2 Samuel 18:10 - Eipomek

¹⁰ Winibukba, ninye ton Daud, el tam yin talinanye eibukce, el deiyoknye Yoab biti, laka nyalbiyuk. “Naio arup arye, narye dinmanubuk, Absalom bira, weik yo tikamukak noutam arye, el potong kwarikuka dadipmokba eipmanue,” nyabuk.

2 Samuel 18:10 ပူးပေါင်းရင်းမြစ်များ

Kejadian 12:6

Abram Kanaan mutuku noutamak banmoka ani, tonok mutuku si ara, Sikem mutuku bukni, ara weik yo, keramat yo tikamuk mutuku si, More mutuku biyuk. Abram amutuku noutamak balamuk talak ara, Kanaan yala nang weik amutuku tuba ulamik.

2 Samuel 18:11

Anye birye, ayupu nyabukopura, Yoab birye tamubuka, anye biti nyabuk. “Anda yata ati asing aryuk dinmom do? Yata deiyok ati, atalak aryuk akunum opmatumba, tukwak poupmatue. Opmatumba, akunum dipmatuopura, narye keil uang, el si ara perak, mitik anun tagu barye, ara tagu barye kibuka (10) akunum arepmakitinye. Tonda, mikip weik yin talin nang deiyatinga delin ning, deililamaka ato ning tonok ap, anti arepmaketinge,” nyabuk.

2 Samuel 18:9

Atalak ara, Absalom el keledai basam balye deice, bukuka bayuk talak ara, talye karin arye, Daud el yin talin nang ap, anye ap epdayik. Epdayikba, Absalom ilil ubukba, keledai basam deice bikbik abuka binmok. Binmok ara, yo noutamak anya arye, Absalom balye deice bukmok keledai basam, weik yo tikamukak amu tam wekelbiyukbuk, Absalom el cang potong, ayo taruk arye kwarikukba, asukumuk dadipmok. Absalom el keledai basam ara, talye bikbik abuka biyuk.

2 Samuel 21:6

Aning ati ara, anda ninye deiyoknye Raja Daud birye, ‘Telebe,’ tenepmince, Raja Saul elce deibukura, dadeipdanin yangalamika ani, deiamik nang kan-kan noutam arye, tekbarye nang dobuka, nun Gibeon mutuku nang ati arepsutumura, nunce ananguk optibye. Ara, nunce, anang dobuka, Allah Yahweh el dam bukni, Gibea mutuku noutamuk, weik cang yo ikibirye, taica lukuka deibibyeura, atatca deice arye, tekbarye nang lukuka dongoptibye,” nyabik. Nyabikura, Raja Daud birye, “Yo ura, aning ara, telebe uka. Saul tam nang tekbarye nang dobuka, anggun Gibeon mutuku ululum nang ati, narye arepnamsine,” nyabuk.

Ayub 31:3

Ati ara, dipkoprob malye ninguk wininyak nang ara, Allah arye wenena ap, malye una deiyok ning ap arepliba, sik anang dam yanamle. Yalyopura, sik wininyak ning ayala-ayala nirya ara, malyeuk ulinamle. Ara, sik malye-malye ninguk wininyaka dekna ati wininamle.

Galatia 3:13

Allah arye nyapdeibukba, Musa arye sekeiyamsuk yupu, mem yupu nirya moubuka talibikirye, diksukum kibuka kum dobolbanyak ninye ara, “Allah arye weneplirye, oplopnamle,” nyalamuk yupu aupmale. Bukni, Kristus arye nun tukwak mutuku ninye ati, el bidamnye nong arepdayukba, yu nang arye obikba, nun malye ulamubu ning lyepnamsuka ati dibuka deice arye, lopdeipsukce lyepsuke. Minop talak ara, mem yupu amu tam ulamububa, amem yupu arye tapu koulamsuk bukni, Yesus arye pil dopsuka deice arye akunum loplopsuke. Anyapmasin yupu ara, talye ati kum nyapsine. Ara, Allah yupu sekamik yupu noutamak aubuk yupu deice arye kel kinyabe. Ayupu ara ani. ‘Wanwanun yo deice deibuka olamak ninye ara, Allah arye aninye ati wibukaplirye, wenebuka oplopnamle.’ (Ulangan 21:23) Aning ati ara, kel kinyabe. Nun malye winina ati, Allah arye talye luparabuka oplopsutu bukni, Kristus wanwanun yo deice obikba, dibuka ara, talye ati kume. Nun malye winina ning pununa ati, dibukce lyepsuke.