1 Tawarikh 4:4 - Eipomek

⁴ Hur birye deiamuknye, Penuel bira, Gedor deibuk. Hur birye deiamuknye, Ezer birye, el mi ton Husa deibuk.

1 Tawarikh 4:4 ပူးပေါင်းရင်းမြစ်များ

1 Tawarikh 2:19

Ura, Kalep el kil Asuba akunum dibukopura, Kalep birye kil tonok ton, el si Efrat dobuk. Kalep birye, akil dobuk ning ara, sal mi ton deibuk. Anye el si ara, Hur nyabuk.

1 Tawarikh 2:50

Tonda, Kalep birye deibukba, dadeipdanin yangalamik nang ton ani. Kalep el adiparyuk, tonok kil ton dobuka dobuk. Akil si ara, Efrata. Efrata arye minop deiamuk mi, el si ara, Hur ulamuk. Hur birye deiamuk mapu ara, winilye ulamik. Sik si ara, ani. Hur el mi ara, Syobal ap, Salma ap, Haref ap deiamuk. Ura, Syobal birye bulubuka, Kiryat-Yearim mutuku asik dolamuk.

1 Tawarikh 2:51

Kalep el mi bitinye anye el si ara, Salma ulamuk. Salma birye bulubuka, Betlehem mutuku asik dolamuk. Tonda, el mi winilinye, el si ara, Haref ulamuk. Elce bulubuka, Bet-Gader mutuku asik dolamuk.

1 Tawarikh 2:54

Betlehem mutuku bulubuka, asik domuknye Salma bira, Netofa yala nang ap, Atorot yala nang ap, Bet-Yoab yala nang ap, tonda Zori yala nang ap, Manati yala nang ap, sik noutam arye wilibulika ulamik nang ap, ayala-ayala nang ara, sik deipkirikropnye ulamuk.

1 Tawarikh 4:18

Esra bira, Yehuda yala kil ton dobuka domuk. Akil dobukce deiamdik sal mapu ara, winilye ulamik. Anang sik si ara, ani. Yered ap, Heber ap, Yekutiel ap ulamik. Yered birye, el mi Gedor deibukce, bulubuka tonok asik Gedor mutuku dolamuk. Heber birye, el mi Sokho deibuk. Tonda, bulubuka tonok asik dolamukce, amutuku si ati, Sokho mutuku nyamuk. Aning atouk, Yekutiel birye, el mi Zanoa deibukce, bulubuka tonok asik dolamukce, amutuku si ati, Zanoa mutuku nyamuk.

1 Tawarikh 4:3

Kalep el kil Efrat birye deiamuk mi, el si ara, Hur ulamuk. Hur bira, Kalep birye minop dunye deiamukak ulamuk. Anye Hur birye, Betlehem mutuku ara, bulubuka, asik dolamuk. Hur birye deiamuk nang, sik si ara, ani. Etam ap, Penuel ap, tonda Ezer ap deiamuk. Winibukura, Etam birye mapu winilye deiamuk. Sik si ara, Yisreel ap, Isma ap, Idebas ap, tonda, kilmu tonok deiamuk. Akil el si ara, Hazelelponi nyamuk.

1 Tawarikh 4:39

Ati ara, Simeon birye deiamukba, dadeipdanin yangalamik nang ara, lobuka keting koumulban tam, lu mutuku ara, Gedor mutuku dabinuka ulamik. Ara, ‘Nun wenyap ning, domba basam ap, sapi basam ap, sik din patana ati, teleb mutuku elbinamepʼ tenen, amutuku noutam binuka dipdeyikce, eibik. Amutuku noutamak ara, mutmuta weik ulamukce, teleb kibuka bongolamuk mutuku binuka eibikce ulamik. Tonda, amutuku noutamak ara, sik domba basam yupa ap, kambing basam yupa ap ara, teleb kibuka weipmanto mutuku binuka eibik. Amutuku ara, pala weik mutuku ulamuk. Tonda, ninye arye, ona kum adiparyuk, teleb kibuka neika ulamikce, lelim weik kum nyalamuk mutuku uamuk talak ara, Nuh birye deiamuknye, el si Ham, elce deiamukba, dadeipdanin yangalamik nang ara, amutuku nirya talibuka ulamik.

1 Tawarikh 4:5

Yehuda birye deiamuknye, Hesron bira, elce mi ton Ashur deibuk. Aminyan talak ara, anye Ashur birye, el mi ton Tekoa deibuk. Tonda, Asyur bira, kil bitinye domuk. Sik si ara, ani. Hela ap, Naara ap, dobuka ulamuk.

Rut 4:11

Nyabukopura, sik amutuku deiyok talibuka ulamik nang ap, anyasik ban bisik dam poka bublan dam bulamik nang ap arye, nyabik. “Diba, nunce akunum eipkiyabe. ‘Allah el si Yahweh arye, teleb ubuka melinamkil’ tenen, nunce moronamkiyabe. Ara, ance dopmalam kil Rut bira, minop ulamrik kilapu, Rahel ap, Lea ap arye, mapu weik delilamrikba, ‘Israel ninye weik kipnin balamik atonun, wininamkile’ tenen, moronamkiyabe. Tonda, Allah arye melipkiliba, Efrat mutuku tam noutam ara, anda weik bona utoto talinanye unalame. Tonda, Betlehem mutuku noutam unyak ninye nirya arye, ‘An si kel bikikirye, elda weik mambulnye, tenenamkiyak’ tenen, moronamkiyabe,” nyabik.