2 Samuel 16:19 - Eipomek

¹⁹ Tonda, yata weik deiyoknye biti, el amu tamuk unamne do? Minop talak ara, nara an ni koprop Raja Daud, el amu tamuk ulamsirye, el siuk erebuka, el piluk dolamse touk, anda el mi koprop ati, an si erebuka kum melinamkin do? Kume, anda Raja Daud, el mi koprop ulyama anya arye, anti si erepkinirye, an amu tamuk unamne,” nyabuk.

2 Samuel 16:19 ပူးပေါင်းရင်းမြစ်များ

2 Samuel 15:34

Bukni, na ka, ance nati melipnamnilam ning ara, laka nyapnukine. Ara, Yerusalem mutuku uk, tamubuka biminyopura, Absalom biti binuka nyapnalyame. ‘Naio, anda Rajanye, akunum ulyama anya arye, an amu tam yupu melinanye upnirye, melipnamkine. Minop talak arye, nara an ni koprop, el yupu melinanye ulamse bukni, aning winilamse touk, wini talak ara, an amu tam yupu kekebuka, melinanye unamne.’ Nyapminba, Absalom birye, ‘Telebe,’ nyapkilyopura, el ap urumunce, winibuka melinamnilyame. Ara, mince na melinanye, Ahitofel birye, ‘Wininalyame,’ nyabuka meliamnuk touk, wini talak Absalom melinamla anya arye, ance nyanalam yupu deice arye, Ahitofel nyapnamle ning ara, yupu sekminba, kum danamle.

2 Samuel 16:18

Nyabukba, Husai birye tamubuka, Absalom biti nyabuk. “Kume na nio, nun ni koprop Allah, el si Yahweh ap, Israel nang ap, an dam unyak nang ap arye, wibuka erepdeibaknye bira, el amu tam buknirye, el tibuk melibuka unamne. Anye bitibuk pil donamne.

2 Samuel 16:20

Nyabukopura, atalakuk Absalom birye, Ahitofel biti nyabuk. “Ati ara, wini talak ance nyapsilyame. Nun wininamap ning teleb ning ara, yata wiribuka wininamap do? Ance tenepmalam ning ara, laka nyapsilyame,” nyabuk.

Mazmur 55:21

Na kwit koproba ara, na ap, el ap, yuk nang ap arye, ‘Olana kumce, talye kanye bobuka, telebuk neika unamabe,’ nyabuka, nyalin yupu deice arye nyapdanamupu. Bukni, elce nati, ‘Deiyok winipnamname,’ nyabuka, nyalin yupu deice arye, nyapdanumu ning ara, akunum batakukce, malye kilinulule.

Galatia 2:13

Atalak ara, Peterus birye deiyok koubuka winibukopura, nun ap neika unmapu ninye, Yahudi yala nang nirya eibikce, sik babye atonun, Yunani ninye batakuka yukak leibuka banmek. Sik anang nirya ara, ‘Allah arye, Yahudi yala kum ninye ap neika una ara, malye kum tenelule’ tenen, akunum kel bikmek bukni, ‘Nun dam winiryuk yayik nang arye, malye nang tenepsicak’ tenen, ilil ubukba, nong bol deice ninguk tenebikce, malye unmek. Wininmek deice arye, na kwit Barnabas babye, ‘Se,’ tenebukba, anang arye Barnabas dobuka, sik mutuku tamuk bobiyik.

1 Samuel 28:2

Nyabukopura, Daud birye, Akhis biti tamubuka nyabuk. “Telebe, nara an melinanye unirye, na winipnaman ning ara, eibuka kel biknamanilame,” nyabuk. Nyabukopura, Akhis birye, Daud biti tamubuka nyabuk. “Telebe. Ati ara, an unalam talak noutamak nirya ara, ance nati, ‘Malye nang arye opnicak’ tenen, pia kalikuka dilmilinamnilyame. Na nong kalikna deiyoknye unalame,” nyabuk.

1 Samuel 29:8

Raja Akish birye nyabukba, Daud birye tamubuka nyabuk. “Se, na deiyoknye Raja, aning ara, narye yata ning ton, malye upse ati nyapnilam do? Tonda, ance nati, nyapnuluma ara, ‘Anda na dam yanamlumba, neika unimnya nirya ara, ance malye uplum ning ton kum bikise,’ nyapnulume. Ati, yata deiyok ati, na deiyoknye, ance nati, ‘Mal olan dam ara, kum binamlame,’ nyapmanilam do?” nyabuka asipdeyuk.