2 Samuel 19:21 - Eipomek

²¹ Nyabukopura, Zeruya, el mi Abisai birye, ayupu kekebukce, nyabuk. “Kume, Allah el si Yahweh arye, ‘Ninye deiyoknye, Raja unamle’ tenen, wipkuk bukni, anye Simei birye, minop talak pia malye yupu nyabuka, an nong deice sulongon yupu deipkuke. Aning akunum winibuka ati ara, teleb ning ara, adiparyuk anye oploptibye,” nyabuk.

2 Samuel 19:21 ပူးပေါင်းရင်းမြစ်များ

2 Samuel 16:13

Nyabukce Daud ap, el melin nang ap nirya, adiparyuk bisik banmek talak ara, Simei babye sik banmek touk bikbik abuka dobolbanmokce, amutuku warekdongona banmekce, sikti, tuba subukabukce, keil duk ap, tuku ap, sik deice dopnin banmokce, sikti, pia malye yupu nyanmokce, suldongon yupu nyanmok.

2 Samuel 16:5

Atalak ara, Daud adiparyuk, Bahurim mutuku dam biyuk talak ara, ninye ton Gera, el mi Simei bira, Saul el tam nang arye deiamiknye binya arye, anye bira Daud dam yayukce, Daud biti malye yupu nyabuka, weik arye minipdongobuk. Ara, ‘Na nyapnye yupu deice arye, el nong deice ikin weik upnamle’ tenen, malye yupu nyabuka minipdongobuk.

2 Samuel 16:9

Nyanmokba, yuk ninye ton Zeruya el mi Abisai birye Daud biti nyabuk. “Se na nio. Anye birye malye nyapkil ning ara arando? Elda talye diamlye kam atonye birye yanuka anti malye yupu nyabuka an nong deice ikin deilinmakilarye, sunmakil bukni, na ni ance namin kilongonmalam ning ara, yata ati do? Anda nun weik deiyoknye Raja ulamsilama ati, ance nyapsiminba, nara an amu tam melinanye birye, ounmalanye el ya arye sekelbinune,” nyabuk.

Mazmur 84:9

Na ni Allah Yahweh anda, aning-aning nirya talimince, im deice yin talin malaikat nirya, sik weik deiyoknye ulyame. Ati, ‘Narye anti moropkin yupu ara, kekepnamnilam’ tenen, moropkine. Tonda, ‘Yakop birye deibukba, dadeipdanin, yangalamik nang ati, Allah ance kalikuka melilalumnye kekepnilyam’ tenen, moropkine. Akunum tenen ati, teleb nyapne.

Keluaran 22:28

Allah Yahweh ati, malye-malye yupu nyabuka, el deice arye pia kum nyanamlume. Tonda, amutuku noutam ninye deiyok kibuka talinyak nang ati, “Anggunda, dipkoprob malye nang ululume,” nyabuka, kum nyanamlume.

Ratapan 4:20

Allah Yahweh, elce, ‘Anye bira, ninye deiyok kibuka, ‘Naʼ tenen, nang Israel nang talibuka Raja unamleʼ tenen, wipdeiamuknye bira, nun mal olan nang arye tomobik. Nun Raja ati ara, nunce, ‘Kume, elda erebuka, nun deice tam atonun kiplyeba, nunda el amu tamuk unamabe. Elcuk kalekuka melinamsile. Winipsilyeura, yuk mutuku nang yala-yala nirya, sik noutam ubibya babye, telebuk unamabe,ʼ tenelamupu. Utenelamupu bukni, el babye, nun mal olan nang arye yanuka tomobik. Ara, ninye arye tuku pum tam weik bisik palibikceba, bai tam kam ning mangkau yangalamicak, atuku pum saklyeba tomolamak touk, tomobik.

1 Samuel 24:6

Ikin kanye bobukce, el yin talin nang ati nyabuk. “Kume nun ni Allah el si Yahweh arye, minop talak arye, ‘Israel ninye sik Raja unamle’ tenen, Saul wipdeiamsuka ati ara, Saul bira Allah elce erepdeibuknye tuba ulula ati, na deiyoknye ulule. Nara el amu tamnye unune. Ati ara, narye Raja Saul biti malye kum kipdeiptinye. Tonda narye Saul biti kum optinye. Winipnyopura, Allah arye nati wenepnilyake. Ati, Saul el baju mouse tam sekmanu ning ara, dipkoprob malye winipmana anya arye, ‘Allah arye wenepnilyak’ tenen, na malye kanye bopne,” nyabuk.

1 Samuel 26:9

Bukni, Daud birye tamubuka, Abisai biti nyabuk. “Kume, ance aning tenepmalama ara, kume. Anyapkina ara, talye ati kume. Deiyok ara, ani. Ara, Allah Yahweh arye, ‘Raja kipnamleʼ tenen, akunum wipdeibuknye, opminyopura, Allah elce awinipminye ning ati, ‘Dawaplye,’ kum tenepnamle. Aning kum bukni, ‘Dipkoprop tamubuka, wenepkilyakʼ tenen ati, winina kume.