2 Samuel 18:24 - Eipomek

²⁴ Daud bira, Yerusalem mutuku bisik bublan bai tam ning ap, aik tam ning ap, noutam bukmok. Bukmokce dinmokba, el aik pil donanye, ‘Yata wiripnamsil do?’ tenen, kalikuka, dina deiyoknye birye, anyaik abilinga arye, welebuka abublan deice binuka, tikuka dinmokba, ninye tonoknye ton, bikbik abuka yangayukba, eibuk.

2 Samuel 18:24 ပူးပေါင်းရင်းမြစ်များ

2 Samuel 13:34

Aning winibuk talak aryuk, Absalom el babye, yukak kwarabuka biyuk. Atalak ara, ninye deiyoknye Raja Daud, el asik dam kaliklamuknye, elce dinmokba, Horonaim mutuku arye yangan bisik deice bukni, abukamuk mutuku kon deice tam arye, koulukuka yanganmek nang ton eibuk. Atam arye ninye weik koulukuka, yanganmekak eibuk. Koulukuka yanganmekak eibuk ning ara, el anye adiparyuk, bikbik abuka ninye deiyoknye Raja Daud, el dam binuka laka nyabuk.

2 Samuel 18:23

Nyabuk bukni, Ahimas birye, “Kume, ikin upnilya babye, na ton bikbik abuka bitinye,” nyabuka morobuk. Nyabuka moropbukba, Yoab birye, “Yo telebe, adiparyuk bikbik abuka nyalbilyame,” nyabuk. Nyabukopura, Ahimas yuk bisik, Yordan mekin lyuak bisik deice, bikbik abuka banmoka ani, Etopianye bisibuka bindopmok. Aning ati, Ahimas birye, minopce Daud dam biyuk.

2 Samuel 18:25

Yayukopura, anyasik kalikinanye eibukce, weik arye malye nyabuka, Rajanye dam nyabukopura, Daud birye nyabuk. “Se el bin tonoknye yanmala ara, urdem ati kume. Na kanye ara, el tonok yanganmala anya arye, laka teleb yupu nyalyanganmasil kum danya,” nyabuk. Nyabuk karin ara, ayanganmoknye, sik dam ton yanganmok.

2 Samuel 18:4

Nyabikopura, sik deiyoknye Raja Daud birye, tamubuka nyabuk. “Telebe anggunce, ‘Aning telebe,’ tenepmaluma atonun, na babye winipnamne. Anggun dabilulume,” nyabuk. Nyabukopura, elda anyasik dolamik bai tam, poka bublan dam tikuka dinmokba, sik yin talin nang nirya ara, yupa ara, lelebuka tikmekce, kutukuka banmek ara, ton yupa ara, seratus arye banmek. Ton yupa ara, seribu (1.000) arye banmek. Aning atonun, ayupa ton, ayupa ton weik arye, bai tam banmek.

2 Samuel 19:8

Nyabuka wenebukopura, Raja Daud kekebukce, adiparyuk kutukuka, bai tam biyuk. Kutukuka biyukce, anyasik bai tam weik poka bublan dam binuka bukuk. Winibukopura, yuk nang eibikce, laka nyalbiyikba, el yin talin nang nirya ap, amutuku nang nirya ap, Raja Daud dam yanuka wekelyayik.

1 Samuel 4:13

Anye Eli bukmok buna ning deice bisik irikna ak yanuka bukmokce, kintinibuka dinmok. Tonda, ‘Se, Allah el nyalilamuk yupu deibupu Peti Perjanjian ara, Pilistin nang arye, dalubuka dopropmak do?’ tenen, ilil ubukba teniltona uk unmok. Silo mutuku laka nyalbiyuknye wininmok ani, amutuku ulamik ninye nirya ati, laka nyapmokba, amutuku ulamik Israel ninye nirya weik arye, engebuka ngalukunmek.