1 Tawarikh 6:47 - Eipomek

⁴⁷ Semer el li koproba ara, Mahli ulamuk. Mahli el li koproba ara, Musi ulamuk. Musi el li koproba ara, Merari ulamuk. Merari el li koproba ara, Lewi ulamuk.

1 Tawarikh 6:47 ပူးပေါင်းရင်းမြစ်များ

1 Tawarikh 23:21

Merari elce deiamuk mapu babye bitinye. Anang sik si ara, Mahli ap, Musi ap deiamuk. Mahli el mapu ara, bitinye deiamuk. Ara, Eliazar ap, Kish ap deiamuk.

1 Tawarikh 23:28

Ura, sik Lewi yala nang, ara Harun elce deiamukba, dadeipdanin yangalamik imam-imam nang ara, Allah Yahweh arye anang wipdeiamuka anya arye, sikce el si eren aik noutam, mambul weik pil talibuka dolamik. Ara, minop talak kintinip domik aik, sapi bol arye doltakne tenda aik domik ning babye, aminyan talak weik urasin teleb keil ap, yo ap, kat ning ap arye domik ning babye, sik anang aryuk apil melibuka dona uk ulamik. Anang arye pil talibuka dolamik ning ara, Allah el si eren aik dam bukni, bai tam ap, anyaik pum noutam ap, anyaik noutam urasin pia teleb lek ning, pil don ning ap, ‘Aning nirya ara, Allah el ninguk ulula anya arye, malye ning tonok ning babye, anyaik pum tam kum unamleʼ tenen, aning nirya mek likna ap, sung-sung kina ap, Allah arena ap deice arye, aning nirya teleb-teleb kibuka delilamikba, pia lek dem ulamuk. Sik Lewi yala nang aryuk apil talibuka dolamik.

1 Tawarikh 6:46

Hilkia el li koproba ara, Amsi ulamuk. Amsi el li koproba ara, Bani ulamuk. Bani el li koproba ara, Semer ulamuk.

1 Tawarikh 6:48

Ura, sik deipkirikrop nye, Lewi birye deibukba, dadeipdanin yangalamik nang, sik Lewi yala nang, yuk nang nirya ara, wipdeiamikba, Allah el si eren aik pum tam pil, yuk pil ton bokuka arebikura, apiluk talibuka ulamik. Atalak ara, Allah el si eren ap, elti, arena ati ara, tenda arye doltakna aik, dobuka kintinip deiamik. Anyaik noutam ara, sik Israel yala nang nirya arye, Allah ati, teleb ning arelamikce, el siuk erelamik.

1 Tawarikh 6:56

Bukni, Hebron mutuku dam bukni, mitik asik dobuka ulamik ning ap, amutuku arye otam, mitik karin sukum mutuku wa winak ap ara, Yefune el mi Kalep biti wibuka arebikura, atuku talibuka daulamik.

Keluaran 6:19

Lewi birye deibuknye, el si Merari, elce deibuk sal mapu ara, bitinye ulamrik. Elce deibuk nang, sik si ara ani. Ara, Mahli ap, Musi ap, deibukba, ulamrik. Ura, asukum arye deice tam akunum nyabuka sekse nang ara, Lewi birye deibukba, sikce yuk-yuk bukni, deiamik mapu nirya ati, anang sik si akunum sekse.

Bilangan 10:17

Ayala ninye bitinye akunum menekuka banmekopura, atalak ara, Allah el si eren aik dobuka banamika ati, anyaik baju bol doltakna aik ara, dakukabikce, Gerson yala nang ap, Merar yala nang ap arye, aning nirya bobuka biyik.

Bilangan 3:20

Tonda Merari elda, mapu bitinye deiamuk. Sik si ara, Makli ap, tonye si ara, Musi nyabuka deiamuk. Asi nyapmap nang nirya ara, sik apu yapu pununanye, Lewi ulamuk ati, sik yala si silamik ninguk bikna ati, si silamik.

Bilangan 4:42

Tonda, Lewi yalanye birye deibuk nang bukni, sik Merari birye deibukba, dadeipdanin yangakirye, ulamik yala ninye ara, sik si sekdeibik. Ara, Merari birye deibukba, dadeipdanin yangalamik ninye, sik mapu yuk-yuk ulamik touk, sik yupa tonok kibuka ulamik ninye ap, sik apu yapu nang arye deibikba, dadeipdanin yangalamik nang ulamik touk, nukikce, sik si sekdeibik.

Bilangan 7:8

Aning atonun bukni, mitik weik yala, sik Merari yala nang ati, pedati dumbarye ap, sapi basam yim pinbarye ap ara, dobukabukce, Merari yala nang ati arebuk. Ara, Allah arye, “Merari nang arye pil donamake,” nyapdeibuk touk, Musa birye aning bokuka Merari yala nang ati arebuk. Sik Merari yala nang arye pil dolamik talak nirya ara, sik deiyok kibuka taleamuknye bira, Harun el mi Itamar birye deiyok kiamukba, pil talibuka dolamik.

Yosua 21:27

Lewi yala nang bukni, ton nang ara, Gerson birye deiamukba, dadeipdanin yangalamik nang, sik duweit ara, asik dobuka, ulamik mutuku ara, amutuku bitinye bokuka arebik. Ara, Manasye yala nang bukni, noutam bokuka, anang ara sikce talibuka ulamik mutuku ara, asik bitinye ton ulamikce, taleamik bukni, amutuku ara bokuka, Gerson yala nang, sik duweit unamika ati arebik. Amutuku asik dobuka, ulamik mutuku dam ara, sik domba basam weina ap, sapi basam weina ap ara, lo weik uamuk mutuku ton arebik. Amutuku si ara, Bashan noutam uamuk bukni, asik si ara, Golan mutuku ap, tonda Beestera mutuku ap arebik. Ura, Golan mutuku dam ara, Ninye mangkau arye, yuknye opman nang bikirye, ‘Teleb kibuka unamakʼ tenen, kintinip deiamik mutuku ton uamuk. Amutuku noutam ara, opmalinye, ‘El tam nang arye, kwang dakicakʼ tenen, ninye mangkau arye oplinye babye, kum opmanto mutuku awamuk sukum babye, sik Gerson yala nang arye doprobik.

Yosua 21:7

Aning atouk, Lewi yala nang bukni, Merari birye deiamukba, deipdanin yangalamik nang, el tam nang, sik duweit ara, asik dua belas (12) dobuka, ulamik mutuku noutam doprobik. Adoprobik tuku ara, Ruben yala nang ap, Gad yala nang ap, tonda Zebulon yala nang ap, sikce talibuka ulamik. Amutuku noutam arye, bokuka arebikba ulamik. Merari el tam nang, sik duweit dem, amutuku doprobik.