1 Tawarikh 4:23 - Eipomek

²³ Sik anang nirya arye, Raja el mek din makau ap, el yun ning panci-panci ap, dona ati ara, pia kat kira tuku arye dobuka telebnarye, dolina nang ulamik. Winilamikce, anang sikda Noutam mutuku ap, Gedera mutuku ap, ulamik. Sik mutuku weik deiyok talibuka, Raja ulamuknye biti, pil dolamikce daulamik.

1 Tawarikh 4:23 ပူးပေါင်းရင်းမြစ်များ

1 Tawarikh 4:14

Otniel birye deiamuknye, Meonotai bira, el mi ton deibukce, el si ara, Ofra nyamuk. Utouk, Kenas birye deiamuknye, Seraya birye tonok deibuk. Adeiamuk mi el si ara, Yoab nyamuk. Yoab birye deibukba, dadeipdanin yangalamik nang ara, tonok teleb lu mutuku ulamik. Atam nang nirya arye, aban mutuku ati, “Aning-aning memebuka don ning ap, ninye taruk arye donyak ning ap ara, amutuku nang kel weik kiamikce, pia teleb kibuka donyake,” nyalamik. Yoab birye, anang ulamik asik bulubuka dolamuk. Winyamukak, amutuku luak ulamik nang ara, aning-aning kintinibuka pil dona ara, kel weik nang ulamik.

1 Tawarikh 4:22

Tonda, Yehuda birye deiamuk nang winilye ulamik. Tonye el si ara, Yokim, tonye el si ara, Yoas, tonye el si ara, Saraf ulamik. Tonda, Koseba mutuku ulamik nang, sik deipkirikropnye bira, Yehuda ulamuk. Anang Yoas ap, Saraf ap ara, sikda Moab mutuku bikdikce, amutuku kilapu binuka doprobrik. Winiprikopura, tamubuka Betlehem mutuku yana ulamrik. Ura, anang sik si ap, sikce ulamik ning ap ara, anukna nirya ara, min talak arye sekekuka deiamik ninguk, ‘Naʼ tenen, deiamukak awamuka ani, wini talak babye, tuba aulule.

1 Tawarikh 4:24

Yakub birye deiamuknye, Simeon birye, mapu pamubarye deiamuk. Sik si ara, ani. Nemuel ap, Yamin ap, Yarib ap, Zerah ap, tonda Saul ap, deiamuk.

Mazmur 81:6

Tonda, nun apu koproba, Yusuf ap, el mapu silip nirya ati, Allah arye, ‘Aning ara, pia wininamlume,’ nyapdeibuk. Ara, Yusuf birye amutuku batakuka, Mesir mutuku ulamik nang ati, olbinamuk talak ara, Allah arye, ‘Aning wininamlume,’ nyapdeiamuk touk, wini talak nun babye atonun wininamabe. Allah arye, ‘Aning winipnamlume,’ nyapdeipsuk talak ara, ayupu min kum kekelamse. Asaf birye nyabuk.

Amsal 22:29

Anggun ton elilulum do? Ninye ton el pil aning-aning nirya pia teleb kibuka pil dolulnye eipmunyopura, moubuka dinamlulume. Anye bira, aminyan talak, ninye deiyok nang, sik Raja nang melilana ati, weik mambul pil dobuka unamle. El pil ara, pia teleb kibuka pil dolula anya arye, talye daunyak ninye ati, sik amu tam ulirye, sikti, pil kum donamle. Aning kum bukni, sik ninye deiyok Raja nang ati, sik aik pil talibuka donamle.