2 Samuel 16:5 - Eipomek

⁵ Atalak ara, Daud adiparyuk, Bahurim mutuku dam biyuk talak ara, ninye ton Gera, el mi Simei bira, Saul el tam nang arye deiamiknye binya arye, anye bira Daud dam yayukce, Daud biti malye yupu nyabuka, weik arye minipdongobuk. Ara, ‘Na nyapnye yupu deice arye, el nong deice ikin weik upnamle’ tenen, malye yupu nyabuka minipdongobuk.

2 Samuel 16:5 ပူးပေါင်းရင်းမြစ်များ

2 Samuel 16:14

Winibuka unmek bukni, ninye deiyoknye Raja Daud ap, el mapu ninye weik arye banmeka ani, Yordan mekin biyikopura, mikip kum mitang ubukba kum binmanto ubuk. Ati asukum binuka dikdik senmek.

2 Samuel 16:4

Ziba birye nyabukopura, Daud birye tamubuka, Ziba biti nyabuk. “Ati ara, wini talak aning nirya, Mefiboset el taleamuk ning nirya ara, arepkina anya arye, an ninguk unamkile,” nyabuk. Nyabukba, Ziba birye tamubuka, “Se na nio, an si erepkine,” nyabuka, Daud el si erena ati, Ziba el kisok kanupdongobukce, tukwak dinmok. “Na patapnil ning ara, ance nati, ‘Telebe,’ tenebuka, nati kanye deipnutume. Winipminba, an amu tamuk kipkinirye, antibuk pil donamkine. Anda na deiyoknye Raja ulyame,” Ziba birye Daud biti nyabuk.

2 Samuel 16:6

Ura, Daud banmok talak ara, el pil dona deiyok nang ap, el yin talin nang ap, neika banmek. Banmek talak ara, el yin talin nang ara, el banmokak dana-dana antanap dongopmekce, sik ni koprop noutam deibikce bobanmek. Winibuka banmek bukni, Simei birye, malye weik ubukce, keil dobukabukce, Daud ap, el pil don nang ap, sik nong deice, keil donokonmok.

2 Samuel 17:18

Utenebuka kintinipmek bukni, atalak babye winipmarikba, tonok kamnye ton, sik duknupmarika ebukabukce, kel bikukopura, adiparyuk Absalom dam nyalbiyuk. Nyalbiyukopura, abitinye nang adibuk, bikbik abuka birikce, ninye ton tonoknye, el mutuku Bahurim, el aik dam ara, mek dina ati, kum ubuka palyamuka pum bisik binuka, wekuka duknupdik.

2 Samuel 23:31

Beet-Araba mutukunye Abialbon ap, Bahurim mutukunye Asamawet ap,

2 Samuel 3:16

Akunum binuka, alubuka boyayikura, akil domuknye, el si Paltiel adiparyuk aminyan, engebuka dobonmok. Wininmokbuk banmeka ani, Bahurim mutuku akunum biyikopura, Abnar eibukce, anye Paltiel biti, “Anda tamubuka bindopnulyame,” nyabukura, adiparyuk anye, el mutuku tamubuka biyuk.

Ester 2:5

Atalak ara, Persia mutuku weik deiyok asik kota Susan mutuku noutamak, ninye tonok ton, Yahudi yalanye, el si ara, Mordekai ulamuk. Mordekai el li bira, Yari. Yari el li bira, Simei. Simei el li bira, Kis ulamuk. Sik anang nirya ara, Benyamin yala nang ulamik.

Ayub 30:11

Deiyok ara, Allah elce nati, mikip kum kipdeipnukba, pia mitang kipnuke. Winipnukba sik anang arye, na dam talye lubakibuka, olyanganinyake. Sikce, ‘Anye biti winipnuyabe,’ tenenyak ninguk, talye lubakibuka winininyake.

Mazmur 102:8

Lukunyan noutam ara, mapmanye talak ara, na pia kum mapmanto unune. Asing lanauk unune. Tonda, tonok mitik maka, ninye aik deice tam, el yuk bukapya ani, adiparyuk lakuka balamle touk unune. Nara, na babye pia yuk unune. Yuk nang ap neika una pia kum unune.

Mazmur 109:28

Na kanye ara, ‘Sik yu nang arye, na Daud ati, talye minin yupu ap, ninye sulamak nang yupu ap, talye luparabuka nyaptinye babye, anda Allah arye nati, lyepnimince, telebuk kilinamnilyame. Tonda, sik yu nang arye, ‘Daud biti, opnuyabe,’ tenebikce nang, na olana ati kintiniptinga babye, ance anang wenebuka opminyeura, alye weik daknamake. Sik amalye winin nang arye, alye weik dakdanamak bukni, anda Allah, an amu tam kibuka, an piluk donun nye, na Daud bira, ance melipniminyeba, kanye deibuka unamnarya! Utenena ati, moropkine na nio!

Mazmur 69:26

Winipminba, aninye sik aik dobuka, unyak mutuku nirya ara, oldemuk uplirye, bipla papnamle. Amutuku noutamak ara, aik ap, ninye ap, ton pia kum unamake.

Keluaran 22:27

Anye el cang buppu baju tia ati dopropmince, ouku weik tonun pia kum delinamluma deiyok ara, ani. Anye el cang baju buppu kin ning ara, el nong bola leilipyeba, buppu una ara, aninguk ulula ati, ance el baju tamubuka kum arepminyeura, el mapnutu talak babye, yata ning arye, el nong pakubuka maptuba, buppu kiptu do? El talye maptuba, buppu kum kiptuura, anye birye na Allah ati, ‘Melipnilyane,’ nyabuka, weik yupu deice arye, malye nyabuka moropnilyeura, narye el yupu dipkoprob kekenamne. Ara, na Allah Yahweh, ninye ati bico tenena deiyoknye ununa ati nyapsine. Aning-aning nirya winina ati, “Aning ara wininamlume, aning ara, pia kum wininamlume,” nyabuk yupu

Keluaran 22:28

Allah Yahweh ati, malye-malye yupu nyabuka, el deice arye pia kum nyanamlume. Tonda, amutuku noutam ninye deiyok kibuka talinyak nang ati, “Anggunda, dipkoprob malye nang ululume,” nyabuka, kum nyanamlume.

Amsal 26:2

Maka bukmalya erepdoplirye, im deice lakuka balirye kum amulamle touk, ninye arye yuk diksukum unyak ninye ati, “Sikda malye weik unyake,” nyabuka lulundana yupu deice arye nyaplopting bukni, atilila yupu nyabikca babye, diksukum unyak ninye damak yalirye, sik nong deice kum upnamle. Anang ara, ikin ning kum dopropnamake. Deiyok kum upmala ati, yuk ninye nirya atilila yupu kekebikirye, ‘Kume, anang ara, telebuk unyak nang anya arye, ayupu ara, tilila yupu uk ulule’ tenen, moubuka kel kipnamakca.

Penghotbah 10:20

Tonda, amambul yupu ton nyapsine. ‘Ikin ning ara, nun dam yanuka upsilyakʼ tenen ati ara, anggunce anggun mutuku talibuka, ulul ninye deiyoknye biti, sikak suna pia meme. El ti, ninye sun yupu ara, lakak arye nyana babye, anggun talima noutam arye, ‘Supnamapʼ tenen, tenina babye, pia kum teninamlume. Anggun talima noutam tenebuka bataknamlulume. Suna ara, meme. Tonda, aning atonun, bona utotoa talibuka unyak nang ati, ‘Anggunda nun like,’ nyabuka, lak arye nyana babye, anggun man aik pum tam unamlum talak babye, suna ara, pia meme. Deiyok ara, ani. Winipmanto ara, ato yupu nyapmunyopura, im tam lakuka balamle maka tonok arye, anggunce nyanmamunye yupu ara, kekepsilyopura, anggunce, ‘Anye supnamne,’ tenepmamunye dam binuka laka nyalbanamle do? ‘Winiplyakʼ tenen ati, ato yupu tenina ap, nyana ap ara, pia meme nyapsine.

Yesaya 8:21

Anang ap, ato nang, sik yupu kekece nang ap, amutuku nirya, din pataplirye, kum uplye talak ara, imun kanye bobikirye, mutuku dana-dana nirya, din ati epra banamake. Bukni, kum eibikcopura, pia patanauk uliba, sikce sik ninye deiyok nang, Raja nang ap, sik ni koproba Allah ap ati, malye yupu nyabuka, derenamake.

1 Samuel 17:43

Pilistin mutukunye, Goliat birye Daud biti, nalibuka nyanmokce, nyabuk. “Anda yata ati akama bobuka, erepra yanganmalam do? ‘Elda, talye kam atonun ulule,’ tenepmalamce, talye mangkau arye, na dam yanilam do?” nyabukce, Isa Mutuku Dongonye mikip deice, “Arye malye kipdeipnulyame,” nyabukabukce, el isa si deice arye nyabuka, Daud biti subuk.