Tonda Salomo el din ning delinmek ning ap, el amu tam weik pil dolamika deiyok nang ap, el dam sik lelebuka bukmek nang ap, anyaik pil dona ati melin nang ap, el melin nang, sik urasin pia teleb baju yangalilamik ning ap, Salomo el mek din makau kintinibuka boyangalamik nang ap, tonda Allah si erena ati, kam ning obuka uku dongolamik nang ap, Allah el si Yahweh, el si eren aik ap, aning-aning nirya eililamukce, ‘Se, aning ara dipkoprob pia mambule,’ tenebukce, weik kanye deibuka ilil kanye bobuk. Akil pia teleb kanye deibukce nyabuk.
1 Tawarikh 9:18 - Eipomek18 Tonda, anang ara, minop talak Allah el si eren aik, wekena ati ban bisik bukni, keting yangan tam botopdeiamika ara, ninye deiyoknye Raja wekelamuk bisik bublan dam kalikna nang ulamik. Anang nirya ara, Israel nang weik pata mutuku ulamik talak ara, sik Lewi yala nang nirya arye, tenda arye domik aik ulamikak, kalekna deiyok nang ulamik. အခန်းကိုကြည့်ပါ။ |
1 Tawarikh 9:18
11 ပူးပေါင်းရင်းမြစ်များ
Aning nirya akunum winibikopura, sik ninye yupa seratus (100), sik deiyok kibuka yin talen nang, sik Karit yala nang ap, Raja ulamuk aik dam ati, sik kaliklamik yin nang, tonda sik Yehuda mutuku noutam ulamik ninye ap, sik nirya ara, ‘Anye bira, nun ninye deiyoknye, Raja kiplirye, talipnamsilʼ tenen, Yoas bobinuka, Allah Yahweh si eren aik dam arye batakuka, ninye deiyoknye aik antanap dongobuka, domik cang keil poka, lilun dam yin talebuka, kaliklamik nang arye, wekelbalamik bisik bublan dam binuka wekikce, adiparyuk ninye deiyoknye Raja, el pia teleb aik, anyaik si istana Raja wekik. Bobinuka weikikopura, Yoas birye, ‘Ninye deiyoknye kipnirye, amutuku talibuka, Raja unamna ati, sik nirya eipnikirye, biknamakʼ tenen, Raja-Raja nang bulamik ning, el si tahkta deice bukuk.
Winibukce, ‘Asyur mutuku ninye deiyok kibuka, taleamuk Raja tenelamuk touk upniba, el kanye deipnamnile,’ tenebukce, Raja Ahas birye, Allah Yahweh si eren aik wekelbana ati, bai tam arye bisik botobuka bublan mememikce, “Raja elda bisik bublan arye, anyaik wekelbanamlule,” nyabuka domik ning ara, uluplopbukce, tirikdongobuk. Tonda, ninye deiyoknye Raja, el aik pum pala weik pala kain lapkwecamikba, Sabat sum arye, ‘Raja birye, aning amu tam pil donamleʼ tenen, memebuka deiamik ning babye, ulubuka batakuk.
Ura, Allah Yahweh el si eren aik bublan bisik, wekelban dam kalikna nang ara, sik nirya tamubuka, Yehuda tam kum yayik bukni, sik noutam arye bokuka, ton nang ara, Babel mutuku arye tamubuka yanamikce, Yehuda tam bukni, Yerusalem asik noutamakuk yanuka ulamik. Anang sik si ara, ani. Ara, Akub ap, Talmon ap, Ahiman ap, Salum ap, tamubuka yayik.
Salum, el li koproba ara, Kore ulamuk. Kore el li koproba ara, Ebyasaf. Ebyasaf el li koproba ara, Korah ulamuk. Korah el ap, el li koproba arye deiamukba, dadeipdanin yangalamik tam nang ap, sik duweit nirya ati pil areamik nang ara, Allah Yahweh ap, ninye ap elana ati, doltakna tenda aik ara, Allah el si erena ati, bublan bisik dam kalikna pil areamikba, anang adiparyuk talibuka ulamik. Minop talak, sik ni yapu babye, sik mutuku noutam ulamik talak ara, ‘Allah Yahweh el si eren aik wekelban bisik bublan dam kalikna piluk donamakʼ tenen, areamikba, apiluk talibuka dolamik.
Narye, sik anang nirya bobuka, Allah el si eren aik noutam bukni, ton aik koproba wilibuka domika pum tam, epdanuka bukuburye, yupu talebupu. Nun neika ulamupu aik koproba, ara ninye si nabi Hanan, elce deiamuk mapu, sik ulamik aik koproba wekuka ulamupu. Hanan el li koproba, el si Yikdalya ulamuk. Elce deiamuknye, Hanan el mapu ulamik aik koproba ulamupu. Anang boyasik aik koproba, mining dam ara, ninye si Salum, elce deiamuknye imam Maaseya, el ulamuk aik koproba, alip tam bulubuka, asukum yanuka wekupu. Allah el si eren aik wekelbana ati, bisik bublan botopdeiamik ning, kalikna deiyok nang ara, sik ulamik aik koproba wilibuka domik ning ara, asukum ton awamukba, batakuk. Maaseya elda, Allah el si eren aik, urasin tam weik bisik bublan botopdeiamika, kalikna deiyoknye ulamuk.
Allah el arena ati, mesba deice uku dongopnamak ning ati, akunum laka nyapnukopura, na dam yanmoknye biryuk, na Yeheskiel dobuka, Allah el si eren aik dam bukni, mitik lo batakamikak, dana-dana tam antanap dongobuka keil arye deibuka, poka domika dam bobinuk. Asukum ara, Allah el si eren aik otam wekelbana ati, keting panalyangan tam botopdeiamik bisik bublan, el si ara gapura dam bobinuk. Abobinuk tam wekelban bisik bublan, keting panalyangan tam ara, akunum tirikdongamukbuk eipse.
ကြော်ငြာတွေ