1 Yohanes 2:4 - Eipomek

⁴ Yatanye do, “Na ap, Allah ap, neika unyame,” nyabuka talye nyaltakalul bukni, Allah arye, “Wininamlulume, aning ton kum wininamlulume,” nyalul yupu ara, kum kekebuka, dobolbalulnye bira, anye bira, tilila yupu uk nyalule. Tonda, dipkoprop yupu el talima ak kum ulule.

1 Yohanes 2:4 ပူးပေါင်းရင်းမြစ်များ

Yohanes 8:44

Anggun ni koprop Isa Mutuku Dongonye arye, anggun kanye talima talisilibuk, elce kanye delilul ninguk malye winilulume. Allah arye aning-aning nirya kwepdeibuk talak arye dipdongobuka, anoutam talak nirya ara, Isa Mutuku Dongonye el kanye noutamak ara, dipkoprop ning tonok babye kum ulamukce, tuba kum ulula ati, Isa Mutuku Dongonye elda ninye talye oltakananye ulule. Elce tilila yupu nyalye talak ara, el mutuku koprop yupu uk nyalule. Isa Mutuku Dongonye, tilila yupu deiyok koubuka nyananye koprop ulula anya arye, tilila yupu uk pia nyalule.

Titus 1:10

Ara, talye ati kume. Wini talak ara, Allah yupu ap, ninye deiyok nang nyanyak yupu ap, ati, kekena kum arye, lik tenebuka, yanin nang weik unyake. Ninye arye, dipkoprop teleb pil dona kum arye, talye yupu uk, weik arye talye nyaplobuka nyakirye, yuk ninye ati, tilila yupu talye nyakibuk, atalye yupu mangkau asa aryuk, diba tenenyake. Ton nang ara, mitik arye wininyak bukni, sik Yahudi yala ninye arye, “Den bam bol mouse ning adiparyuk sekenamlulume,” nyanyak nang, sik aunyaka ara, weik arye, talye yupu nyabuka, tilila yupu peterenyake.

Titus 1:16

Ato wininyak ninye ara, nyanyake. “Kume, Allah diba tenebuka, kanye dukdongobuka unyabe,” nyabuka, talye nyaltakanyak bukni, sik malye-malye ninguk winiyak deice arye, Allah batakuka yaninyake. Anang ara, Allah el yupu nirya, kekena kum arye yaniplobikibuk, Allah arye sikti, pia lik tenelirye, lik ulule. Yata teleb winin ning do, sik pia kum winiptinge. Malye winin ninguk, tenebuka wininyake. Na Paulus arye sekeibkine.

1 Yohanes 1:10

Allah arye ninye mutuk sirya im sirya nirya ati, “Sik nirya malye unyake,” nyabuke. Nyabuka ati, nunce, “Kume, nunda malye kum unyabe,” nyabibyopura, talye kanye bon nang arye, “Allah tililanye ulule,” nyalamak touk, nun babye atonun nyanyabe. Nyalamibyopura, Allah el yupu kekebuka, pia kum talinyap anya arye, el yupu nun talima ak kum usulule.

1 Yohanes 1:6

Ati ara, nunce, “E, Allah ap dukdongobuka ansinibuka unyabe,” nyabuka, talye nyaltaklamtibye bukni, tuba-tuba malye winilamibyeura, ara tililauk nyanyaba anya arye, kunuknak atonun tuba unyabe. Tonda, winibibyopura, Allah el dipkoprop yupu kekebuka kum dobolbanyabe.

1 Yohanes 1:8

Nun nirya arye, malye winin ning tuba aupmasilibuk, “E, na pia malye kum wininune,” nyabuka, talye nyaltakanyap bukni, nyabibyopura, ara nunce nun bidamnye atibuk, talye duknubuka nyalanyabe. Tilil yupu uk, nyalanyabe. Tonda, winibuka nyabibyopura, Allah el dipkoprop yupu, nun kanye talima noutamak kum usulule.

1 Yohanes 2:3

Allah arye, “Wininamlulume, aning ton kum wininamlulume,” nyalul yupu nirya kekebuka, dobolbalamibya deice arye, ‘Allah ap, nun ap, neika unyabe,’ tenenyabe. Ara kanye bokoltona kumce, ‘Dipkoprop el ap unyabe,’ tenenyabe.

1 Yohanes 2:9

Yata nang do, nirya, “Nunda dirina noutamak unyabe,” nyanyak nang bukni, sikce yuk ninye ati, ‘Aning ara, nun like,’ tenebuka malye wininyak nang ara, wini talak babye, yuk talak babye, kunuknak noutam akuk tuba unyake.

1 Yohanes 3:6

Yesus diba tenebuka, el ap neika unyak ninye ara, tuba-tuba malye kum unyake. Sik tuba malye upra banyak ninye ara, Yesus kum elilamik. Tonda, Yesus diba tenebuka el bidamnye kum kel kiyamik.

1 Yohanes 4:20

Yatanye do, nirya, “Nara, Allah ati kanye delinune,” nyalul bukni, elda mening dam ninye ati, bico tenena kumce, like tenebuka, kum melilinye bira, anye bira, winilye ning ap, el nyalye ning ap, anirya tililanyeuk ulule. ‘Aning ara yata ati do?’ tenena kume. Ara mening dam unyakba dilye ninye bukni, bico kum tenelule. El mening dam dilye ninye bicoe kum tenelula ati, el asing arye kum dilye ning ara, bico kum teneptue. Ati ara, Allah el dam aulyeba, elce kum dilulnye anya arye, Allah ati, kanye kum deiptue.

1 Yohanes 4:7

Na kayapu, nun nirya arye, bico tenebuka melilanauk unamabe. Ara, bico tenena ap, melina ap, deiyok ning ara, Allah arye arisulula ati, nyapne. Anggunce yuk ninye ati, bico tenebuka makulamak ninye ara, Allah arye sik kanye tenen ning, akunum kam bukeibukura, sikce ‘Allah diba’ tenen, talibuka unyake.