2 Samuel 19:37 - Eipomek

³⁷ Na nio, na moropkine. Nara, an amu tam pil donanye unune. Bukni ance, ‘Telebe,’ nyapniminyopura, nara, na mutuku koprop tamubuka binamane. Na mutuku bukni, na aik tamubuka binyopura, na mutuku uk dipnamne. Dipniba, na nong ninye, na ni koprop ap, na nin koprop ap, diamdikba, weiamik sukumuk, weipnamniyake. Ati, na ton tenena kum bukni, narye tenipmana ara, anyaka unmalanye, el si Kimham, an amu tam pil donanye ulule. Ance, ‘Telebe,’ nyaptumopura, el ap, an ap, Yordan mek neika koubuka biturume. Ance, ‘Aning winiptinye, anye biti winibuka melipnune’ tenen, tenenalam ning nirya ara, elti, melinamlyame,” pia wisinye Barsilai birye, Daud ati nyabuk.

2 Samuel 19:37 ပူးပေါင်းရင်းမြစ်များ

Kejadian 47:30

Aning kum bukni, na nong bobuka Mesir mutuku batakuka bobinimince, na apu yapu dibikba, tuku lukamikak uk, tuku luknamnilyame. Ara, na apu yapu akunum dibik touk, dipnamne talak ati nyapkine,” Yakub birye Yusup biti nyabuk. Nyabuka morobukba, Yusup birye el li biti, “Naie, anyapmalam touk winipnamkine,” nyabuk.

Kejadian 48:21

Winibukopura, Israel birye Yusup biti nyabuk. “Ura, na ni mio, nara dipmanto akunum upman ati, dipnaman bukni, anti ara, Allah weika arye melinamkile. Tonda, aminyan talak an apu yapu ulamik mutuku Allah arye anti dobuka bobinamkile.

Kejadian 50:13

Yakub el mapu arye el nong bobuka Kanaan tam noutamak bobiyik. Ara, mutuku si Mamre mutuku dam, wa tuku si Makpela wa noutamak uamuk keil deiya pum bisik dongobik. Akeil deiya ap, awa tuku ap ara, minop talak Abraham arye, ‘Na yala nang ninye weina ati,’ tenyamukce dekamuk tuku atia. Tonda atalak ara Het yalanye el si ara Efron taleamuka anya arye Abraham arye dekna ning yo bok arebukba, Epron arye Abraham biti awa ap, akeil deiya ap nukuk.

2 Samuel 19:36

“Tonda na nio, ance nati, ‘Dekna weik ning arepnamne’ tenena kume. Na ap, an ap, Yordan mek koubuka, bisik noutam arye anyapce neika binaname. Weika arye kum binaname.

2 Samuel 19:38

Nyabukopura, Raja Daud birye Barsilai biti, nyabuk. “Ati ara, ance tenepmalam touk, anye Kimham dobuka binirye, an tenepmalama atonun, aning nirya ara, elti, melibuka winipnamne. Tonda, yata ning do nirya, an patapkilye ning nirya ara, ance moropniminyeura, narye dipkoprob melibuka winipnamkine,” Raja Daud birye, pia wisinye Barsilai ati, nyapdeibuk.

2 Samuel 19:40

Aning winibukopura, Raja Daud ap, Yehuda yala nang ap, sik yin talin nang ap, tonda, Israel nang sik yin talin nang anoutam nang nirya ap, Yordan mek koubuka, otam banmek. Gilgal mutuku banmek talak ara, ninye ton Kimham ap melibukba, aninye nirya ap, Raja Daud ap, nirya biyik.

1 Raja-Raja 13:22

Awinipmalama deice, ance mek ap, din ap akunum dipmalame. Ara, Allah arye anti, ‘Aning ara, winina kume,’ nyabuka akunum nyapdeipmakuk bukni, aning akunum winipmalama arye, an wenena ati, adiparyuk opkiliba, dipnamlam ja. Tonda, dipminyopura, an yala ninye dibikiba weinyakak, an nong bobinuka, kum weipnamkiyake,” nyabuk.

1 Raja-Raja 2:7

Nyabukce ayupu ton nyabuk. “Bukni, Gilead mutuku ulamuknye, el si Barsila, elce deiamuk mapu ara, teleb ubuka melinamlyame. Ara, an aik pum tam, neik meja dam bukmunce, an ap neika din dilulum ninye ap, anang ap din neika dinamake. Deiyok ara, an du koproba Absalom birye, ‘Na ni koproba opnamne,’ tenelamnuk talak, bai sakuka bikbik abuka binamse talak ara, Barsila el mapu arye, melilamnika ati, ance anang ton melinamlyame, nyapkine.

1 Raja-Raja 4:5

Tonda, amutuku ninye deiyok kibuka ninye weik ati, sik yupu bokolinanye bira, Natan el mi Asarya erepdeibukba, apil talibuka ulamuk. Tonda, ninye deiyoknye Raja biti, ‘Teleb unamtibye ning ara, dan ning do?’ tenen, yupu sisikina deiyoknye bira, Natan el mi Zabud erepdeibik. Tonda, anye binyuk, imam pil ton talibuka pil dolamuk.

Yeremia 41:17

Yohanan birye, anang dobuka bisik bobanmoka ani, Babel mutuku nang ati, ‘Wabuka, opsikcakʼ tenen, ilil weik ubuka ati, sikda, ‘Mesir mutuku binuka unamapʼ tenen, banmika ani, bisik noutam arye, mutuku si Gerut-Kimham mutuku binuka, tiya talak ati mapmik. Kimham mutuku, ara Betlehem mutuku dam uamuk.

2 Timotius 4:6

Ayupu nyapmakina ara, talye ati kum nyapkine. Deiyok ara, ani. Yahudi yala ninye arye, Allah el si erena ati, kam ning obuka arilyamik talak bukni, sirya dakana ati, anggur mek ton dobuka, aning deice dikilongolamik touk, na wininune. Ara, Allah tenyamnuk touk, pil dopra balamsa ani, sirya dakna talak dam upnila anya arye, na dipnamne talak dam upnile.

Yosua 23:14

Wini talak, na Yosua bira, tukwak nang nirya ara, daulamikca ani, wisi danuka, sirya talak dibilamak touk, na babye dibina dam akunum kipnile. Bukni, anggun Israel nang nirya ara, yuk-yuk bukni, anggun nirya ara, anggun kanye ap, anggun kanye tenen ning ap, akunum bikilulume. Ara, anggun ni koprop, Allah Yahweh, elce anggunti, “Pia teleb-teleb ning nirya ara, dobuka arenamsine,” nyabuka, minop talak arye nyapdeiamsuk ning nirya ara, akunum arepsukba, biklume. Allah arye anggunti, “Teleb ning arenamsine,” nyapdeiamsuk ning ara, tonok yupu babye ton, kum bataksuke. Aning nirya akunum arisiliba, anggun yuk-yuk akunum bikilulume.

2 Peterus 1:14

Nun Deiyoknye Yesus Kristus arye lakak nyapnukbuk kel kiyamse. Mitikanun ton unmanyani, dipnamnarya. Ati, arup asum nyapmasin yupu ara, tuba-tuba ila tamubuka nyanamsine.