2 Samuel 19:6 - Eipomek

⁶ Yoab arye, nyabukce, Daud biti, ayupu ton nyabuk. “Anda yata ati do? Na nio, yuk nang arye anti, ‘Nun like,’ tenekinyak nang ara, ance anang ati, telebe tenebuka, bico tenelyame. Bukni, yata nang do nirya, anti, dipkoprob bico tenekinyak nang nirya ati, ance anang ati, ‘Dauplye’ tenen, lik tenelyame. Winibuka ulyama ara, yata deiyok ati do? wininmalam deice arye kel bikine. Ara, an yin talin nang ap, nun yin talina deiyok nang nirya ara, ance nunti tenesiminya ara, ‘Anang, sikda dauaple. Sik anang nirya ara, mambul kume,’ tenesilyame. An mi Absalom, tuba kam uptuba, nunda an yin talin nang nirya, akunum dipmatibye toura, ance kanye deiptume. Nun akunum dibipyopura, Absalom tuba kam utopura, an ‘Telebe,’ teneptumce, kanye deiptume. Ance nun yin talin nang nirya ati, alye dakeipmasilam deice arye, anyapmakin atonun, akunum malye kipmasilame. Ati ara, ance aning pia moubuka teneipnulame,” nyabuka, Yoab birye, Raja Daud biti, wenebuk.

2 Samuel 19:6 ပူးပေါင်းရင်းမြစ်များ

2 Samuel 19:5

Atalak ara, yin talin nang, sik deiyoknye Yoab, Raja Daud aik biyukce nyabuk. “Arup ara, an yin talin nang nirya ati, malye kipdeipmalamba, alye dakdanmake. Ayin talin nang arye, an oldan nang, Israel nang ati obuka, sirya dakmaka deice arye, lyepmasiake. Ara, an ap, ance deiamlum mapu ap, kilmapu ap, tonda an kilapu nirya ap, nirya lyepropmasiyak bukni, ance engenmalam deice arye, alye dakeipsilame,” nyabukce, Daud biti wenebuk.

2 Samuel 19:7

Wenebukce, ayupu ton dukdongobuka nyabuk. “Ati ara, na nio, an minop bukmince, dipkoprob bai tam bimince, an mapu yin talin nang nirya ati, sik talimak ikin weik teninmak ning ara, binuka namin kipdeipnulame. Na dipkoprob nyapkine na nio. Ance, sik yin talin nang dam min bimince, sikti, teleb yupu min binuka nyapminyopura, atalak aryuk, keting min kum wekelbinulye talak, anang nirya arye, an batakuka bindopnamake. Ninye tonoknye babye, ton tuba kum melipnamkiyake, amutuku batakuka bindopnamake. Winibicopura, ikin pia weik unamkile. Minop talak, ikin upkuk ning nirya ara, mitik mambule. Bukni, an yin talin nang nirya batakikirye, bindobicopura, aning ara, ikin weik unamkile. Ayupu nirya ara, nun ni koprop Allah Yahweh, el si deice arye, dipkoprob nyapkine,” Yoab birye, Raja Daud biti, nyabuka wenebuk.

Ayub 34:18

Allah elcuk ninye deiyok kibuka unyak nang, sik Raja-Raja nang ap, sik amu tam bukni, yuk ninye deiyok nang nirya ap, sik malye kibikcopura, Allah arye sikti, “Tukwak arye, anggun malye wininmalum ning ara ani. Anggunce teleb wininmalum ning ara ani,” nyabuka, lipsisikuka weneplirye, yupu bokolilule.

Rasul 23:5

Nyabikbuk, Paulus tamubuka nyabuk. “Se, na kayapu, min arye, ‘Anye bira anye’ tenen, kum kel kepsa ati, ‘Elda, Allah el arena ati weik deiyoknye ulule,’ kum tenepmanue. Ara, Allah arye nyabukura, el yupu laka nyananye Musa arye sekamuka ara, ani. ‘Anggun ninye deiyoknye ati, malye yupu nyabuka kum derenamlulume.’ (Keluaran 22:28) Nyabuka sekeiyamika ati, arup narye nyapmanu yupu deice arye, malye winipmanua ati, anggun merekuka wenepmanulume,” Paulus arye nyabuk.