2 Korintus 2:8 - Eipomek

⁸ ‘Anye bira, malye kanye bobuka, el bouku sukuplyak’ tenen, ati ara, na mikip arye nyapsine. Anggunce elti, “Amio, aning ara, akunuma. Nunce anti tuba bico tenebuka melinamkiyabe,” nyabuka, adiparyuk anye biti nyanamlulume.

2 Korintus 2:8 ပူးပေါင်းရင်းမြစ်များ

2 Korintus 2:7

Wini talak ati ara, anggun adiparyuk el malye winibuk ning ati namin kipmunce, el talima moubuka melipnamlulume. Wininamluma deiyok ara, elce, ‘Se, na pia malye winilamse’ tenen, pia engena ap, tenena ap, ilil kanye bobuka ulamlya deice arye, ‘El bouku tonap sukuplyak’ tenen, nyapsine. Anggunce elti, akunum wenepmunyopura, akunuma nyapsine.

2 Korintus 2:9

Asurat sekeiyamsise deiyok ara, ton nyapnusine. Ara, ‘Ujian kilamaka atonun, anggun Korintus mutuku ninye ati winipdesiniba, yata teleb winin ning do nirya, na nyanye yupu nirya kekebuka, teleb winipnamak do, kum do? Ton ning ara, bataknamak do?’ tenen, asurat sekeipsise.

Galatia 5:13

Ura, na weit yapu atonun ninyeo, Allah arye nyapsuka deiyok ara, ‘Tapu kouamuk ning lopdeipniba, mem pil dona kum arye, talye kanye bobuka diksukumuk unamak’ tenen, lobuka lyepsuke. ‘Wininamak’ tenen, lobuka lyepsuk bukni, anyapnusin yupu atonun kum tenenamlume. Ara, ‘E, winira Yesus arye akunum lyepsuka anya arye, nun kanye aryuk tenenyap ning ap, nun nong patasilye ning ap, aninguk tenebuka talya luparabuka malye unamap’ tenen, kum wininamlulume. Aning pia kum bukni, anggun nirya arye, yuk ninye nirya ati, bico tenepdamunce, melilanauk unamlulume.

Galatia 6:10

Aning ara, lo tuba upmasilye talak ara, yuk nang sik patan ning do, ikin uplye talak do, eibibyopura, aninye ati bico tenebuka melinamabe. Ninye nirya ati bico tenebuka melinamap bukni, pia weika arye bico tenebuka melinamap ninye ara, Yesus ati diba tenenyak ara, nun du weit atonun kipdeipsuk ninye ati, bico tenebuka melinamabe.