2 Samuel 18:28 - Eipomek

²⁸ Nyaldongoyuk talak aryuk, Ahimas weik yupu arye, Raja Daud biti nyabuk. “Telebe na ni. Aning-aning nirya, telebuk ulule,” nyabukce, gutam tuku dipdongobuka, si erebukce, ayupu ton nyabuk. “Na ni koprop Raja Daud, ance Allah el si Yahweh ati si erelyam Allah ara, telebe nyapne. El si erepnamabe. Na ni koprop, an ona ati dobolyangalamkik nang nirya ara, akunum obuka sirya dakmabe. Nun ni koprop, Yahweh arye melipsukba, an mal olan nang nirya, akunum obisipmabce, sirya dakmabe,” nyabuk.

2 Samuel 18:28 ပူးပေါင်းရင်းမြစ်များ

Kejadian 14:20

Nun ni koproba Allah, aning-aning nirya deice tam ulinye birye meliamkukba, ance yu ninye deiyok nang nirya, akunum obuka malye kiamlume. El mikip deice arye, anang obuka sirya daklume.” Melkisedek birye, Abram biti nyabuk. Nyabukura, Abram birye, tuba tamubuka, dobuka boyanmok ning nirya noutamak bokukabukce, Melkisedek ati, 10 persen talye arebuk.

Kejadian 24:27

Kibukce, ayupu nyabuk. “Na ni Allah, an si Yahweh ati, si erepkine. Anda na deiyoknye Abraham ara, an diamuk taliplumba, an si erekulule. Ance Abraham biti, ‘Winipnamle,’ nyapdeipmamu touk, pia teleb ubuka akunum wininmalame. Tonda, Abraham ati, bico tenepmince, elti, teleb kililyame. Tonda na nio, anda Yahweh arye melipmanilama deice arye, na deiyoknye Abraham, el tam ninye, sik aik akunum yanmane. Aning nirya ara, anca,” nyabuka Allah el si Yahweh ati, el si erebuka kibuk.

2 Samuel 1:2

Like bitinye akunum mabukopura, like winilye sum ara, Saul el tamnye yin talinanye tonok, imun kanye bopmuka anya arye, el baju kwiliklobukce, el kisok deice, atu sice likdeipdayukce, Daud dam yayukopura, gutam tuku diprongobuka, Daud biti kibuk.

2 Samuel 14:4

Kekebukura, akil adiparyuk, ninye deiyoknye Raja Daud damak biyukce, kutam tuku dukdongobuka kibukce, akil arye nyabuk. “Na ni anda, na weik deiyoknye ulyame. Ati, ance na melipnamanilama ati, anyaka yanuka moropkine,” nyabuk.

2 Samuel 22:27

Malye winina pia kumce, telebuk unyak nang ara, ance telebuk kililyamba, elikinyake. Bukni, talima malye-malye unyak nang ati ara, sik wininyak ning moubuka dipdemince, wenelyame. Walwal atonun kum ulyame, ninye wininyak ning nirya, moubuka dilyamce, yupu bokolisilyame.

2 Tawarikh 20:26

Winibuka bona dobuka delinmeka ani, like dumbarye sum akunum ubukura, sik aninye nirya arye, tonokauk bulubuka wekik. Ara lyu weik mutuku, si Ara, mal olbinuyik talak, mot sena deice arye, Allah si erebupnya ati, amutuku biyikce bulubuka wekik. Abulubuka weikikce, Allah el mikip deice arye, awinipmuk ning nirya eibikce, Allah ati, si erenmek. Amutuku lyu ati ara, ‘Allah el pia teleb ulula ati, Allah si eren mot sebik mutuku ati, atalak babye, wini talak babye, amutuku si ati, Telebe nyana weik mutuku lu tenen, sik yupu deice arye, ‘Baraka mutukuʼ tuba nyanyake.

Mazmur 115:1

Nun ni Allah Yahweh, antibuk si erebuka kinamkiyabe. Ara, nun tibuk kibuka, kum erelanamabe. Bukni, nun ni Allah, ance nunti, bico tenepsimince, melisilyama ati, nun adiparyuk anti, si erebuka kinamkiyabe. Tonda, ance nunti, ‘Wininamsine,’ nyabuka, nyalin yupu nyapdeiamsulum ning nirya ara, tonok ning babye, kum bataksulumce, aning nirya winilamsilama ati, an siuk pia erekinyabe.

Mazmur 124:6

Winipmanto ara, bai tam ulamle kuse, el nong weik ap, yu weik ap ulul kuse, el si ara singa kuse arye, yuk kam ulul ning opnulya ati, si topdongobuka bolbolok alamle tonun, yu nang arye, nun yanuka, talibuka opsiting bukni, nun ni koproba Allah arye, nunti meilyamsuka anya arye, aning ara, kum winyamsike. Ati, Allah el si kibuka, si erenamabe.

Mazmur 31:8

Allah anda narye pia, “Bico tenekinirye, narye anti, winibuka pia teleb kipdeipnamkine,” nyalin yupu deice arye, nyapdeiamkise ning nirya ara, ‘Batakna kumce, pia melinamkine,’ nyanilyama ati, kanye deipnirye, telebuk wininamne. Ara, na ona ati yu nang arye, warebuka dininyak nang ati, ance akunum eibuka, nati akunum melinimince, lyelonilyama ati, pia kanye deipkine na nio.

Keluaran 18:10

Winibukopura, ayupu nyabuk. “Sik Mesir mutuku ninye nirya ati, taleamuk ninye deiyoknye Firaun, el taruk deice arye, sik Israel ninye taleamukce, ikin ning sik nong deice delilamuk bukni, Allah Yahweh arye lyepsuk ning ap, tonda Mesir mutuku ninye sik kan-kan arye, ikin pil dilamsikba, imun kanye bobuka, ikin pil weik dolamlum bukni, Allah arye melibuka lyepsuk ning ap nirya ara, narye, anggun ni koprop Allah Yahweh ati, weik arye telebe nyapsine.”

1 Samuel 17:46

Tonda arup Allah arye, anti opnamakilarye, akunum kintinipmakile. Allah arye melipnilaba, an akunum opnamakine. An kisok duk daklopnamakine. Opkinirye, an nong ap, Pilistin yin talin deiyok nang ap, anggun nong nirya babye, oplopkinyeba, maka ap, tukwak talye ulamle ning nirya arye dipnamakiyake. Winipkilyopura, mutuku-mutuku nirya unyak ninye arye, kel biksikirye, ‘Diba Israel ninye ara, Allah ap unyake’ tenen, kel kibikirye, Allah elti, si erepnamake.

1 Samuel 24:18

Aning atonun wini talak akunum laka nyapmanilame. Allah el si Yahweh arye, na dobuka an dam deipmanuak, akeil deiya pum tam ance adiparyuk akunum opmanutum bukni, kum opmanilame. Winipmalama deice arye, telebuk updeipmanilame.

1 Samuel 25:23

Daud aninguk, tenebuka banmok talak ara, Abigail birye, Daud akunum eibuk. Eibukopura, el keledai basam balye deice bukmoka batakuka, tukwak koulukukce, ‘Daud si erepnun’ tenen, Daud tikmokak, binuka dipnin biyuk.

1 Samuel 26:8

Saul amapmokak, sik bitinye arye, eipmarika ati, Abisai birye Daud biti, nyabuk. “Na nio, akunum, nun ni Allah arye anti, lo akunum arepmakile. Anti ‘Anye bira, optinye,’ tenekilinye bira, arup lukunyan arye dobuka, an taruk deice akunum deipmakile. Ati ara, ance nati, ‘Anye bira oplyame,’ nyapniminyopura, Saul el mining tombak dobukapnirye, like bitinye kum bukni, like tonok aryuk lukniba, tuku ap bikdongopnirye, opnune,” nyabuka morobuk.