1 Tawarikh 5:17 - Eipomek

¹⁷ Anyakarye deice tam, ninye si sekmap nang ara, Yehuda tam ulamik nang nirya taleamuknye, el si Yotam birye Raja kibuka, amutuku taleamuk talak ap, tonda, Israel yala nang ulamik mutuku, Yerobeam birye, Israel yala nang deiyok kibuka taleamuk talak ap, sik adeipkirikdanin, yangalamik nang, yala yuk-yuk ulamikba, sik si sekekuka deiamik.

1 Tawarikh 5:17 ပူးပေါင်းရင်းမြစ်များ

2 Raja-Raja 14:16

Raja Yoas akunum dibukopura, Samaria mutuku ulamik ninye deiyok kibuka, talilamik Raja-Raja nang nirya, weilbalamikakuk binuka Yoas ton asukumuk weibik. Weibikopura, Yoas el punubuk Raja ara, elce deiamuk mi, el si Yerobeam Kedua, punubuka ninye deiyoknye kibuka, Israel tam ulamik ninye talibuk.

2 Raja-Raja 14:23

Ura, Raja Yoas el mi Amazia bira, ninye deiyoknye Raja kibuka, Yehuda tam ulamik ninye taleamukce, daulamuka ani, keting tamun lima belas (15) akunum ubukba, aketing tamun noutam aryuk, Israel tam ulamik ninye nirya taleamuknye, el si Raja Yerobeam kedua aketing tamunuk deiyok koubuka, ninye deiyok kibukce, Israel tam talibuk. Raja Yerobeam Keduanye bira, keting tamun weik, empat puluh satu (41) tahun amutuku taleamukce, Samaria mutuku noutam ulamuk.

2 Raja-Raja 14:28

Ura, Raja Yerobeam Bitinyanye birye, ninye deiyoknye kibuka taleamuk talak arye, winilamuk ning ap, pia pi dobuka, mikip weik tonun arye, pil dolamuk ning ap, yupu nyalamuk ning ara, Israel tam ulamik ninye, sik Raja-Raja ulamik ning sekna ati, buku noutam akunum sekik. Tonda, el Yerobeam Kedua birye, Yehuda tam talibuka ulamuknye biti, binuka mikip weik tonun arye obuka, sirya dakukce, amutuku alubuka dopromuk ning bitinye, Damsyik mutuku ap, Hamat-Yehuda mutuku ap dobuka, tuba tamubuka, Israel tam deibuk ning ap, aning nirya ara, Israel yala ninye ati, ninye deiyok kibuka talilamik Raja-Raja nang, sik si sekuka delilamik buku noutamuk, sekuka deiamik. Abuku si ara, ‘Sejarah Raja-Raja Israel,’ nyabik.

2 Raja-Raja 15:32

Remalya elce deiamuk mi Pekah, elce Israel tam ulamik ninye talibuka ulamuka ani, keting tamun ara, bitinye akunum kibukopura, Uzia el mi Yotam birye, Raja kibuka tikukce, Yehuda tam ninye ati, ninye deiyoknye kibuk.

2 Raja-Raja 15:5

Ati ara, Allah Yahweh arye Raja Uzia, el nong bol deice ikin weik ning ara, kanye imun suse, uk dina deiyok ning arelamukba, weik suse dilamuk. Winilamukba, ikin kanye bobuka ulamuk. Auk dilamuk ning ara, pia kum kwetepmanto uamuka anya arye, amutuku nang nirya ara, ‘Se, auk ara, nun nong deice ton, sakukaplirye, dipsilyakʼ tenen, el ninye deiyoknye kibuka, pil dolamuk aik noutam arye batakuka, yuk aik binuka deiamikba, asukumuk ulamuk. El ap, yuk nang ap, neika kum ulamik. Winibuka daulamuka ani, auk dilamuka deice arye dibuk. Uzia el kanye imun suse, uk dilamuka dibuk talak ara, el pil dolamuk ning ati punubuka, amutuku ulamik ninye ati, talibuka pil dolamuknye bira, el mi Yotam birye, Yehuda tam ulamik ninye talibuka, pil dolamuk.

1 Tawarikh 5:7

Ruben yala nang, sik deipkirikrop nang ap, tonda Ruben birye deibukba, dadeipdanin yangalamik yala nang, sik deiyok kibuka talilamik nang nirya ap, sik si sekekuka deiamik touk, aning babye sekupu. Anang sik si ara, ani. Yeiel ap, Zakaria ap, Bela ap ulamik.

2 Tawarikh 27:1

Yotam bira, el keting tamun yupa ara, dua puluh lima (25) tahun akunum kibuk talak arye, deiyok kibuka, ninye deiyoknye kibukce, Yehuda mutuku taleamuk. Elda, weik asik Yerusalem mutuku noutam ulamukce, Yudea mutuku taleamuka ani, keting tamun ara, enam belas (16) tahun deice arye, amutuku taleamukce, ulamuk. El lin koproba Yerusa bira, ninye si Zadok, elce deibuk kilmu, el si Yerusa ulamuk.