1 Timotius 5:15 - Eipomek

¹⁵ Anyapmakina ara, talye ati kume. Yuk youwak kilapu arye, Yesus Kristus bisik akunum batakuka, Isa Mutuku Dongonye el bisikuk akunum banyaka ati nyapkine.

1 Timotius 5:15 ပူးပေါင်းရင်းမြစ်များ

Matius 4:10

Nyabukura, Yesus arye tamubuka nyabuk. “Kume, Allah yupu buku noutamak arye nyasulule. ‘Anggun Ni Kopropa Allah ara, el siuk erebuka talinamlulume. Anggun kanye ara, el deice anyuk delinamlulume. El piluk donamlulume.’ (Ulangan 6:13) Ayupu ara, Allah yupu noutamak ulula ati nyapkine. Ati, Isa Mutuku Dongonye anda, na batakuka an yukak bilyame,” Yesus arye, Isa Mutuku Dongonye ati nyabuk.

1 Timotius 1:20

Amalye wininyak nang atonun, urikce nang bitinye, sik si ara, Aleksander ap, Himeneus ap, winirudake. ‘Isa Mutuku Dongonye birye anang ati, malye kilibuk, weik kanye imun kanye bonamrak’ tenen, narye anang ara, Isa Mutuku Dongonye biti akunum arepse. ‘Allah elda talinye’ tenen, ‘Yesus ati malye yupu nyana ara, pia malye winin ning ulule,’ tenebuka, ‘Kel biknamdak’ tenen, narye anang ara, Isa Mutuku Dongonye ati akunum arepse. Na Paulus arye sekeibkine.

2 Timotius 1:15

Timotius, an kele. Asia tam diba tenyamik nang nirya arye, nati akunum bataknike. Aninye kan-kan, sik Pigelus ap, Hermegenes ap, sik bitinye nang babye, bataknirike.

2 Timotius 2:18

Anang bitinye ara, Allah el dipkoprop bisik balamrikbuk, akunum lekuka, yuk malye bisik birikce, tilila ninguk talibuka winirurake. Abitinye nang arye, “Kume, Allah arye akunum diamik nang kam bukeipnamla ara, akunum ubuk,” nyarurake. Ayupu petererikca deice arye, ton nang kekebikirye, Yesus ati diba tenepnin banyak ning ara, akunum batakanyake. Tuba Yesus ati dib kum tenenyake.

2 Timotius 4:10

Deiyok ara, na melipnuknye Demas ara, talye tukwak mutuku ulul ning nirya ati, ‘Aning ara ilil ulul. Na doproptinye’ tenen, kanye engelamuka ati, akunum bataknukce, Tesalonika mutuku biyuk. Kereskes ara, Galatia tam biyuk touk, Titus ara, Dalmatia mutuku akunum biyuk.

2 Peterus 2:2

Tonda, Allah diba tenen nang, sik kan-kan bukni, ton nang ara, atilila yupu peteren nang, pia malye-malye ulamice ning eibikirye, ‘Aninguk winipnuyabe,’ tenebuka, pia malye wininamake. Malye-malye ubicopura, yuk ninye ton eibikirye, Yesus el dipkoprop bisik ati nyanamake. “Kume. Anang ara, malye-malye ulamica ati, Yesus nyanyak yupu ara, talye yupu uka,” nyabikirye, malye yupu nyabuka deilinamsiake.

2 Peterus 3:16

Paulus arye Yesus tamubuka yalibuk, winipnamle ning yupu ati, weik kel kiyamukce sekeipsuk touk, el yuk surat sekeiyamsuk ning noutam babye, ayupu ati weik kel kiyamukce sekeiyamsuke. Ura, nun kele, asurat sekeipsuk ning noutamak ara, ninye ikine aryuk moubuka tenepting yupu ulule. Allah dipkoprop kum kel kibuka unyakce, kanye talima bokoltonauk unyak ninye ara, aikin yupu dobuka tamubikirye, tilila yupu ap, tabakdobikirye, tilila yupu uk laka nyabuka peterenyake. Wininyaka atonun, Allah el yupu yuk ning babye, tamubikirye, tilila yupu nyabuka peterenyake. Winibikcopura, Allah arye aninye nirya wenebuka oplopnamle.

1 Yohanes 2:19

Anang ara, nun batakuka nun kan-kan arye yukak bindobik bukni, nun kanye ap, sik kanye ap neiktoto kume. Nun diba tenebuka, nun kanye tenenyap atouk nang ulamtingtoura, nun batakna kumce, nun ap neika ulamtibye. Bukni, sikce nun batakuka bindobikce, yuk tam kipdobikbuk, eibupurye, sik ulamik ning kel kibupe. Ara, ‘Aning sik kan-kan danerye, tonoknye babye ton, nun diba tenebuka kanye tenenyap touk, sik babye, diba kum tenenyaka’ tenen, kel bikamubu.

Wahyu 12:9

Mikael ap, el mapu silip ap arye, weik Mem Kwatima Atonye ap, el amu tam ulamik malye malaikat ap malye kibikce, sik anang nirya tukwak dopkwetebik. El urasin Mem Kwatima Atonye bira, yuknye kume. El si ara, Isa Mutuku Dongonye, tonda Setan nyanyabe. Minop talak dipdongobuka wini talak noutamak nirya, elce tukwak ninye sik talima libuka bobalamla deice arye, ninye im sirya, mutuku sirya nirya, Allah el diksukum bisik batakikirye, kirikuka malye bisikuk banyake. Allah batakuka malye bisikuk banyaka deiyok ara, eltia.