2 Samuel 13:14 - Eipomek

¹⁴ Tamar birye nyabuk bukni, Amnon birye, Tamar nyamok ning ara, kum kekebukce, Amnon elda mikip weiknye anya arye, Amnon birye el weit kil, el nong mikip arye talibukabukace, el tenepmok touk, malye kibukce, ubula yobuk.

2 Samuel 13:14 ပူးပေါင်းရင်းမြစ်များ

Kejadian 34:2

Biyukura, Hewi mutukunye bukni, amutuku taleamuknye el si ara, Hemor, elce deibuk mi el si ara, Sikem birye, Dina eibukce, ubula dobuka, neika maprik.

2 Samuel 12:11

Nyabukce, ayupu ton nyabuk. “Na Yahweh arye, dipkoprob nyapkine. Tulum ning ap, kanye imun ning ap nirya ara, an tam ninye, adiparyuk ikin ning, an nong deice delinamkiyake. Winipkikiba, an asing dinmaminyak arye, an damak ulamlinye birye, an kilapu nirya dobuka arepneba, anye birye akilapu nirya, yuk nang dinmacakuk, keting noutam neika mapnamake.

2 Samuel 13:15

Amnon birye, aning akunum winibukopura, elce Tamar biti, adiparyuk, ‘Elda na likeʼ tenen, yu weik ubuk. Kapul talak ara, Amnon birye Tamar biti, kanye deiamukce, moun dilamuk bukni, elce el weit kil ati akunum malye kibuk talak ara, adiparyuk, ‘Na likeʼ tenen, yu weik ubuk. Winibuk ati, Amnon birye, el weit kil Tamar ati, “Anda adiparyuk beo,” nyabuk.

Ester 7:8

Atalak Haman bira, “Se, akil Ratu Ester melipnilyame,” nyabuka, Ester el bukmokak, el nong dobukabukce maibukce morobuk. Ara, ‘Elce bico tenepnutue’ tenen, morobuk. Morobuk bukni, atalak aniryuk, ninye deiyoknye Raja Ahasyweros, aik tam binmoka ani, tamubuka Haman birye Ester bukmoka dam, maipmok ning yanuka eibuk. Eibukopura, ninye deiyoknye Raja weik yupu arye nyabuk, ‘Se, anda yata wininmalam do? Haman bira yata ati bisibuka, na aik pum uk, na kil Ester talinmalam do? Na aunman babye, amalinye birye, na kil Ester biti, moum talinmal do?’ tenebukce, yu pia weik ubuk. Weik ninye deiyoknye Raja Ahasyweros birye, ayupu akunum nyabuka, sirya dakayuk talak ara, adiparyuk, el pil melin nang arye Haman talibukabikce, baju bol dobuka, abaju arye el kisok nirya lelipdongobik. Ara, ‘Pia malye unmala anya arye, nun ni Raja el urasin tonap kum eptue’ tenen, winibik.

Imamat 18:9

Tonda, anggun makal kilapu, anggun dukul do, anggun weit kil do, ‘Akil ap, neika maptinimnye,’ tenena pia meme. ‘Aning atonun, anggun ni koproba arye deiamlye kilmapu do, tonda anggun nin koproba arye deiamlye kilmapu do, ton anggun ni yapu arye, kil bintinyamlirye, ton kil arye deiamlye kilmapu do, anggunce, ‘E, akil ap neika maptinimnyeʼ tenena ara, pia meme. Ara, anggun ni yapu arye, yukak arye deiamice kilmu do, anggun neika ululum mutuku noutamak do, anggun ni yapu deiamikce kilmapu nirya ati, ‘E, akil ap neika maptinimnyeʼ tenena ara, pia mem nyapsine.

Ulangan 27:22

Tonda, yatanye birye do nirya, tonoknye, el makal kil koproba do? Tonda, el li koproba el makal kil do? Ura, el lin, el weit kil do? El dukul do, akil ap neika maprikcopura, “Teleb kum winipnamle,” nyabuka, yupu deice arye, sun yupu nyapnamlume. Ara, anye biti ara, “Allah arye ikin ning arepliba, anye el dam ikin ning yalyeba, dolonamlule. Adeice arye dipnamle,” nyabuka, yupu deice arye, sun yupu nyanamlume. Ayupu ara, anggun Israel nang nirya kekepmunyopura, anggunce tamubuka nyanamlume. “Yo, dipkoprob nyapmasuluma ati, nunce, ‘Aninguk winipnamleʼ tenen, ‘Akunuma,’ nyababe,” nyapnamlume.

Hakim-Hakim 20:5

Winipmanumu bukni, sik Gibea mutuku malye ulamik nang arye, alukunyan noutam arye, nati elyanik. Winpnikopura, na mapmase aik dam yanuka, warikuka antanap dongopnik. Sikce tenibuka yanmek ning ara, na ona ap, na kil yobuka malye ulina ap ati, ayu nang ayanmek. Bukni, sikce na kil ubula dopromse kil uk, el nong deice pia malye-malye weik unmekce, yonmeka ani, na domse kil obikba dibuk.