1 Tawarikh 9:25 - Eipomek

²⁵ Winyamika ati, ton talak ara, ayala nang sik duweit noutam danyapce, yuk nang ton punubukce, yanuka kalikmana ani tamubuka, sik ulamikakuk yanuka, mitik-mitik asik dobuka ulamikak yanmana kilamik. Sik anang bindopneura, sik yala nang bukni, ton nang arye yanuka punubuka kaliklamik. Ara, anang yayikopura, tonok minggu noutam ara asum-asum nirya kaliklamik. Utouk, tonok minggu ton akunum upneura, anang sik kayapu arye, yan punubuka kaliklamikce, winibuka ulamik.

1 Tawarikh 9:25 ပူးပေါင်းရင်းမြစ်များ

2 Raja-Raja 11:5

Atalak aryuk, imam Yoyada birye, ayin talen nang ap, sik kalekin nang ap ara, “Winipnamlume,” nyabuk. Ara, aninguk winipnamlume. Anggun nirya, Allah el si erebuka kina ati, pil dona kum sum, Sabat sum noutam kalikinamlum nang nirya bukni, anggun kan-kan noutam bokukapmunce, deiyok kong winilye kintinipnamlume. Ton deiyok kong ara, ninye deiyok kil, ratu Atalye, el aik koproba dam kaliknamake.

2 Raja-Raja 11:7

Tonda, yupa bitinye nang, anggun Sabat sum pil ton kum domunye nang ara, anggun minopce, ‘Yu nang arye, nun deiyoknye Raja obicakʼ tenen, Allah Yahweh si eren aik damuk kalekinamlume.

1 Tawarikh 24:19

Anang sik si yuk-yuk si nyabuka sekik nang ara, sik yala yuk-yuk bukni, deiyok kibuka ulamik nang ati sekik. Sik si asekmek touk nukuka deibik. Sik ayala-ayala deiyok nang, sik pil ara ani. Ara, Allah Yahweh el si eren aik noutam wekelbana ap, tonda anyaik pum tam mambul pil dona ap, Allah arena ap, el si erena ap ati, ‘Apil-apil talibuka donamakʼ tenen, wipdeibik. Minop talak ara, Allah Yahweh arye, imam Harun biti, Winipnamlume, aning ton kum winipnamlume,’ nyapdeiamuk touk, sik anang dolamik pil nirya ara, aning atonun pil dolamikce, Allah el si erelamik. Ara, Allah arye imam Harun biti, “Wininamlume, aning ara pia kum wininamlume,” nyapdeiamukba, daulamik touk, atalak wipdeibik nang babye, atonunuk winipnin balamik.

1 Tawarikh 9:24

Ara, aik el bisik bublan ara dumbarye botopdeiamik. Tonok ning ara, keting yangan tam Botopdeiamik. Ton ning ara, keting wekelban tam botopdeiamik. Ton ning arah, utara dabu tam botopdeiamik. Ton ning ara, selatan iknapye tam botopdeiamik.

1 Tawarikh 9:26

Bukni, abublan wekelban bisik kalikna nang nirya ati, sik deiyok kiamik dumbarye nang ara, ton tamubuka binmana ani, yanmana ani, kum kilamik. Apiluk talebuka ulamik. Sik adumbarye deiyok nang ara, pia ati anyaikuk ulamikce, Allah Yahweh ap, ninye ap elana ati aik, Allah el si eren aik pum tam, pia teleb uamuk ning nirya ap, tonda anyasik noutam delilamik teleb bon ning nirya ap, anyasik wilibuka domik mitika nirya ara, kalikuka melina nang ulamik.

2 Tawarikh 23:4

“Nunce anyapnusiak touk winipnamabe. Sik imam yala nang ap, Lewi yala nang ap nirya ara, anggun abulupmalum nang noutam arye, bokmunyakarye, yupa winilye bobuka kintinipnulume. Ara, tonok yupa ara, Allah si erebuka kin sum, Sabat sum deice, Allah si erelamik aik pil dopnumunye nang ara, Allah si eren aik bublan-bublan dam nirya, ‘Talye nang wekekicakʼ tenen, kaleknamlume.

2 Tawarikh 23:8

Yoyada birye, “Winipnamlume,” nyabuk touk, aning ara, sik Lewi yala nang ap, Yehuda yala deiyok nang ap, elce wipdeibuk nang nirya ara, sikce anyabuk touk winibik. Ara, anang yupa yuk-yuk ati, deiyok kibuka ulamik nang arye, sik amu tam nang dobuka kaliklamik. Tonda, sikce, Allah si eren sum arye, sik pil erenmek nang ati, “Anggun aik tamubuka kum binamlume. Asukumuk mapnamalume,” nyabuka yukupdanuduka deibik. Tonda, minop talak apil donmik nang punubuka, ‘Anyaik pil donuyapʼ tenen, yayik nang babye, asukumuk bulubuka wekmik. Allah si eren aik damuk unmik. Sik aik tamubuka kum biyik.