1 Tawarikh 6:53 - Eipomek

⁵³ Ahitub birye deiamuknye el si ara, Zadok ulamuk. Zadok birye deiamuknye el si ara, Ahimas ulamuk.

1 Tawarikh 6:53 ပူးပေါင်းရင်းမြစ်များ

2 Samuel 20:25

Amutuku noutam yuk mambul ning, sekna pil talibuka dona ati, sekertaris ara, tonoknye el si Seya erepdeibuk. Imam pil dona ati ara, bitinye nang, Zadok ap, Abyatar ap, wipdeibuk.

1 Raja-Raja 1:26

Bukni na nio, Adonia birye, na ton kum yukupmanue. Tonda, imam Zadok ap, Benaya ap, an amu tam ulinye, an mi Salomo ap, ton kum yukupmasue.

1 Raja-Raja 1:34

Gihon mutuku bimunyopura, Allah el aik pum tam pil donanye Zadok ap, Allah el yupu lak nyananye Natan ap arye, Salomo bira Israel ninye sik ninye deiyoknye kina ati, minyak mek kwebuka el kisok deice likeipnamake. Winibuka akunum erepdeipdicopopura, sik yuk nang arye pong-pong ana ning el si terompet pong-pong nyanamake. Winibikiba, sik nirya arye, ‘Nun Raja Salomo bira, kam pia tuba unamle,’ nyabuka, elti, wipnamlume.

1 Raja-Raja 1:8

Sik bitinye arye, ‘Aning ara telebe,’ teneprik bukni, yuk nang ara, ‘Aning ara teleb,’ kum tenelamik. Ara, imam Zadok ap, Yoyada el mi Benaya ap, nabi Natan ap, yuk nang ton Simei ap, Rei ap, tonda, Raja Daud el melibuka, ban yin talen nang ap ara, Adonia el tam kum kibik.

1 Raja-Raja 2:35

Aning akunum winibukopura, ninye deiyoknye Raja Salomo birye, Yoab el punupnamuka ati, Yoyada birye deiamuknye, el si Benaya bira, ‘Israel ninye, sik yin talen nang, sik deiyoknye unamleʼ tenen, Benaya erepdeibik. Tonda, imam pil dolamuknye, Abyatar el punupnamuka ati, anye bira, imam Zadok wipdeibuk.

1 Raja-Raja 4:4

Tonda, amutuku noutam yin talen nang, sik deiyoknye bira, ninye si Benaya, el mi Yoyada erepdeibukba, apil talibuka ulamuk. Tonda, Allah arena ati, pil dolamdik nang ara, sik bitinye Zadok ap, Abiatar ap, erepdeibukba, apil talibuka dolamdik.

1 Tawarikh 12:28

Aning atouk, tonoknye ton, el si Zadok, elda ilil tenena kum, welnye ulamuk bukni, ninye ona ati, kel kiamuk. El ap, sik Lewi yala nang ap ansinibuka yayik. Zadok ap, el yala nang ap, yayik yin talin deiyok nang ara, duapuluh dua (22) deiyok nang, Zadok ap neika yayik.

1 Tawarikh 23:16

Gerson birye min yuma deiamuknye bira Sebuel ulamuk.

1 Tawarikh 24:3

Daud bira, Harun elce deiamukba dadeipdanin yangalamik nang nirya ati, yupa yuk-yuk kipdeibukce bokeibuk. Ara, sik Allah el si eren aik pum tam pil dona ati weken talak ap, tonda pil yuk-yuk donamake tenebukce, wipdeibukopura, anang sik yupa yuk-yuk bokeibuk. Apil dona ati, Daud birye yupa yuk-yuk winmok talak ara, Eliazar birye deiamukba, dadeipdanin yangalamika ani, deiamiknye Zadok ap, tonda Itamar deiamukba, dadeipdanin yangalamika ani, deiamiknye Ahimelek ap, tonda sik yala nang yuk nang ap, ninye deiyoknye Raja Daud birye bokdeibukba, apil talibuka dolamik.

1 Tawarikh 24:31

Sik anang ati, ‘Anye yata pil donamle do, anye bira apil ton donamle do? Aning ara aniʼ tenen, adiparyuk dukdongobuka, sik pil dona ati ara, sik adiparyuk kel bikna laka nyana ati lak kin ning, el si undi, dobik. Undi dobika ara, sik kayapu nang, Harun elce deiamuk nang nirya babye, atonun winilamikbuk sik babye, apiluk donmek. Undi dobika deice arye, ‘E anye ap, anye ap dipkoprob apil talibuka donamleʼ tenen, bikik. Undi donmek talak ara, Raja Daud ap, weik imam deiyoknye Zadok ap, Ahimelek ap, sik Lewi yala nang yuk nang ap, imam-imam nang sik yala yuk-yuk ulamik touk bukni, sik yala deiyok nang ap, anang nirya arye, dinmekba, undi donmek. Wininmeka ani, sikce deiamik mapu ulamik touk, min yuma deiamik nang ap, aminyan sirya talak deiamik nang ap, sikce wibuka arebik pil dona deiyok ning ara, atonunuk winibuk. ‘Keting tamun weik nelamik nang ara, mambul weik pil donamak bukni, mitik kanam atonun nelamak nang babye, mambul kum piluk donamakʼ tenena kumce, anang nirya ati, teleb piluk wibuka arebikba, talibuka dolamik.

1 Tawarikh 6:52

Zeraya birye deiamuknye el si ara, Merayot ulamuk. Merayot birye deibuknye el si ara, Amarya ulamuk. Amarya birye deiamuknye el si ara, Ahitub ulamuk.

1 Tawarikh 6:54

Harun birye deiamukba, dadeipdanin yangalamik nang, sikce sik tuku talibuka ulamik amutuku-amutuku nirya ara ani. Harun birye deiamuknye Kehat, elce deibukba, dadeipdanin yangalamik yala nang ara, sik una ati areamik mutuku ara ani. Ara, ‘Lewi yala nang ati, amutuku noutama ara, anyasik ton dobuka, omutuku noutama ara, anyasik binidobuka, talibikirye daunamakʼ tenen, wibuka areamik mutuku ara, ani. Ara, minyuma tam ara, sik Kehat yala nang arye dorobik.

1 Tawarikh 6:8

Sadok birye deibuknye bira, el si Ahimas ulamuk.

Yehezkiel 44:15

Nara, Allah Yahweh, aning-aning nirya talibuka, deice tam erebuka, mikip weik deiyoknye birye, ayupu nyapkine. Israel yala nang, talye daulamik nang weik tam ara, minop talak bataklamnikce, malye weik ulamik bukni, Lewi yala nang kan-kan, ton tam nang ara, kum bataklamnikce, na si eren aik pum tam, pil tuba melilamik. Ara, ninye el si Sadok, elce deiamukba, dadeipdanin yangalamika ani, deibikba unyak nang ara, na si erena ati, Israel nang arye arebikceba, kam ning dobuka obikirye, Israel nang, sik malye winin ning kum danalina ati, mesba deice uku dongonamake. Ara Lewi yala nang bukni, sik tuba teleb unyak imam nang ati nyapne. Minop talak, sik Sadok tam nang ara, Israel yala nang nirya arye, nati batakamnikce, malye weik ulamik talak ara, anang arye tuba teleb ulamikce, na si eren aik pum tam uamuk ning nirya kaliklamik. Ati ara, wini talak ara, sik Sadok tam imam nang arye, na dam yanuka, na si eren aik noutam pil donamake. Ara, Israel yala nang, ‘Nun malye unyap ning, Allah arye namin kibuka kilipsutueʼ tenen, kam ning arebikceba, Sadok yala imam nang arye, opnopura, sikcuk mesba deice uku dongonamak pil talibuka donamake. Israel nang arye, akam ning arebikceba, Sadok yala imam nang arye, aning kalebuka, meta ap, ining ap, doprobikirye, na Allah ati, arenamninyake.

1 Samuel 2:35

Winipyopura, na aik pil dona deiyoknye bira, yuknye ton wibuka erepdeipniba, nati moubuka pil donamnile. Na kanye talima noutamak tenenye touk, awinipnamnanye birye, aninguk moubuka wininamle. Tonok ning babye, kum bataknamle. Winiplyeopura, narye el yala nang ati, kalikuka melipnyopura, el deipkiridop nang nirya, telebuk unamake. Ereipnamnanye birye, na si eren aik pum tam, pil tuba donamlak ara, narye wipdeipniba, ninye deiyoknye dam unamle.