mekwena ati lukamik dam yayik.

Keluaran 24:11

Atalak ara, Israel ninye sik deiyok nang arye, Allah atikmokak eibik bukni, Allah arye sikti, derebuka kum wenebuke. Kum derebuka ati, sik abinmik nang diamuk din ning ap, mek ap neika dinmek.

Ulangan 3:14

Tonda, Manasye yala nang arye deiamiknye, el si Yair, aminyan talak, elce Argop mutuku nirya obukabukce, doprobuk. Ara, Basan mutuku nirya ati nyapne. Ara, Gesur yala nang ulamik mutuku, atam arye dukdongobuka, otam sik Maakha yala nang ulamik mutuku uamukak, anoutam uamuk asik dolamika nirya ap, mutuku ap nirya binuka doprobuk. Doprobukopura, amutuku noutam uamuk asik nirya ara, winiryuk si ton dobuk. Ara, el si atonun, Hawot-Yair nyapdeiamukba, sik nirya asi uk nyalamikce, atalak babye anyalamik touk, wini talak babye, tuba asi uk pia nyanyake.