1 Timotius 3:13 - Eipomek

¹³ Apil akunum sirya dakdongobuka dolamikce nang ara, yuk ninye arye sikti, “Anang ara, pia telebe,” nyabuka, erebikirye wilinyake. Tonda, akunum lipsisikuka apil dobikce deice arye, kanye teniltona kum aryuk, Yesus Kristus ati, dib tenenyak ning ilil una kum aryuk, kanye lamabuka dib tenenyake.

1 Timotius 3:13 ပူးပေါင်းရင်းမြစ်များ

Matius 20:28

Na unye touk, anggun babye, wininamlume. Na babye Ninye Mi Koprop Atonunye birye, na bidamnye ati patapnilye ning, ‘Ninye nirya melinamniyak’ tenen, kum yase. Narye tukwak ninye nirya, sik patalye ning ati, ‘Melinamne’ tenen, yase. Na unye touk, anggun na mapu babye atonun unamlulume. Nara, ninye nirya sik kanye arye, malye tenelamikce ning ap, malye winilamikce ning ap ati, ‘Allah arye sik wenebuka oplyak’ tenen, na opnikibuk dipnamne deice arye sekdongopnamne. Winipnyopura, ara ninye kisok arena atonun winipnamne. Allah arye tukwak ninye nirya wenebuka optu bukni, sik yok pununa ati, na dipnamne.” Yesus arye nyabuk.

Matius 25:21

Nyabukopura, el deiyoknye birye tamubuka nyabuk. “Telebe, anda pil pia batakna kumce, teleb ubuka dolamnulume. Na mitik anunuk areamkisibuk, pil batakna kumce, teleb ubuka pil dolamnuluma ati, wini talak na talyamse ning weik arye arepnukine. Na ap, an ap, kanye deipdanimirye, teleb ubuka neika unamname,” nyabuk.

Lukas 19:17

Nyabukura, aweik ninye deiyoknye birye el pil donanye biti, tamubuka nyabuk. “Anda, pil pia teleb ubuka dopnulume. Mitik anunuk areamkisibuk, pil merekuka dolamnuluma ati, wini talak ara, weik asik 10 dokcak talibuka weik deiyoknye unamlame,” nyabuk.

Rasul 21:35

Nyabukura, sik Paulus dobuka bobiyikce, poka buplan dam apia welebayikba, ayu unmek nang ara, yu weik ubukura, ‘Paulus opnuyap’ tenen, yu arye talipkiriknin bayikce, dobolbiyikbuk, ayin talin nang, ‘Paulus dobuka obicak’ tenen, Paulus el nong dobuka alip ereptalibikce bobiyik.

Rasul 6:15

Nyabuka ayupu nyanmek talak ara, Sandeheren nang, sik yupu bokolin aik bukmek nang nirya arye, Stefanus pia dipngirik lobikura, Stefanus el urasin ara, Allah el im deice melinanye, malaikat urasin atonun ubukak, eibik.

Rasul 6:5

Nyabikura, awekmek nang, Yesus dib tenebik nang nirya arye, ‘Winipnamabe, nyapmasiak yupu ara telebuk,’ tenebikce, kanye deibikce, ninye tekbarye nang weipdeibik. Ara, Stefanus wipdeibik. Stefanus ara, Yesus ati pia dipkoprop tenebukce, kanye talima lamapdongobuka ulamuk. Tonda Allah El Dib Kanye Stefanus talima noutamak wekamukce, langdibukura, diksukumuk winilamuk. Tonda, ninye si Pilipus ap, Pokorus ap, Nikanor ap, Timon ap, Parmenas ap, ton Antiokia deiamiknye, Nikolas ap wipdeibik. Nikolas ara, Yahudi yala kumnye bukni, Yahudi yala nang, Allah ati kibuka si erelamik ning, sik winilamik ning nirya ara Nikolas babye dobuka winilamuk.

Rasul 6:8

Allah arye Stefanus ati, pia kanye deiamukce, weik melyamuk ning ap, el mikip weika arye Stefanus areamuk ning ap, adeice arye Stefanus ulamuk. Allah el mikip weik Stefanus areamuka ati, Stefanus arye ninye winipmanto kum pil ap, ‘Allah el mikip pia weik pil donmasile, tenepnamak’ tenen, laka len pil ara, ninye kum winipmanto pil dolamuk.

1 Korintus 16:15

Ara, na kayapo, anggunda Yesus ati dib tenemunyeba, du weit atonun unyabe. Anggun kele, sik Akaya tam unyak ninye kan-kan, Stefanus ap, el aik unyak ninye ap, Allah yupu peterebupeba, sik minopce dib tenebike. Sik yuk nang nirya ara, aminyan tamuk dib tenebike. Yuk nang bukni, Allah ati akunum dib tenebikbuk, Allah arye, ‘Na’ tenen, wepdeibuk ninye nirya ati, Stefanus ap, el aik neika unyak ninye arye, ‘Aninye melinamabe’ tenen, apiluk dobuka unyake.

Pilipi 1:14

Amutuku talina deiyok nang, wenena aik dongopnikba, yuk nang laka nyalamikopura, amutuku-amutuku unyakce, nun deiyoknye Yesus ati, diba tenelamikura, du weit atonun unyap nang ara, akunum kekebika deice, sik talima kwa dibuk. Talima kwa dibuka, minop talak ara, Allah el yupu mitik mikip arye, peterelamik bukni, wini talak ara, wenena aik dongopnikba, aning akunum kekebika anya arye, amutuku diba tenena nang arye, pia pi dobuka, ilil kum aryuk, Allah el yupu pia mikip weika arye peterenyake.

1 Tesalonika 2:2

Anggun kele, minop talak ara, Pilipi mutuku beipu ura, malye nang arye nunti ngaluklamsikce, nun nong deice ikin ning weika arye deililamsike. Tonda, yuk nang arye, nun peteren yupu ap, nun ap ati, ‘Lyeklopnamap’ tenen, yanipdesik bukni, nun ni Allah melyamsuka deice arye, balye tam kipsuk deice, arye ilil kum, upsuk akarye el laka teleb yupu, ninye lyena yupu peterelamsupu.

1 Timotius 3:14

Ara, na mi Timotiuso, ‘An dam minop yatinye’ tenen, patanili bukni, ‘Minpola yanamne do, siki yanamne do?’ tenen, wini talak asurat sekeibkine.

2 Timotius 2:1

Ara, Timotiuso, ance Yesus Kristus ati, diba tenebuka el ap, kanye dukdongobuka uminye talak noutam nirya ara, Yesus arye anti bico tenebuka, el kanye aryuk talye melikilya deice arye, pia kanye darapdongobuka, mikip arye unamlame.

Ibrani 6:10

Allah arye, nun teleb asa wininyap ning ati, tuba tenesilirye, nun wininyaba atonun, yupu lepsisikuka bogolisulule. Deiyok kum upmalibuk, talye ati, kum wenesulule. Ura, anggunce teleb pil dolulum ning nirya ara, kum luba kipnamsile. Sikce elti, diba tenyamik ninye, el mapu ati, bico tenebuka melilamlum ning ap, tuba melilulum ning ap, adeice arye el Allah ati, talima arilulum ning ara, tuba tenesulule.