2 Korintus 3:12 - Eipomek

¹² Aning ati ara, winiryuk yangalye yupu ara, ‘Pia aunamle,’ akunum tenenyaba anya arye, nun kanye ayupu deice deibuka, nun ilil kanye bona kum arye, pia mikip asa deice aryuk ayupu peterenyabe.

2 Korintus 3:12 ပူးပေါင်းရင်းမြစ်များ

Yohanes 10:24

Banmokba, sik Yahudi yala deiyok nang bulubuka yanmekce, Yesus neika banmek talak arye nyabik. “Ance lakak ton kum nyapsiminye arye, nunda tuba teniltonauk unyabe. Dan talak arye, tonap kunusa dona yupu atonun wininamsilam do? Allah arye, ‘Ninye lyepnamle’ tenen, wipdeiamuknye, Kristus ara anda aulyam do, kum do? Anda, Ninye Lyenanye, Kristus, dipkoprop unmaminyopura, lakak anyuk nyapsutume,” nyabik.

Yohanes 16:25

Yesus arye ayupu tonap dukdongobuka nyabuk. “Arup ara, domon yupu deice arye peterepmasin bukni, aminyan yanamle talak noutamak ara, domon yupu tonap kum nyanamne. Atalak ara, na Ni Koprop Allah el winilul ning ati, laka noutam aryuk nyanamsine.

Yohanes 16:29

Nyabukura, el mapu arye, “Naio, winira lakak anyuk nyapsilame. Domon yupu deice arye kum nyapmasilame.

Rasul 14:3

Paulus ap, Barnabas ap, sik peterelamrik talak nirya ara, Yahudi yala nang arye, yuk yala nang ati yu kililamik bukni, abitinye nang ara, ilil kum asa arye mikip aryuk sik abitinye nang arye, Yesus yupu peterelamrik. Sikce, “Yesus elda ninye nirya ati bico tenesilirye, talye melisululnye,” nyabuka yupu peterelamrik. Peterelamrik talak ara, ‘Ayupu kekelamik nang dib tenepnamak’ tenen, Yesus arye el mikip Paulus ap, Barnabas ap, sik anang nong deiceuk deibukura, sikce ninye kum winipmanto pil dolamrik. Tonda, amambul pil dolamrikopura, aning elilamik nang arye, ‘Se, dipkorop anang deice arye, Allah arye pia mambul pil donmasile’ tenen, bikamik.

Rasul 4:13

Peterus arye nyanmokura, akekenmek nang arye, Peterus ap, Yohanes ap, sik ilil kum arye mikip aryuk wininmarikak eibikopura, ‘Anang ara, sekolah deice arye kum kel bikamrik nang, sik talye nang ururake,’ tenebikce lukdayik bukni, ‘E ara, Yesus ap, abitinye nang ap, neika ulamika deice arye, mikip yupu arye nyanmasirake,’ tenebik.

Rasul 9:27

Ilil ubuk bukni, Barnabas arye Yesus elce wibuka deibuk nang, 11 Rasul nang ara, Saulus dobuka sik dam bobiyuk. Bobiyuk akarye, Saulus winipmok ning ara, laka lebuk. Saulus el Damsyik mutuku yangana ati bisik noutamak yangalamuk talak ara, Yesus eibuk yupu ap, tonda, Yesus arye Saulus ati nyabuk yupu ap, tonda, Saulus arye Damsyik mutuku noutamak Yesus si deice ilil kum asa mikip arye peterebuk yupu ap, anirya ara, Barnabas arye anang ati laka nyabuk.

Rasul 9:29

Peterepnin balamokce, Yunani yupu nyalamik bukni, Yahudi nang ati, ‘Yesus ati dib tenepnamak’ tenen, yupu nyabukura, el ap, sik anang weik ap yupu weik nyaldalamikce waldalamik. Yupu talildalamik bukni, anang arye, ‘Saulus ati optibye,’ tenelamik.

1 Korintus 14:19

Aning arenilya anya arye, Allah ati, “Telebe,” nyanun bukni, na kanye ara, Allah dib tenenyak ninye arye, ‘Allah si erepnuyap’ tenen, bulubikce talak ara, ‘Ninye nirya moubuka kekeptingce, kel bikting’ tenen, sik kekepmanto yupu pamubaryeuk nyapteneba kekeptingopura, ‘Aning ara, pia telebe,’ tenenune. Bukni, sik kum kekeptingce, moubuka kum kel bikting yupu, Allah Kanye arye, arepnilibuk, yuk mutuku yupu deice arye, 10 ribu yupu nyaptinya babye, ‘Aning ara, mambul kume, daupmalye,’ tenenune. Deiyok ara, sik yuk ninye kum kekepting yupu deice arye, nyapnyopura, sik kanye talima kwa baribuka mikip kum kipdeiptinya ati nyapmasine.

2 Korintus 10:1

Ara, yuk yupu ton nyapnusine. Kristus el bidamnye kanye erena kumce, talima mitang ubuka una ap, ‘Na kwit malye kanye boplyak’ tenen, nimalye arye una ap arisilya deice arye, ayupu ton nyabuka moropnusine. Na Paulus arye nyapsine. Na kele, anggun kan-kan ton nang arye nyaninyake. “Kume, Paulus ara, neika bukuka dilanyap talak ara, ilil asa unyak nang atonun ulul bukni, nun neika kum unyap talak ara, mikip weik nang ulye touk, mikip arye nyasulule,” nyaninyake.

2 Korintus 3:11

Tonda, minop mem yupu yayuk ning ara, tia talakuk ulamuk bukni, teleb ubuka weik dirina ap arye yayuke. Bukni, wini talak yangalye yupu ara, tia talak kume. Ayupu ara, pia unamle ning anya arye, ayupu ara pia teleb ubuka, weik mambul yupu ulule. Minop ning ara, mitik mambul uka.

2 Korintus 4:13

Allah yupu noutamak ara, minop talak sekik yupu ara ani. ‘Na dib tenepsa ati, adiparyuk na yupu nyapse.’ (Mazmur 116:10) Ayupu sekuknye birye dib tenyamuk touk, nun babye dib tenebuka ayupu nyasinyabe.

2 Korintus 7:4

Kume, na Paulus arye anggunti, pia teleb kanye deipsisirye, teniltona kumce, ‘Aninye ara teleb nang,’ tenesunune. Yuk mutuku ninye ati, ‘Sik Korintus ninye ara, pia telebe,’ nyabuka laka nyanune. Anggun winimunya ati ara, tenepnirye, na teleb kanye bobuka unune. Tonda na talima melibuka kwa dinululume. Ikin ning usilya noutamak babye, narye anggunti, tenepnirye, pia teleb kanye bobuka, pin-pin asa arye unune.

Pilipi 1:14

Amutuku talina deiyok nang, wenena aik dongopnikba, yuk nang laka nyalamikopura, amutuku-amutuku unyakce, nun deiyoknye Yesus ati, diba tenelamikura, du weit atonun unyap nang ara, akunum kekebika deice, sik talima kwa dibuk. Talima kwa dibuka, minop talak ara, Allah el yupu mitik mikip arye, peterelamik bukni, wini talak ara, wenena aik dongopnikba, aning akunum kekebika anya arye, amutuku diba tenena nang arye, pia pi dobuka, ilil kum aryuk, Allah el yupu pia mikip weika arye peterenyake.

Pilipi 1:20

‘Winiptinye’ tenen, na pia patanululbuk, ‘Dipkoprop wininamne’ tenen, kanye deibuka, tuba tenenun ning ara, nyapnusine. Ara, na nyapnamne yupu ap, na wininamne ning nirya ap, deice arye, ‘Malye winipnikca deice arye alye kum dakdanamne’ tenen, pia patanulule. Alye una kum bukni, minop talak na winilamse ning nirya deice arye, Kristus el si ereiyamsa atonun, wini talak babye, ilil kum, balye tam kipnirye, ‘Na wininamne ning nirya deice arye, Kristus el si erenamne,’ pia tenenune. Ara, na kam unarye do, dipnarye do, adeice arye Kristus elce, el si ereipnamle. ‘Na kam una babye, dipna babye, telebe uka,’ tenenune.

Kolose 4:4

Tonda, ‘Allah arye tenyamuk touk, Paulus adiparyuk teleb ubuka, Kristus el mambul yupu peterlirye, talak nirya, lakak kibuka pia lilibuka peterenamle’ tenen, Allah moronamnululume. Allah arye, ‘Wininamle’ tenen, tenepnuk touk, Kristus el yupu lakak kibuka petereptinyopura, teleb winiptinye.

1 Tesalonika 2:2

Anggun kele, minop talak ara, Pilipi mutuku beipu ura, malye nang arye nunti ngaluklamsikce, nun nong deice ikin ning weika arye deililamsike. Tonda, yuk nang arye, nun peteren yupu ap, nun ap ati, ‘Lyeklopnamap’ tenen, yanipdesik bukni, nun ni Allah melyamsuka deice arye, balye tam kipsuk deice, arye ilil kum, upsuk akarye el laka teleb yupu, ninye lyena yupu peterelamsupu.

1 Timotius 3:13

Apil akunum sirya dakdongobuka dolamikce nang ara, yuk ninye arye sikti, “Anang ara, pia telebe,” nyabuka, erebikirye wilinyake. Tonda, akunum lipsisikuka apil dobikce deice arye, kanye teniltona kum aryuk, Yesus Kristus ati, dib tenenyak ning ilil una kum aryuk, kanye lamabuka dib tenenyake.

Pilemon 1:8

Aning ati ara, an ap, na ap, Kristus ap, kanye talima dukdongobuka noutamak ubirye, manya deibuka, “An adiparyuk, teleb winin ning ara ani,” nyabuka, “An adiparyuk winiplyame,” nyabuka, mikip asa arye dukeibuka, balye tam arye nyapkitinye bukni, aning kum nyapnukine.