1 Tawarikh 3:14 - Eipomek

¹⁴ Hizikia birye, Raja kin ning sirya dakukopura, el mi Manasye birye, ninye deiyok talibuka, Raja kibuka daulamuka ani, el mi Amon deibuk. Manasye birye, Raja kin ning sirya dakukopura, el mi Amon birye, ninye deiyok talibuka, Raja kibuka daulamuka ani, el mi Yosia deibuk.

1 Tawarikh 3:14 ပူးပေါင်းရင်းမြစ်များ

2 Raja-Raja 21:18

Raja Manasye, el akunum dibukopura, urasin teleb ning kouamikak, el si ara, taman istana, ninye si Uza, elce deibuk ning noutam ara, Manasye el nong bobinuka weibik. Winiplyopura, Manasye el mi Amon, el li punubukce, ninye deiyoknye kibuka, Yehuda tam ulamik ninye talibuka ulamuk.

2 Raja-Raja 21:19

Ninye tonok, el si Amon, el nemuk talak keting tamun ara, dua puluh dua (22) tahun kebuk talak ara, ninye deiyoknye kibuka, Yehuda tam ulamik ninye ati, Raja kibuka taleamukce, mutuku si, weik asik kota Yerusalem mutuku ulamuk. Ataleamuka ara, keting tamun bitinye deice arye taleamuk. Amon el lin si ara, Mesulemet ulamuk. Akil Mesulemet, el li si ara, Harus. Elda Yotba mutukunye birye, Amon deiamuk.

2 Raja-Raja 21:26

Amon el akunum dibukopura, Menasye weiamika dam binuka weibik. Ara, urasin teleb un ning ati, kouamikak, el si ara, Taman Istana Uza, Uza birye deibuk ning noutam ara, Amon el nong bobinuka weibik. Weibikopura, Amon el mi Yosia birye, el li punubuka, ninye deiyoknye kibukce, Yehuda yala ninye talibuka ulamuk.

2 Raja-Raja 23:30

Eibikopura, el pil don nang arye, Yosia el nong dobukabikce, kuda arye, kirikuka tuku deice balamuk ning, el si kereta kuda deice deibukabikce, Megido mutuku arye, batakuka Yerusalem mutuku boyayik. El nong ara, Yerusalem mutuku ninye deiyok nang weina ati, akunum kintinip deiamik keil deiya deibikce tuku lukik. Winibik talak ara, sik amutuku ulamik ninye nirya arye, el mi Yoahas bobuka yayikce, ‘Eluk Raja unamsile,’ tenebikce, minyak mek dobuka, el kisok deice dikdongobikce, elti, erepdeibik. Winibikopura, Yoahas bira, el li koproba pununa ati, Yehuda tam ninye, sik ninye deiyoknye ulamukce, aninye taleamuk.

2 Raja-Raja 23:34

Tonda, Mesir mutuku ninye deiyoknye, el si Firaun Nekho, elce Yosia birye deiamuk mi yuknye bira, el si ara Elyakim, ‘Elda Yehuda tam talipnamleʼ tenen, ninye deiyoknye una ati, wipdeibuk. Winibukba, anye elce ninye deiyoknye kibuka, Yehuda mutuku ulamik ninye nirya ati, taleamuk bukni, Firaun el amu tamuk ulamuk. Firaun Nekho birye, Elyakim wibuka deiyoknye una ati, deibuk talak ara, anye el si ara, Elyakim nyalamik bukni, Nekho birye, yuk si sibuk. Ara, “Wini talak arye, dipdongobuka do, unamle talak ara, anye bira el si ara, Yoyakim nyanamake,” nyabuk. Winibukopura, Nekho birye, Raja Yoahas bira bobinuka, Mesir mutuku tamubuka delilbinamukba, binuka wenen aik pum dongamukba, dabinuka ulamuk bukni, Yoahas bira, asukumuk dibuk.

1 Tawarikh 3:13

Amazia birye, Raja kin ning sirya dakukopura, el mi Yotam birye, ninye deiyoknye talibuka, Raja kibuka daulamuka ani, el mi Ahas deibuk. Yotam birye, Raja kin ning sirya dakukopura, el mi Ahas birye, ninye deiyok talibuka, Raja kibuka daulamuka ani, el mi Hizkia deibuk. Hizkia birye, Raja kibuka daulamuka ani, el mi Manasye deibuk.

1 Tawarikh 3:15

Amon birye, Raja kin ning sirya dakukopura, el mi Yosia birye, ninye deiyok talibuka, Raja kibuka daulamuka ani, el mi du mi, el si ara, Yohanan deibuk. Raja Yosia birye, deiamuk mapu ara, dumbarye deiamuk. Sik si ara, ani. Yohanan ap, Yoyakim ap, Zedekia ap, tonda Yoahas ap deiamuk.

2 Tawarikh 34:1

Yosia el umur delapan (8) tahun kibuk talak ara, Yehuda mutuku ninye deiyoknye Raja kibuk. El ninye deiyoknye, Raja kibuka Yerusalem mutuku weik asik noutam ulamukce, keting tamun tiga puluh satu (31) tahun deice arye, amutuku nirya taleamuk.

2 Tawarikh 36:1

Yehuda mutuku nang arye, Yosia el pununa ati ara, el mi Yoahas binyuk, ‘Nun deiyoknye kipsilirye, Yerusalem mutuku weik asik talipnamsilʼ tenen, weipdeibik.

2 Tawarikh 36:11

Zedekia, el umur 21 tahun akunum kibuk talak ara, Raja Nebukadnesar birye erepdeibukba, Zedekia bira Yehuda mutuku ninye deiyoknye Raja kibuk. Winibukce, amutuku nirya taleamukce, Yerusalem mutuku weik asik noutam ulamukce, amutuku talebuka ulamuk keting tamun nirya ara, koklombarye (11) tahun kiamuk.

2 Tawarikh 36:5

Yoyakim bira, el umur duapuluh lima (25) tahun akunum kibuk talak ara, Yehuda mutuku nang, sik deiyoknye kibuk. Winibukce, Yerusalem mutuku weik asik noutam talebuka ulamuk talak ara, keting tamun koklombarye (11) tahun deice mabuk. Wininyamukce, el li koproba Allah ati, dipkoprob el si kum erelamukce, el dam pia malye winilamuk.

Yeremia 22:11

Na Allah arye, ‘Anggunda, Raja Yoahas biti, tenipmunce, engenamlume,’ nyapmasina ara, talye ati kume. Deiyok ara ani. Raja Yosia dibukba, el punubuknye, el mi Yoahas biti ara, na Allah Yahweh arye, ayupu nyapdeipsine. El li koproba dibukba, punubukce, Yehuda mutuku Raja kipmanto ubuknye bira, anggun mal olan nang arye, anye bobuka, yuk mutuku dabobinuka batakikba, ulul bukni, asukumuk dadipnamla ati, amutuku Yudea tam, kum tamubuka yatue.

Yeremia 22:18

Ati ara, Raja Yosia, el mi Raja Yoyakim, Yehuda yala nang nirya ati, Raja kibuka taliplumnye bira, anti, na Allah arye ayupu nyapdeipnukine. An dipminyopura, an tam nang arye, teleb yupu nyabuka, kum engenamkiake. Ara, anggunce, “Se, nun Raja Yoyakim diplyopura, elti, kum engepnamlume. Tonda, yuk nang arye ton, “Se, na kwit, Se, na ka kil do, nun mutuku talibuka Raja kipmasunye bira, dipmala ati, bicoe tenepmunce, engenamlume,” kum nyanamake. Tonda, anggunce, “Se, nun ninye deiyoknye dipmasile. Nun Raja ara, pia sisinanye, teleb weiknye winilamuk bukni, dipmala ati, engenamabe,” pia kum nyanamake.