2 Samuel 19:34 - Eipomek

³⁴ Nyabukopura, Barsilai birye, tamubuka Raja Daud biti nyabuk. “Naio teleb nyapnilam bukni, na an pil donanye bira, keting tamun weik arye minop unirye. Wisi akunum dase ati, akunum dipna dam upmanila anya arye, yata wirina ati, narye an melipkenepa, Yerusalem mutuku binunam do?

2 Samuel 19:34 ပူးပေါင်းရင်းမြစ်များ

2 Samuel 19:33

Winibuka, weik arye Raja Daud meilyamuk ati ara, Raja Daud birye, Barsilai biti nyabuk. “Amio, ance meliamnuluma anya arye, wini talak ance na melipniminba, nun bitinye Yerusalem mutuku binimirye, narye anti, aning-aning nirya arepkiniba, talibuka unalame,” nyabuk.

Ayub 14:14

Na nio, na walwale. Ninye akunum dipmakceura, sik tamubuka kam bukting do? Ance tamubuka kam bukeipnamsilam do? Kam bukeipsutum toura, aning biktinyeura, na tuba-tuba ikin unilye talak noutam ara, ‘Aminyan dipnyopura, Allah tenepnilye talak, tuba tonap tamubuka kam bukeipnamnil’ tenen, pia teninauk uptinye.

1 Korintus 7:29

Na nyapmasin yupu dukdongobuka lak arye, kibuka laka nyapnusine. Deiyok ani. Ara, Yesus dib teneluluma ati, nun du weit atonun ululum ninyeo, anggun sal babye, kilapu babye, anggun nirya ati nyapsine. Yesus tamubuka dolyanamsil talak sirya talak ara, akunum dam upmasil anya arye, ‘Tukwak mutuku unamap talak ara, akunum sirya daknin banmabe,’ tenepmana ati, nyapsine. Wini talak arye, diprongobuka, dolyanamsil talak noutamak nirya ara, kil akunum domik nang arye, sik kilapu patalul ning atibuk, ‘Yata winipnun do?’ tenebuka, kanye dipibuka kum unamlume. Sik kam nang tenelamak atonun, mitik atonun tenenamlulume. Deiyok ara, Yesus tamubuka yanamle ning ara, weik mambule. Yuk tukwak mutuku noutamak ulul ning nirya ara, mitik mambule ati nyapsine.

Yakobus 4:14

Anggun ayupu nyalulum ning ara yata ati do? Ambusum winipnamasil ning, aning babye tenebuka kum kel keptuma ati, nyana meme. Anggun kam unamlulum talak nirya atonun ning nyapnusine. Dua puto welebli ani, keting deiplirye, keting bupu arye minopce kum danalamle touk ululume.