Israel mutuku taleamuk talak ara, Raja Salomo birye, el amu tam ulamikce, pil yala yuk-yuk el ap melipnarye, ninye deiyok kibuka talena ati, wipdeiamuk nang ara, sik si ara, ani. Allah arena ati pil don nang, sik deiyoknye bira, ninye si Zadok birye deiamuk mi, el si Asarya erepdeibukba, apil talibuka ulamuk.
1 Tawarikh 6:10 - Eipomek10 Yohanan birye deibuknye bira, el si Asarya ulamuk. Ura, Asarya bira, Allah el yupu si erena ati domik aik pum tam, mambul pil donanye ulamuk. Anyaik ara, Raja Salomo birye, Yerusalem mutuku noutamuk domuk. အခန်းကိုကြည့်ပါ။ |
1 Tawarikh 6:10
6 ပူးပေါင်းရင်းမြစ်များ
Ninye deiyoknye Raja Salomo birye, akunum Allah Yahweh el si erena ati, pia teleb aik ara Yerusalem mutuku bukni, Moria mutuku kon deice arye deiyok koubuka dobuk. Asukum ara, Yebus yalanye el si Arauna, el gandum duk dakuka teiklamuk sukum, amutuku dam dobuk. Tonda, Allah Yahweh arye, minop talak Raja Daud dam lak kipdeibukba, Daud birye eibuk. Amutuku talibuka, ‘Daud birye, Asukumuk Allah Yahweh el si eren aik dopnamapʼ tenen, wipdeiamuk sukum awamuk. Allah Yahweh el si eren aik deiyok koubuka dona ati ara, minop talak Raja Daud, elce deiamukba, aminyan el pununanye, ninye deiyoknye Raja salomo birye deiyok kibukce dobuk.
Anyaik urasin tam ara, ninye wekelbana ati, atolonga atonun buk weik ning ton dobik. Anyatolonga el weik lo ubuk ning, el cang ara, tukwak arye dipdongobuka, eitam cang ara 54 meter uamuk. Anyatolonga el pala ara, 9 meter uk uamuk. Anyaik urasin tam dobuk atolong ara, pum noutam ara, dekena weik ning emas lek pia weik ning dobuka urasin teleb ning arye taplak deibikce dobik.
ကြော်ငြာတွေ