1 Tawarikh 8:28 - Eipomek

²⁸ Anang nirya ara, sik yala nang, sik duweit yuk-yuk aulamik touk ati, ninye deiyok talibuka, bulun nang ulamik. Anang nirya ara, sik tam nang arye, ninye si buku noutama ara, sik deipkirikdanin, yanamik nang nirya ara, si sekekuka delilamik. Sik anang nirya ara, Yerusalem mutuku ulamik.

1 Tawarikh 8:28 ပူးပေါင်းရင်းမြစ်များ

1 Tawarikh 8:29

Benyamin birye deiamukba, dadeipdanin yangalamik nang arye, tonye el si Yeiel deibik. Yeiel birye bulubuka, Gibeon mutuku asik dobukce, ninye deiyok talibuka amutuku noutam ulamuk. Yeiel el kil si ara, Maaka ulamuk.

1 Tawarikh 8:32

Miklot bira, elce deiamuk mi ara, Simea ulamuk. Ura, anang nirya ara, Yeiel birye deiamuk mapu ulamik. Sik anang arye deipdanin yanamik nang nirya ara, Yerusalem mutuku ulamik. Ara, sik tam nang bukni, ton tam sik yala nang arye deiamik nang ap, sik neika Yerusalem mutuku ulamik.

1 Tawarikh 9:3

Tamubuka yayikura, ton Yehuda yala nang ap, Benyamin yala nang ap, Efraim yala nang ap, Manasye yala nang noutam arye ton bokdobik nang ap ara, mitiktoa arye, minop yayikce, Yerusalem mutuku uk, yanuka ulamik.

1 Tawarikh 9:34

Adeice tam si sekamuk nang nirya ara, Lewi yalanye arye deiamukba, sikce deibikura, dadeipdanin yangalamik nang, sik yala ap, sik duweit ap nirya ati, deiyok kibuka, buluna nang ulamik. Sik nirya ara, Lewi yala nanguk ulamik. Sik nirya ara, Babel mutuku arye batakuka, tamubuka Yehuda tam bukni, Yerusalem mutuku weik asik noutama uk yanuka, ulamik.

1 Tawarikh 9:7

Benyamin birye deiamukba, el yala nang arye deibikura, dadeipdanin yangalamikce, ulamik nang ara, tonye el si Salu. Salu el li koproba ara, Mesulam ulamuk. Mesulam el li koproba ara, Hodawya ulamuk. Hodawya el li koproba ara, Hasenua ulamuk.

Nehemia 11:1

Yerusalem mutuku noutam talibuka ulamikirye, yupu talinyak nang ap, amutuku noutam unyak ninye nirya arye, ‘Dekna dopropnamap’ tenen, dolamak ning el si ara, undi donamlume. Undi donmamun bukni, aning arye akunum kintiniplyeura, tonok mapu silip tagu barye atonun, apia teleb mutuku Yerusalem binuka wekikirye unamake. Bukni, aning undi donmakibuk, atonun kum winiplirye, wibuka kum deiplye ninye ara, Yerusalem mutuku ton kum unamake. Yuk-yuk mutuku uk daunamake.

Yosua 15:63

Anya asik weik tonun, sik mutuku doprobik bukni, sik Yehuda yala ninye arye, Yerusalem mutuku asik, minop talak ulamik nang ara, min obuka, atuku alubuka dopropmanto kum ati, pia pirilamik. Amutuku nang ara, Yebus yala nang nyalamik. Ara, Yehuda yala ninye arye, Yerusalem mutuku talibuka ulamikce, sik mutuku koproba kiyamik bukni, Yebus yala nang ara, obuka kum yakdonokamik. Winyamika arye, wini talak babye, amutuku noutam ara, Yehuda yala nang ap, Yebus yala nang ap, sik neika Yerusalem mutuku ansinibuka aunyake.

Yosua 18:28

Zela mutuku ap, Elef mutuku ap, (ara Yebus yala nang ulamik sukum atia. Amutuku si ton Yerusalem nyalamik.) Tonda, Gibea asik ap, tonda Kiryat-Yearim asik ap doprobik. Amutuku nirya ara, Benyamin yala nang, sik duweit nirya, pia talibuka ulamik mutuku ati, bokuka arebukba doprobik.

Hakim-Hakim 1:21

Winilamuk bukni, sik Benyamin yala nang arye, Kanaan tam nang, Yebus yala nang ara, Yerusalem mutuku ulamik buk, ‘Obinuka obibirye kum daneipnamap,’ tenebik bukni, Yebus yala nang ara, kum yakdonokamik. Ati, Benyamin yala nang ap, Yebus yala nang ap, sik neika Yerusalem mutuku ansinibuka ulamik. Tonda, ayupu sekupu talak babye, tuba aunyake.