Nyabikopura, amutuku-amutuku nirya, sik wisi nang ara, sik deiyok-deiyok nang nirya, Daud dam Hebron mutuku dam yayik. Akunum yayikopura, Daud birye ayanmek nang ati, Hebron mutuku dam arye, Allah kekena ak, lak nyabuk. “Anggunda winibuka-winibuka unamlulume. Nara, anggun ninye deiyoknye Raja unamsine,” nyapdeibuk. Nyabukopura, anang arye Daud biti, “Anda Israel mutuku nang, nun ninye deiyoknye Raja unamsilame,” nyabuka wipdeibike.
1 Tawarikh 28:4 - Eipomek4 Bukni, Allah Yahweh ara, nun Israel nang arye si erenyapnye Allah Yahweh arye, Yehuda yala nang ati, ‘Na pia teleb ‘Naʼ tenen nang unamake. Tonda, sik kan-kan noutam arye, weik deiyok talibuka Raja ubikirye, Israel nang talinamak,’ tenen, Israel yala nang weik aulamik bukni, ‘Yehuda yala nang ara, Raja nang unamakʼ tenen, Yehuda wibuka erebuk. Anerye, Yehuda birye deiamukba, dadeipdanin yangalamik yala nang, sikce deiamik nang kan-kan arye, na ni koproba wibuka erepdibuk. Abukni sirya ara, na babye wibuka erepdeipnukce, ‘Israel nang nirya ati, pia taliplirye, sik ninye deiyoknye Raja unamleʼ tenen, erepdeipnukce, atinyamuk touk, wini talak ara Israel nang ati talenune. အခန်းကိုကြည့်ပါ။ |
1 Tawarikh 28:4
18 ပူးပေါင်းရင်းမြစ်များ
Daud bira, nyabukopura, ayupu ton dukdongobuka nyabuk. “Na ni Allah, an si Yahweh, wini talak na an amu tam pil donanye ap, narye deipniba, dadeipdanin banamak nang, na yala nang nirya ap ati, ance, ‘Winipnamsine,’ nyabuka, lak nyapdeiamsulum touk, pia teleb kibuka upnamle. Ara, ancuk melisimince, yuk talak nirya ara, ‘Mambul weik pil donamsine,’ nyapdeiamsulum touk, ‘Aninguk wininamsilamʼ tenen, moropkine na nio. Winipminyopura, aning nirya ara, min kum kum danamle. Pia ati upnamle.
Nyabukce, aning morobuk. “Na ni anda, Allah Yahweh Ulyame. Nyalin yupu deice arye, ‘Teleb kipdeipnamkine,’ nyabuka, nyapdeiamnuluma anya arye, an tenepminyak arye nyalyam yupu nirya ara, dipkoprob uk unamle. Nun Israel nang ap, na yala nang nirya ap ati, pia weik tonun teleb ulisilyame. Ati, ‘Narye deipseba, dadeipdanin banamak nang nirya ara, na ni koproba Allah ance melipminya deice arye, sikda pia mikip kipdeipminba, pia ati ninye deiyok nang unamake. Sik ti ance pia bico tenebuka pia melinamlamʼ tenen, moropkine. Tonda, winipminyopura, ‘Na yala nang ara, an damuk ubikirye, an siuk pia erenamakʼ tenen, moropkine na nio.” Daud birye, Allah Yahweh ati nyabuka morobuk.
Se, nun ni Allah, an si eren aik noutam bukni, Pia Lek Teleb Aik ulyam noutam arye, an Allah arye, nyalin yupu deice arye nyapdeipsulum yupu ara, ani. Na kanye deipnirye, Sikhem mutuku unyak nang nirya oplopnyakarye, amutuku nirya alupdopnirye, bokuka, na mapu koproba, Israel yala nang arepnamsine. Atonun, weik mutuku lu, el si Sukot mutuku unyak nang babye, opnirye, amutuku dopropnirye, ‘El cang ap, pala ap ara, yata barye do?’ tenen, kiklilena ati, meter dopropnirye, amutuku nirya ara, kiklipnirye, nuknamne.
Ati, se nun ni Allah, ‘An mikip weik, sirik taruk deice arye, melibuka lyepsutumba, nunce nun mal olan nang ati, obuka malye kiptibirye, kum kipdeiptibye’ tenen, moropkiyabe na nio. Deiyok ara, ‘Ance bico tenesiminye nang ara, tamubuka tonap mikip arepsutuma deice arye, nun mal olan nang ati, obuka sirya daktibye’ tenen, moropkiyabe na nio.
Allah el si Yahweh arye, Samuel biti nyabuk. “Like yata barye atonun mapmince, Saul biti engenalam do? Ara, urdem ati kume. Saul birye, Israel ninye deiyok talina ati, weik Raja kiamuk ning ara, na akunum bataksa atie. Tonda, wini talak ance minyak zaitun mek kwebuka bopmince, Betlehem mutuku binulyame. Ara, ninye deiyok nang kina ati, bikilin ning ati ara, aminyak mek, sik kisok deice likibikirye, erenyake. Amutuku noutamak bukni, mutuku si Betlehem mutuku ara, tonoknye el si Isai, el dam binulyame. Deiyok ara, Isai el mapu noutamak, tonok mi ara, narye akunum wipdeipsa ati, ance ninye deiyoknye, Raja wipdeipnamlyame,” Allah arye, Samuel biti nyabuk.
ကြော်ငြာတွေ