1 Timotius 6:7 - Eipomek

⁷ Anyapmakin yupu deiyok ara, nun ni yapu arye deipsik talak ara, aning-aning bobuka kum yanamupe. Talye nong yoka dem deipsike. Tonda, daulamibya ani, dibibye talak ara, tonok ning babye, kum dobuka bobitibye. Talye nong banang demuk binamabe.

1 Timotius 6:7 ပူးပေါင်းရင်းမြစ်များ

Ayub 1:21

Kanupdongobuka bukukce, ayupu nyabuk. “Na nin birye deipkwetepnuk talak ara, baju ton kum ongopsirye, tonda bona ton talibuka kum yanamse. Atonun dipnirye, im deice binamne talak babye, baju ongopnirye, bona ton kum bobinamne. Aning ati ara, Allah Yahweh aryuk, aning-aning nirya arelamnuk touk, el Yahweh aryuk tamubuka dopropmanile. Ati, na ni Allah Yahweh ati, telebe nyapkine. Tonda, ‘Ninye mutuku-mutuku nirya Yahweh an si erenamkiyake’ tenen, telebe nyapkine.” Ayub birye Allah ati nyabuk.

Mazmur 49:17

Ati ara, ninye tonok, bona eibuka doproplirye, bona weik uplinye ton eipmunce, anye biti, ‘Se,’ tenen ilil kum unamsile atonun, sik bona talin nang arye, pia teleb aik dobikca, ati, eipmunce, ‘Se’ tenen, ilil kum unamlume.

Amsal 27:24

Ayupu ara, talye ati kum nyapsine. Dekna weik ning ara, pia ati kum unamle. Atalak ara, bona weik talin ning taliplum bukni, ‘Aminyan talak ara, aning nirya tuba aunamle do, kum do?’ tenen, kum kel kiptume. Tonda, sik ninye deiyok Raja nang arye talinyak ning ap, talinyak mutuku ap ara, atalak aupmal bukni, ‘Aminyan talak ara, aning-aning nirya kum upnin banamle do, kum do?’ tenen, kum kel biknamabe. Ati ara, anggun wini talak talilulum ning nirya ara, teleb ubuka kalikinamlulume. Moubuka talepmunce, teleb ubuka pil donamlulume. ‘Aning nirya talibuka unirye, talye kanye bobuka, pia wininamne,’ tenelulum ning babye, pia kum unamle. Aning nirya ara, tia ninguk ulule.