1 Tawarikh 7:14 - Eipomek

¹⁴ Manasye birye el pil don kil, Aram mutuku kil ulamuka ati, el ap, akil ap ulamdikakarye, mapu bitinye deiamdik. Anang sik si ara, Asriel ap, Makhir ap nyabuka si domuk. Winibukopura, aminyan talak ara, Makhir birye mi tonok deiamuk. Anye el si ara, Gilead nyamuk.

1 Tawarikh 7:14 ပူးပေါင်းရင်းမြစ်များ

Kejadian 25:20

Abraham birye Isak deibukba, Isak nepnin balamuka ani, keting tamun 40 tahun akunum ukopura, el kil Ribka dobuk. Ribka bira, Aram tamnye el si ara, Betuel birye deiamuk kilmu. Elda Aram yalanye bukni, mutuku si Padan-Aram ulamuk. Ribka el du koproba si ara, Laban ulamuk.

Kejadian 50:23

Atalak noutamak ara elce deiamuk mi Efraim bira kil dobukura, sikce Deiprik mapu ap tonda, anang ton sikce deibik mapu ap, amapu arye deibik mapu ap eibuk. Aning atonun, Yusup el mi Manasye birye deibuk mi el si ara Makhir, elce deibuk mapu ton eibuk. Ara, amapu deibik talak ara, ‘Yusup eipnul’ tenen, amapu bobuka Yusup el keil deice delilbalamikba, elilamuk.

1 Tawarikh 7:13

Naftali bira, mapu dumbarye deiamuk. Adeiamuk nang sik si ara ani. Yasiel ap, Guni ap, Yezer ap, tonda Salum ap deiamuk. Anang, sik apu koproba ara, Yakub ulamukce, el pil don kil Bilha doprobukce, amapu deiprika ati, anang sik nin el si ara, Bilha ulamuk.

1 Tawarikh 7:15

Makhir birye Hupim ap, Shupim ap, sikce dopnamrik kilapu ati, elamuka ani eibukce arebuk. Makhir birye domuk kil el si ara, Maakha ulamuk. Makhir el mi bitinye nang, el si ara Zelafehad ulamuk. Zelafehad bira, mapu ton pia kum deiamuk. Elce kilmapu uk deiamuk.

Bilangan 26:28

Yusuf yalanye birye deiamuk nang bitinye, sik si ara, ani. Manasye ap, Efraim ap deibuk.

Bilangan 27:1

Zelafehat el kilmapu nirya ara, pamubarye deiamuk. Akilmapu sik si ara ani. Mahla ap, Noa ap, Hokla ap, Milka ap, tonda Tirza ap deiamuk. Zelafehat el li bira, Hefer. Hefer el li si ara, Gilead ulamuk. Tonda, Gilead el li si ara Makhir. Makhir el li bira, Manasye ulamuk. Tonda, Manasye el li bira, Yusuf ulamuk.

Yosua 13:31

Anirya dukdongobuka neik touk, Gilead mutuku ara, dana tam ton wilibuka bokeibukce, arebuk. Atonun, weik asik si Asytarot ap, tonda weik asik si Ederei ap, abitinye mutuku ara, ninye deiyoknye Raja Og, elce Basan mutuku babye taleamukce, amutuku-amutuku nirya, taleamuk. Amutuku noutam ulamik mutuku nirya ara bokuka, Manasye birye deiamuk mi, Makhir birye deibukba, dadeipdanin yangalamik nang, sikce delilamik yala nang bukni, dana tam yala ati, amutuku nirya, bokuka arebukba, doprobikce, sik mutuku dem kibik.

Hakim-Hakim 5:14

Ton nang ara, Efraim yala nang, sik mutuku ara Amalek ninye ulamik mutuku arye lyu mutuku panabuka yayik. Yayikopura, sik menekuka yayikba, Benyamin yala ninye ton, aminyan yanganmeka ani, epdayikce neika yayik. Epdayikce aminyan talak ara, Makir mutuku nang, sik yin talina deiyok nang ap, sik yin nang ap, ‘Olbinuyap’ tenen, yanuka bulubik. Atalak babye Zebulon yala nang bukni, yin talin nang, sik weik deiyok nang ap, sik yin talin nang ap, ‘Olbinuyap’ tenen, bulubuka yayik.