2 Samuel 19:11 - Eipomek

¹¹ Aning nyanmeka ati ara, Daud birye, Allah el aik pil dona deiyok nang, bitinye ati, yupu nyapdeibuk. Ara Zadok ap, Abyatar ap ati, yupu dopdeibuk. Anggunce, Yehuda yala nang, wisi deiyok nang ati asipdenamdurume. Israel mutuku noutam nirya, Israel nang ayala-yala nirya arye, nyanyak yupu ara, na akunum kekenune. ‘Raja Daud tamubuka, el weik deiyoknye aik yaturye, nun deiyoknye unamsile,’ nyanyaka anya arye, sik Yehuda yala nang ara, yata deiyok ati, sik ulyam do? Na erepdeipnikiba, Raja weiknye unamana ara, anggunda aminyan tam kiyamuce nanguk unamlum do, kum do?

2 Samuel 19:11 ပူးပေါင်းရင်းမြစ်များ

2 Samuel 15:29

Nyabukopura, Zadok ap, Abyatar ap arye, Allah nyalin yupu lilongon yo marikna bobukapdikce, tuba tamubuka, Yerusalem mutuku uk boyarik. Boyarikopura, sik osukum binuka ulamdik.

2 Samuel 18:14

Nyabuk bukni, yin talin nang deiyoknye, Yoab birye nyabuk. “Narye, ‘Dan talak arye, anye bira olbinalam do?’ tenen, antibuk apia kum dinamakine,” nyabukce, cang yo dula tombak winilye dobukabukce, Absalom unmokak, kam arye isin tuba aunmokbuk, binuka el taram deice, mikip arye lukdongobuk.

2 Samuel 18:15

Obukopura, Yoab el mapu yin talin nang, tagu barye (10) yayikce, sik parang ya arye, yanuka obikba, Absalom dibuk.

2 Samuel 19:10

Tonda nunce wera, ‘Absalom binyuk wipdeibibyeba, elcuk nun ninye deiyoknye Raja unamsil’ tenen, ereipmapu bukni, Daud tam yin talin nang arye Absalom akunum obikba dibuk. Ati ara, wini talak ara, yata ati, nun ni Raja Daud biti, min kum yukubupe. Elda tuba tamubuka, ninye deiyoknye Raja una ati, kum erepdeipnamap do, yata wiripnamap do?” nyanmek.

2 Samuel 19:41

Biyik bukni, aminyan talak ara, Israel nang yupa weik arye, ninye deiyoknye, Raja Daud dam yayikce, elti, nyabik. “Nun kwit capu, Yehuda yala nang ara, yata ati Raja Daud anti, ubula dolona atonun updeipsik do? Tonda, ance anang ati, ‘Telebe,’ nyabuka yukupdoplumce, ‘Na melin nang unamake,’ nyabuka, an mapu ap, an yin talin nang ap, Yordan mekin arye, neika ansinibuka, Yordan mek koubuka yalum do? Sik Yehuda yala nang arye, anti, dalubuka ubula dolona atonun upkike. Aning ara, nun like,” nyabik.

1 Raja-Raja 2:35

Aning akunum winibukopura, ninye deiyoknye Raja Salomo birye, Yoab el punupnamuka ati, Yoyada birye deiamuknye, el si Benaya bira, ‘Israel ninye, sik yin talen nang, sik deiyoknye unamleʼ tenen, Benaya erepdeibik. Tonda, imam pil dolamuknye, Abyatar el punupnamuka ati, anye bira, imam Zadok wipdeibuk.

Matius 5:16

Ati ara, ‘Ninye eipnamak’ tenen, upna delilamak touk, anggunda ninye dinak nirya, weik dirina atonun unamlulume. Winimunyopura, yuk nang arye, anggun teleb winilulum ning eibikirye, anggun ni Allah im deice ululnye ati, kel kibuka el siuk erenamake. Yesus arye, el mapu ati nyabuk.

2 Korintus 5:20

Aning ati ara, nun Allah yupu peterena deiyok kouna deiyok nang ara, Allah el si deice arye, ninye lyena ap, el laka teleb yupu peterelbana nang unyabe. Ara, Allah elcuk anggunti mening dam yanuka nyapsuk touk, nun deice nyasilyeba, ayupu dobuka anggun dam nyalyanganyabe. Aning ati ara, Kristus elcuk anggun mening dam kum nyapsutue anya arye, nunda el si deice arye anggunti nyasinyabe. Nunce anggunti nyanyap yupu ara ani. “Allah arye ninye lyena ati, insinibuka teleb ubuka delisilye ning ara, anggun ton dib tenebuka dolonamlume,” nyabuka nyasinyabe.

2 Tesalonika 3:9

Nunda deiyok nang unyaba anya arye, ‘Anggun din ning talye urdem aryuk arepsitinge’ tenen, morolamsitibye bukni, aning kum winilamubu. Aning kum winipmanto tenena ati kum winilamubu. Aning kum winibupu deiyok ara, ‘Nunce teleb ubuka winilamuba ani, aninye sik kel bikna ati, nun unyap ning eibuka kel kipsikirye, sik babye atonun wininamak’ tenen, winilamubu.