2 Samuel 2:32 - Eipomek

³² Akunum bikikura, Zeruya el mi Asael, el nong tomobuka, el li wiamikak, Betlehem mutuku uk binuka, asukumuk weibik. Winibik bukni, asum lukunyan aryuk, Yoab ap, el yin talin nang ap, sik nirya ara, tamubuka bisikuk banmika ani, berekel dongon talak ara, Hebron mutuku uk tamubuka biyik.

2 Samuel 2:32 ပူးပေါင်းရင်းမြစ်များ

Kejadian 47:29

Wisi akunum dayukba, ‘Dipnamnarya,’ tenebuk talak akunum dam ubukura, Yakub birye el mi Yusup biti yukubukba, yayukura, ayupu nyabuk. “Amio, ance nati kanye deipnulum do? Pia bico uk tenyamniminyopura, an taruk na keil amu tam deipmince nyalin yupu nyapdeipnunilame. Ara, nara an ni koprop ati, ‘Dauaplye’ tenena kum bukni, na weik arye patanilye ning winipnamnilame. Ara, talye yupu nyaltakna kum bukni, na moropnukin atonun bico tenepnimince, aninguk winipnamnilame. Na moropkin ning ara ani. Na dipnyopura, na nong bobuka Mesir mutuku noutam kum weipnamnilame.

Kejadian 47:30

Aning kum bukni, na nong bobuka Mesir mutuku batakuka bobinimince, na apu yapu dibikba, tuku lukamikak uk, tuku luknamnilyame. Ara, na apu yapu akunum dibik touk, dipnamne talak ati nyapkine,” Yakub birye Yusup biti nyabuk. Nyabuka morobukba, Yusup birye el li biti, “Naie, anyapmalam touk winipnamkine,” nyabuk.

2 Samuel 2:31

Bukni, Daud el melina ati, yin talin nang arye, Abnar el yin talin nang, sik Benyamin yala nang opmeka ara, pia weike. Ara, tiga ratus enam puluh (360) nang obik.

2 Samuel 5:1

Atalak ara, Israel yala ninye nirya, Daud dam Hebron mutuku noutam yayikce nyabik. “Biksilyame, nunda an yala nang koproba, an ining nanguk unyabe.

2 Tawarikh 21:1

Yosafat akunum dibuk talak ara, Daud ulamuk mutuku, Yerusalem mutuku noutam tuku lukik. Ara, Yosafat el apu yapu nang ton, sik ninye deiyok nang, Raja-Raja dipniba, weilamik sukumuk, el ton tuku lukik. Tuku akunum lukikopura, Yehoram el pununa ati, el miuk wibuka erepdeibikba, ninye deiyoknye Raja kipdeibikura, amutuku nirya taleamuk.

Amsal 22:29

Anggun ton elilulum do? Ninye ton el pil aning-aning nirya pia teleb kibuka pil dolulnye eipmunyopura, moubuka dinamlulume. Anye bira, aminyan talak, ninye deiyok nang, sik Raja nang melilana ati, weik mambul pil dobuka unamle. El pil ara, pia teleb kibuka pil dolula anya arye, talye daunyak ninye ati, sik amu tam ulirye, sikti, pil kum donamle. Aning kum bukni, sik ninye deiyok Raja nang ati, sik aik pil talibuka donamle.

Hakim-Hakim 8:32

Yoas el mi Gideon akunum wisi dayukce, dibuk. Dibukba, el li koproba Yoas weiamik sukumuk, amutuku si Ofra mutuku noutam weibik. Ofra mutuku ara, Gideon, el yala nang buk, Abieser yala nang sik mutuku ubuk.

1 Samuel 17:58

Yayukopura, Saul birye tamubuka, Daud biti asipdeyuk, “Winiryuk nepmalamnye, anda yatanye birye deiamkuk do? Anda, yatanye mi ulyam do?” nyabuka asibuk. Nyabuka asibukba, Daud birye, tamubuka nyabuk. “Na ni bira, an amu tam ululnye, el si Isai, elda Betlehem mutukunye birye deipnuke,” nyabuk.