1 Tawarikh 7:22 - Eipomek

²² Obikba, sik ni koproba Efraim birye, asum-asum nirya, el mapu akunum diamdika ati, tenilamukce, engana uk ulamuk. Winilamuk ning ara, el kayapu nang arye, sik kwet el melina ati, el kanye pin-pin kipdeibikba, el kanye teleb ubuk.

1 Tawarikh 7:22 ပူးပေါင်းရင်းမြစ်များ

Kejadian 37:34

Yakub engenmokce, mambul kanye bopmukce, el baju kwiliklobukce, ‘Na mi Yusup akunum dipmale’ tenen, atalak weika arye engena ap, malye kanye bona ap, pia unmok. Tonda, amutuku ninye arye, ‘Yuk nang eipsikirye, ‘Se, sikda ninye dipmaka ati engenmake,’ tenenamsiyak’ tenen, ongolamik baju ton, Yakub birye ongobuk.

Kejadian 37:35

Atalak noutamak ara, Yakub birye minop deiamuk mapu ap, kilapu ap arye, ‘Nun ni koproba, el talima kwa dipnuyap’ tenen, el dam yanganmek bukni, Yakub birye kum kekebuk. Elce nyabuk. “Kume, mambul kanye bobuka, engenauk unmanya ani, aminyan talak dipnyopura, na mi dibukba, unmalyakuk, na babye amutuku binamne,” nyabuka malye nyanmokce, el mi Yusup biti, weik engelamuk.

1 Tawarikh 7:21

Anye Tahat birye, el mi Zabad deibuk. Zabad birye el mi Sutelah deibuk. Efraim birye deibuk mapu bitinye ara, Ezer ap, tonda Elad ap, sikda Gad mutuku ulamik nang, sik weilamik ning domba basam ap, sapi basam ap, dam binuka upula donmarikak, Gad mutuku koproba ulamik nang arye, amapu bitinye obik.

1 Tawarikh 7:23

Aminyan talak ara, Efraim el kil ap neika malamrikce, daulamrika ani, el kil akunum mi bomuka ani, mi ton deibuk. Mi deibukopura, ami el li Efraim birye, ami el si ara, Beria nyabuk. Ara, Efraim el mapu bitinye obikura, diamdikak, imun kanye bomrika ati, asi domuk. Sik Ibrani yupu deice arye, asi el deiyok ara, ‘Imun kanye bon ning,’ tenena ati nyalamik. Ati el mi deibukce, asi Beria nyamuk.

Ayub 2:11

Ayub bira,barye susu weik kanye imun ning talibukba, yuk nang arye, “Aik pia bukuk,” nyabikba, el kayapu winilye nang, sik si ara, Elifas Temam mutukunye ap, Bildad Sua mutukunye ap, tonda Zopar Nahama mutukunye ap, sik nirya adiparyuk, ‘Nun kwit aik pia bulyak bipyeba, el ap neika yupu talibibirye, kanye talima kwa dipnamap’ tenen, yupu talibikce, ‘Diba winipnuyabe,’ nyapdayikce, neika biyik.