1 Tawarikh 9:19 - Eipomek

¹⁹ Salum, el li koproba ara, Kore ulamuk. Kore el li koproba ara, Ebyasaf. Ebyasaf el li koproba ara, Korah ulamuk. Korah el ap, el li koproba arye deiamukba, dadeipdanin yangalamik tam nang ap, sik duweit nirya ati pil areamik nang ara, Allah Yahweh ap, ninye ap elana ati, doltakna tenda aik ara, Allah el si erena ati, bublan bisik dam kalikna pil areamikba, anang adiparyuk talibuka ulamik. Minop talak, sik ni yapu babye, sik mutuku noutam ulamik talak ara, ‘Allah Yahweh el si eren aik wekelban bisik bublan dam kalikna piluk donamakʼ tenen, areamikba, apiluk talibuka dolamik.

1 Tawarikh 9:19 ပူးပေါင်းရင်းမြစ်များ

2 Raja-Raja 11:15

Winipmokba, imam Yoyada birye, el yin talin nang, sik deiyok kibuka ulamik nang ati nyabuk. “Anggunda, adeiyok kil, ratu Atalye tomopdumunce, Allah Yahweh, el aik dam bukni, anyaik urasin dam bobilulume. Tonda, yata nang do nirya, ‘Akil lyepnuyapʼ tenen, yanuka piripnukce nang ton, yacopura, anggun anang babye, adiparyuk opnamlume. Ayupu nyabuka deiyok ara, ani. Yuk talak ara, imamnye birye, “Adeiyok kil bira, Allah si eren aik pum, kum optibye. Aning ara, meme,” akunum nyapdeibuka ati, “Akil bobinuka, anyaik bai tam bukni, urasin tamuk bobilulume,” nyabuk.

2 Raja-Raja 11:9

Imam Yoyada birye, “Winipnamlume,” nyapdeibuk touk, sik kalekin nang arye winibik. Ura, akalikina ati deiyok kibuka ulamik nang arye, Sabat sum ubuk talak ara, ‘Allah si eren aik dam ap, aik pum ap, pil donamapʼ tenen, anyaik dam yanmek nang nirya ara, sik akalikin nang arye, moubuka kalikilamik. Aning atonun, Sabat sum deice aryuk bukni, Allah si eren aik pil, akunum sirya dobikce, sik asik tamubuka biyikura, anyaik dam kalekin nang arye, moubuka kalikilamik. Sik nirya arye, imam Yoya bira nyabuk ninguk, moubuka kekebik. Kekebikce, yata pil dolamik nang do nirya, ‘Sabat sum noutam anyaik yanuka, pil dopnamapʼ tenenmek nang babye, ‘Anyaik pil akunum dopmaba anya arye, nun asik tamubuka binuyab,’ tenenmek nang babye, sik nirya bobinuka, imam Yoyada damuk boyayik.

2 Raja-Raja 12:10

Winipnin balamika ani, asum-asum nirya ara, ayo marikna pum noutam dongolamika ani, ayo bok pia weik ubukopura, ninye deiyoknye Raja, el melina ati sekna deiyoknye sekretaris ap, imam-imam nang, sik ninye deiyoknye ap yanarye, neika ayo bok nuklamdik. Nuknopura, ayo bok nirya moubuka kitibukapnarye, karung pum ton delilamdik.

1 Tawarikh 9:18

Tonda, anang ara, minop talak Allah el si eren aik, wekena ati ban bisik bukni, keting yangan tam botopdeiamika ara, ninye deiyoknye Raja wekelamuk bisik bublan dam kalikna nang ulamik. Anang nirya ara, Israel nang weik pata mutuku ulamik talak ara, sik Lewi yala nang nirya arye, tenda arye domik aik ulamikak, kalekna deiyok nang ulamik.

1 Tawarikh 9:20

Tonda, minop talak noutama ara, Eleazer el mi Pineas bira, Allah si erena ati dolina aik bublan dam kalikna nang, sik deiyoknye bira, Pineas ulamuk. Winilamukak, Allah Yahweh arye tuba elti, melilamuk.

Mazmur 42:1

Daud mot deice arye, sik Korah yala nang ati nyabuk.

Mazmur 44:1

Israel yala nang peterena ati, Korah yalanye tonoknye, aMazmur yupu mot sekuk. Sekuk ning ara, Allah yupu mot nyana deiyoknye biti arebuk. Anye birye nyabuk yupu ara, ani.

Mazmur 49:1

Sik Korah yala nang arye, deiamiknye birye, aMazmur mot yupu sekuk. Ara, Allah yupu mot nyana deiyoknye arena ati, sekuk.

Mazmur 84:10

Tonda, nun ni Allah, ance nun deiyoknye Raja melibuka talipminyeura, elda pia diksukumuk wininamle. Tonda, ‘Ance akunum wibuka deiplumnye bira, talipminyeura, elda an amu tam ulirye, pia telebuk wininamle’ tenen, moropkine.

Yeremia 35:4

Narye, sik anang nirya bobuka, Allah el si eren aik noutam bukni, ton aik koproba wilibuka domika pum tam, epdanuka bukuburye, yupu talebupu. Nun neika ulamupu aik koproba, ara ninye si nabi Hanan, elce deiamuk mapu, sik ulamik aik koproba wekuka ulamupu. Hanan el li koproba, el si Yikdalya ulamuk. Elce deiamuknye, Hanan el mapu ulamik aik koproba ulamupu. Anang boyasik aik koproba, mining dam ara, ninye si Salum, elce deiamuknye imam Maaseya, el ulamuk aik koproba, alip tam bulubuka, asukum yanuka wekupu. Allah el si eren aik wekelbana ati, bisik bublan botopdeiamik ning, kalikna deiyok nang ara, sik ulamik aik koproba wilibuka domik ning ara, asukum ton awamukba, batakuk. Maaseya elda, Allah el si eren aik, urasin tam weik bisik bublan botopdeiamika, kalikna deiyoknye ulamuk.

Yeremia 52:24

Babel mutuku ninye deiyoknye, kalikina ati, yin talin nang, sik deiyoknye, el si Nebuzaradan birye, Yahudi yala ninye tongobukce, tapu koubuka, bobiyuk ninye ara, ani. Ara, sik Allah si eren aik pum tam, pil talibuka, pil dolamuknye, imam Seraya ap, el amu tam pil melibuka donanye, el si Zepanya ap, tonda anyaik bublan wekelbanak kaliklamik nang, winilye nang ap nirya, Nebuzaradan birye tongobukce, Babel mutuku bobiyuk.