2 Samuel 19:7 - Eipomek

⁷ Wenebukce, ayupu ton dukdongobuka nyabuk. “Ati ara, na nio, an minop bukmince, dipkoprob bai tam bimince, an mapu yin talin nang nirya ati, sik talimak ikin weik teninmak ning ara, binuka namin kipdeipnulame. Na dipkoprob nyapkine na nio. Ance, sik yin talin nang dam min bimince, sikti, teleb yupu min binuka nyapminyopura, atalak aryuk, keting min kum wekelbinulye talak, anang nirya arye, an batakuka bindopnamake. Ninye tonoknye babye, ton tuba kum melipnamkiyake, amutuku batakuka bindopnamake. Winibicopura, ikin pia weik unamkile. Minop talak, ikin upkuk ning nirya ara, mitik mambule. Bukni, an yin talin nang nirya batakikirye, bindobicopura, aning ara, ikin weik unamkile. Ayupu nirya ara, nun ni koprop Allah Yahweh, el si deice arye, dipkoprob nyapkine,” Yoab birye, Raja Daud biti, nyabuka wenebuk.

2 Samuel 19:7 ပူးပေါင်းရင်းမြစ်များ

Kejadian 34:3

Ubula dobuka neika maprik bukni, akil ati kanye deibukba, Yakub el kilmu Dina biti, kanye deibukce, akil ati nimalya arye, teleb yupu nyapdeibuk.

2 Samuel 19:6

Yoab arye, nyabukce, Daud biti, ayupu ton nyabuk. “Anda yata ati do? Na nio, yuk nang arye anti, ‘Nun like,’ tenekinyak nang ara, ance anang ati, telebe tenebuka, bico tenelyame. Bukni, yata nang do nirya, anti, dipkoprob bico tenekinyak nang nirya ati, ance anang ati, ‘Dauplye’ tenen, lik tenelyame. Winibuka ulyama ara, yata deiyok ati do? wininmalam deice arye kel bikine. Ara, an yin talin nang ap, nun yin talina deiyok nang nirya ara, ance nunti tenesiminya ara, ‘Anang, sikda dauaple. Sik anang nirya ara, mambul kume,’ tenesilyame. An mi Absalom, tuba kam uptuba, nunda an yin talin nang nirya, akunum dipmatibye toura, ance kanye deiptume. Nun akunum dibipyopura, Absalom tuba kam utopura, an ‘Telebe,’ teneptumce, kanye deiptume. Ance nun yin talin nang nirya ati, alye dakeipmasilam deice arye, anyapmakin atonun, akunum malye kipmasilame. Ati ara, ance aning pia moubuka teneipnulame,” nyabuka, Yoab birye, Raja Daud biti, wenebuk.

Amsal 14:28

Ninye deiyoknye Raja arye, el talilye ninye nirya ara, mapu weik deipdanin bakirye, sik wininyak ning nirya, weik wininyaka deice arye, pil teleb ubuka dopnin bakiba, yuk mutuku ninye nirya eibikirye, “Se, amutuku talibuka ninye deiyoknye bira, pia telebe. Elce talilye ninye ap, el talilye mutuku nirya ara, pia telebe,” nyabuka, elti, kanye delinamake. Bukni, yuk ninye deiyoknye Sisinanye, elce talilye ninye nirya dibuka, kum danana ap, yuk mutuku bai tam sakuka balona ap, upnamake. Winibikiba, yuk mutuku ninye eibikirye, “Se, aninye deiyoknye Raja ara, el mikip ap, el un ning nirya ap, kum ulula anya arye, el amu tam unyak ninye nirya ara, malyeuk upnin banyake. Deiyok ara elcuka,” nyanamake. Tonda, “Aninye deiyoknye Sisinanye, elce talilul ning ap, ninye ap, kum kipnin banamak touk, el babye kum upnamle,” nyanamake.

Amsal 19:15

Lik-lik asa arye unyak nang, sik dam ara, wi talin ninguk yangaliba, mana uk unyake. Sikda pil teleb ubuka kum donyaka anya arye, ‘Maltakna uk unamabe’ tenen, talye-talye uk unyake. Aning atonun, ‘Aning winipnamne do, aning winipnamne do?’ tenen, lik kanye bobuka, unyak nang ara, obina ayana kinyaka anya arye, sikda din pataliba, imun kanye bobuka unamake.

Yesaya 40:1

Nara anggun ni koproba Allah arye nyasunune. Narye ‘Naʼ tenen, ati wiamse ninye ati ara, imun kanye bobuka unyak bukni, ‘Sik nirya ara kanye deibuka, telebuk unamak’ tenen, anggun kanye talima kwadina ati, teleb yupu nyalbinamlyame.

Hosea 2:14

Allah arye nyabuk. Israel ninye ara, anggun malye winimunya ati, wenebuka opnamsin bukni, aning akunum winipnirye, dipkoprob aminyan talak ara, narye Israel ninye bobuka, ninye kum unyakak, pata mutuku bobisinirye, anggunti kanye talima, teleb kilin yupu nyapnamsine.