1 Timotius 5:18 - Eipomek

¹⁸ Weik arye si erebuka anang erelinamlyame nyapmakina deiyok ara, ani. Allah yupu deice sekeiyamsik yupu ani. ‘Beras atonun ning lana ati, sapi basam arye beras deice yanibuka balamle talak ara, ‘El ton bulubuka diplyak’ tenen, el si bam bol tapu koulongona kume. El babye, ton bulubuka dina telebe.’ (Ulangan 25:4) Tonda aning atonun. ‘Yata pil don nang do nirya, pil dobicopura, sik pil domikca deice arye dekna ning, adiparyuk arenamlulume.’ (Lukas 10:7) Ayupu nirya ara, aubuka ati ara, anggunce anggun ning bokuka, sik peterena deiyok nang ap, sik Allah yupu aik deiyok nang ati, melibuka arenamlulume.

1 Timotius 5:18 ပူးပေါင်းရင်းမြစ်များ

Imamat 19:13

“Ton ning ara, anggun yala nang babye, anggun damak unyak nang babye ati, tilila yupu nyana deice arye, minina yupu nyana ap, tenepce arye nyana ap, sik ning ubula dolona ap ara, pia meme. Tonda sikce, ‘Anggun melina ati, pil dobibiba, dekna ning dopropnamabe’ tenen, pil melibuka dosinyak ninye nirya ara, malye ulina kume. Sik pil akunum dobikcopura, asum aryuk, sik dekna ning arepnamlulume. Anggun pil donmasica ati, dekna dolon ning ara, mapmamunya ani, beren tam arye arena meme. Pil donmace sumuk, arenamlulume.

Matius 10:10

Weik baju arye, aning nirya libuka kum bobinamlume. Tonda, ‘Cang baju weik ‘na’ tenen, libuka boban ning ap, sepatu ap, kama ap, kum libuka bobinamlume. Anggunce na pil teleb ubuka pil dopmunye bukni, anggun binuka pil dopnamunye mutuku ninye arye, anggun patapsilye ning ara, arenamsiyake.

Lukas 10:7

Anggun akunum wekmunye aik ara, anyakuk din ning ap, mek ap, sik arepsice ninguk dobuka dinamlume. Ara, sik pil dobice ninye dekna dololamaka atonun ati, anyasik nang arye arepsice ninguk dobuka dinamlulume. Winina ara telebe. Or aik mapmana, ei aik mapmana, utam aik mapmana kina meme. Aik talye sakaldana meme.

Roma 10:11

Aning ara, Allah el yupu noutamak, nabi Yesaya birye sekamuk touk, dipkoprop ulule. Ayupu ara ani. ‘Elda pia dipkopropnye ulula anya arye, elti, diba tenebice ninye nirya ara, na Allah arye dipkoprop lyepnamne. Aning ara nong upnamle anya arye, sikce diba tenebikcopura, aminyan talak, ‘Se, nun talye ninguk diba telamubu’ tenen, anggun talima pia uk kum dinamsile. Dipkoprop Allah arye aninye lyepnamle. Ati, ‘Se, talye ninguk diba tenebupe’ tenen, alye pia kum dakanamake.’ (Yesaya 28:16)

Roma 11:2

Kume, minop talak Allah arye, ‘Israel ninye ara na tenen nang unamak,’ tenyamsukce weiamsuk ninye, Israel ninye ati, kum batakamsuk. Ura, Allah yupu noutamak ara, nabi Elia birye Israel ninye ati tenebukce, nyapdeiyamuk yupu ara, kum kel kiyamlum do? Nabi Elia birye Allah ati ayupu nyabuk.

Roma 4:3

Dipkoprop Allah yupu noutamak ara, Abraham biti yata nyasulul do? Ayupu ara ani. ‘Abraham birye Allah ati diba tenyamuka deice arye, Allah el kanye aniryuk, “Anda diksukum unanye,” nyabuka, teleb kipdeibuk.’ (Kejadian 15:6)

Roma 9:17

Ayupu nyapmasin touk, winipmanto ning ton ulamuk. Ara, minop talak Mesir mutuku talyamuknye el si Firaun, elce Israel ninye talyamukce, yanibuka malye ulamukba, Allah arye elti, nyabuk yupu ara, Musa birye sekiamuk. Ayupu ara ani. ‘Allah arye nyabuk. “Firaun anda, narye erebuka deipkisa deiyok ara, nyapnukine. Ara, ‘Na mikipnye ununa deice arye, anti opbisipkenyopura, ninye mutuku-mutuku nirya kekebikirye, ilil upliba, na Allah si ati, pia erenamniyake’ tenen, an wibuka erepdeipkise,” Allah arye Firaun biti nyabuk.’ (Keluaran 9:16)

1 Korintus 9:14

Ayupu nyapmasin touk, Yesus arye, nyapdeipsuke. “Yatanye do nirya, sikce na laka teleb yupu, ninye lyen yupu peterenyak nang ara, peterebikiba, sik yupu kekebice ninye arye, apeterenyak nang sik makuna ati, sik talinyak ning bokuka melibuka arenamake. Sik peterenyaka deice arye, yuk nang arepmakibuk, din dibuka unamake,” nyapdeipsuke.

Galatia 3:8

Allah arye Yahudi yala kum ninye ati tenyamuk. ‘Sikce diba tenepnica deice arye, “Aninye ara, diksukum ninye unyake,” nyabuka, teleb updeipnamne,’ tenyamukce, ‘Aning ara laka upnamle’ tenen, Allah arye minop talak Allah yupu sekeiyamik nang ati, sik kanye talima tamubukce, ayupu nyalilamukba, anang arye sekeiyamik yupu deice arye laka ubuk. Yesus min kum yanamuk talak arye Abraham biti, Allah el kai teleb yupu nyalilamuk. Ayupu ara ani. ‘Allah arye Abraham biti nyabuk. “Abraham ance deipminba, dadeipdanin balamica ani, deipnamak mapu deice arye, ninye im sirya, mutuku sirya nirya ati teleb ulinamne,” Allah arye nyabuk.’ (Kejadian 12:3)

Ulangan 25:4

Nyabukopura, ayupu ton nyabuk. “Sapi basam ton, yakong duk kurukna ati, yaninmalye talak ara, ‘Jagung diplyak’ tenen, el si bam bol tapu koulongona meme.” Musa birye nyabuk.

Yakobus 4:5

Allah el yupu deice arye nyasulule. “Allah arye arepsukbuk nun talima ak Dib Kanye usilya arye, ‘Anang ara na’ tenen, tenepsilirye, ‘Yuk ning pataplibuk na bataknicak’ tenen, pia kalikisulule.” Ayupu nyapsuka ara, talye yupu uk nyapsuka tenelulum do? Kume, Allah El Dib Kanye arye, ‘Yuk malye ning talibuka bicak’ tenen, pia kalikisulul ati, Allah arye, ‘Sik malye ubicak’ tenen, el mikip arisilya deice arye, pia tuba-tuba talibuka melisulule.