1 Timotius 2:13 - Eipomek

¹³ Ara, talye ati kume. Wininamak deiyok ara, nyapnukine. Ara, Allah arye Adam minop kwepdeibuk akarye, aminyan ara, Hawa kweipdeibuk.

1 Timotius 2:13 ပူးပေါင်းရင်းမြစ်များ

Kejadian 1:27

Allah arye nyabukce, Allah el bidamnye arye, mitik anun ulye touk, tukwak ninye kwepdeibuk. Ara, Allah el urasin atonun, sal ap, kil ap kibuka, Allah arye kwepdeibuk.

Kejadian 2:18

Aminyan ara, Weik Deiyoknye Allah, el si Yahweh arye, utenebukce, nyabuk. “Kume. Tukwaknye kwepdeipsinye, el yuk ulula ara, teleb kume. Ati ara, el melina ati, el ap pia teleb ubuka neika upmanto ning ton, kwepdeipnune,” nyabuk.

Kejadian 2:22

Allah el si Yahweh arye, Adam el yace yok tonok dopmokce, kil tonok kwepdeibuk. Kil kwepdeibukce, anye dam yanuka arebuk.

Kejadian 2:7

Atalak noutam arye, Weik Deiyoknye Allah, el si Yahweh arye, tukwak mikamuk tuku doprobukce, tuku pinibuka, ninye nong tonok kwepdeibukce, el u pum bisik si pito pubukba, isin ubuk. Winibuka deice arye, anye kam una deiyok ning arebukba, isin wekukce, kam bukuk.

Kejadian 3:16

Nyabukopura, Allah arye, akil ati nyabuka wenebuk. “An ap, yuk kilapu nirya ap ati, mapu delin talak ara, uk weik anun ton tabakuka, anggun nong deice delinamsine. Winipnyopura, kilapu arye, mapu delilamak talak nirya ara, weika arye uk dipliba, malye kanye bobuka ulamunce, mapu delinamlume. An ap, yuk kilapu nirya ap, anggun akanye yapu ati, ‘Ninye dopsitinge’ tenen, kanye talima uk disiliba, pia patasiliba unamlume. Sal ara, anggun kilapu ara, anggun akanye yapu deice tam uk ukirye, talibsikiba, anggunda amu tamuk unamlume,” Allah arye, Hawa ati nyabuka wenebuk.

Kejadian 3:20

Ura, Adam arye, el kil si ati, Hawa nyabuka si dobuk. Hawa nyabuka deiyok ara, ‘Akil arye deipliba, dadeipdanin balamica ani, aminyan upnamak ninye nirya ara, sik deiyok kilina kil, el uka,’ tenebukce, el si ati Hawa nyabuk.