2 Samuel 14:33 - Eipomek

³³ Nyabukopura, atalak aryuk, Yoab kekebukce, adiparyuk Raja Daud dam biyuk. Biyukce, Absalom nyapmok yupu laka nyalbiyuk. Nyabukopura, ninye deiyoknye Raja Daud birye, Absalom biti yukubukba, Absalom yayuk. Yayukce, Rajanye si erena ati, yanuka kisok kanupdongobuka, tukwak mabuk. Winibukopura, weik deiyoknye Raja birye, Absalom biti, “Telebe,” nyabuka kina ati, iribuka mutubuk.

2 Samuel 14:33 ပူးပေါင်းရင်းမြစ်များ

Kejadian 27:26

Dibukopura, el li koproba Isak arye, nyabuk. “Na mio, na dam yamince, mutupnilyame,” nyabuk.

Kejadian 33:4

Yakub birye winipmok bukni, Esau birye, el weit koproba Yakub eibukce, bikbik abuka yayuk. Yayukce epdarikura, Esau birye, Yakub biti iribukce, mutubuk. Kipdarikce, sik bitinye nang engepdarik.

Kejadian 45:15

Tonda Yusup birye, el du yapu nirya ati, mutubukce, engenauk unmok. Anirya akunum winibukopura, el ap, el du yapu nirya ap, yupu sisikinmek.

2 Samuel 15:5

Tonda winilamuk. Yata nang do nirya, ninye tonok ton, Absalom dam yalirye, gutam tuku diprongobuka, elti, yanuka moroplyopura, Absalom biti, ‘Anye birye nati, kanye deipnetue’ tenen, taruk talibuka, el si erena ati mutubuk.

2 Samuel 19:39

Nyabukba, aninye nirya, Yordan mek koubuka, otam mutuku banmek. Sik nirya banmekbuk, aminyan talak ara, Raja Daud el babye, sirya binuyuk talak ara, Barsilai ati, ‘Telebe, Allah arye melinamkile,’ nyabukce, el urasinak mutubuka, melekdobukura, el aik tamubuka biyuk.

1 Raja-Raja 1:53

Nyabukabukce, ninye ton dopdeibukba, biyikopura, Adonia birye, Allah el si eren aik pum tam bukni, el arin ning delinak, yo lakase arye domik marikna bukni, dana-dana belyamuk ning talibuka unmok bukni, anang binuka eibik. Eibikce, anang arye Adonia bobuka Raja Salomo dam bobiyikopura, Adonia birye Salomo el si erena ati, kisok kanupdongobuk. Winibukura, Salomo birye, anye Adonia biti nyabuk. “Wini talak ara, an asik tamubuka bilyame,” nyabukura, biyuk.

Lukas 15:20

Utenebukce, amutuku batakuka, el li dam biyuk. Bisikak ouyanganmokura, el li asik dam tikuka dinmokce, el miuk ouyanganmokak eibuk. Eibukopura, el mi ati bico ubuka ati, bik-bik abuka biyukce, binuka iribuka mutubuk.