1 Tawarikh 28:12 - Eipomek

¹² Aning atouk, ninye deiyoknye Raja Daud birye, Allah Yahweh el si eren aik dona ati, el tenyamuk ning nirya ati dobuka, Salomo biti arebuk. Ara, talye nang arye wekelbikirye Allah el si erebuka kina ati moronamakak ap, teleb ning arenamakak ap, Allah arena ati arenamak dekna weik ning emas ap, perak ap, ‘Naʼ tenen delinamakak ap, Allah ati ‘Telebeʼ nyabuka, teleb ning arenamak aik ap, Daud birye tenyamukce sekeiamuk ning ara, Allah Yahweh el bona delina aik ap, tonda aning nirya pia teleb lek ning, Allah ati yanuka arebikceba, delin aik ap nirya ati, Daud birye, ‘Winipnamne,’ tenilamuk ning nirya ara, Salomo biti arebuk.

1 Tawarikh 28:12 ပူးပေါင်းရင်းမြစ်များ

1 Tawarikh 26:20

Sik Israel yala nang nirya arye, atalak ton, atalak ton, sik ni koproba Allah Yahweh ati, El si erebuka, el kina ati, yo bok bulubuka deibupu ning ara, el tibuk arenamabeʼ tenen, Allah el si eren aik dam arelyangalamik. Ayo bok ap, keil uang logam ap arelyangalamikba, sik Lewi yala nang aryuk aning dobuka, teleb marikna pum tam dongolamikce, pia kaliklamik.

Ibrani 8:5

Allah ati arilbanyak deiyok nang, sik pil donyak aik, pia teleb aik noutamak ara, im deice mitik atonun ulul bukni, sik tukwak ning ara, talye winipmanto ninguk, keting kukia atonun ulule. Dipkoprop ning ara, im deice ning uka. Aning ati ara, Musa arye Allah el si erena ap, el arena ap ati, cang kain atonun ning arye, dolin aik tia tenda aik dopnuyuk talak ara, Allah arye Musa ati, ayupu nyabuk. ‘Sinai mutuku dup weleplumba, narye, “Anyaik urasin ara winibuka, winibuka dopnamlyame,” nyamkise touk, kanye moupmince moubuka dopnulyame, nyabuk.’ (Keluaran 25:40)

2 Raja-Raja 18:15

Ati ara, Hizkia birye ‘Perak weik arye, kintinipnamne’ tenen, Allah el si Yahweh, el si eren aik pum tam deiamikba, uamuk perak nirya ap, tonda Hezikia el weiknye ulamuk aik pum tam uamuk ning ap, nirya ara, Hizkia birye dobukabukce, Asyur mutuku weik deiyoknye Sanherib biti arebuk.

2 Raja-Raja 16:8

Ayupu nyabukopura, Raja Ahas bira, Allah Yahweh si eren aik pum deiamik dekna weik ning, emas ap, perak ap, tonda Raja el weik aik noutam deiamuk dekna weik ning ap nirya, bobukabukce, namin kina ati aren ning ara, Asyur mutuku talibuka ulamuk Raja dam dopdeibuk. Deiyok ara, ‘Anye birye, melibuka lyepnutuʼ tenen, winibuk.

1 Raja-Raja 15:18

Winibuka ati ara, Israel tam mutuku taleamuknye, Raja Asa birye, emas ap, perak ap Allah el si eren aik tuba awamuk ning ara, doprobuk. Aning atouk, Raja el bidamnye aik pum tam deiamuk ning ap dobuka, telebak deibuk. Ara, ninye si Hezion birye deiamuknye, el si Tabrimo birye, deiamuknye, Benhadad dam dopdeibuk. Anye Benhadad, elce Siria mutuku ninye talibuka, ulamukak bobana ati, dopdeibukba, bobiyik. Aning bobiyik nang ara, Raja el amu tam pil deiyok kibuka taleamikce, Raja el pil dolamik nang deice, deibukba, anang arye adekna weik ning bobiyik. Anang arye, aning deibukba, bobinuyik talak ara, Asa birye yupu ton nyapdeibukba, ayupu nyalbiyik.

1 Raja-Raja 15:15

Atalak ara, Asa el li koproba ap, el ap arye, emas ap, perak ap, Allah si erebuka kina ati, arelamdik ning ara, aning nirya bobinuka, Allah si eren aik noutam bobiyuk.

1 Raja-Raja 14:26

Mesir mutuku taleamuk ninye deiyoknye, Raja Sisak birye, Yerusalem asik nirya olyanmokce, malye kibukura, Allah Yahweh el si eren aik noutam, deiamik mambul dekna weik ning, weik tonun arye, dalubuka doprobuk. Ara, konop-konop bona ap, uang ap, Raja Rehabeam birye, el aik pum tam deiamuk teleb ning ap, tonda min arye, Raja Salomo birye, ‘Ninye olan talak, mal donmakibuk opnicakʼ tenelamikce, kaliklamik ning, el si perisai, emas deice arye memepdeiamuk ning nirya ap ara, Raja Mesir Sisak birye, yandalubuka doprobuk.

Keluaran 31:2

“Akunum eiplame, narye Yehuda yalanye Bezaleel akunum wipdeipne. Bezaleel bira, Uri el mi ulule. Uri bira, el li koproba, Huri ulamuk. Sik nirya ara, Yehuda yala nang diamuk,” nyabuk.

Keluaran 25:40

Alampu upna deiyok ap, pil don ning ap, nirya memepnamlum talak ara, narye anti, ‘Sinai mutuku deice arye, aweisa talin ning ara, winibuka moubuka kintinipnamlume,’ nyabuka, lak nyamkise touk ubuka, aninguk tenepmunce, memepdeipnamlume.

1 Tawarikh 28:11

Ayupu nirya akunum nyabukopura, Raja Daud birye el mi Salomo biti, Allah arye, ‘Winibuka dopnamnilame,’ nyapdeibukba, Daud birye ayupu sekuka kintinip deiamuk ning dobuka, Salomo biti arebuk. Ara, Allah Yahweh, el aik dam bai tam bukni, aik abilinga cang dam ninye bunamakak ap, anyaik dekna weik ning ‘Naʼ tenen delinamak aik ap, imam nang unamak aik ap, anyaik noutam wilibuka dopnamak teleb aik ap, alip tam dopnamak ning ap, tuku tam dopnamak aik ap, tonda, ‘Allah arye nun malye un ning kilipsilirye, kum kipdeipnamsilak, Peti Perjanjian marikna deipnamakak ap, pia Teleb Lek Aik nirya ap ati, Allah arye min talak, “Winibuka-winibuka dopnamnilame,” nyapdeibukba, Daud birye sekeiamuk yupu nirya ara, Daud birye aning dobuka, el mi Salomo biti arebuk.

1 Tawarikh 28:19

Nyabukopura, ninye deiyoknye Raja Daud birye nyabuk, “Aning nirya, na laka nyapmasin yupu nirya ara, Allah Yahweh elcuk tenyamukce, laka nyapdeiamuk ninguk, nati lak sukum arye nyapdeipnukba, narye kekepse. Ara, anyabuk ning ara, na dam, “Aning winibuka pil dopnamlume,” nyapdeipnuke.

Yehezkiel 40:2

Atalak ara, Babel mutuku tuba ulamse talak bukni, lengdar atonun mapsirye dinmasiba, Allah arye na bobuka, Israel nang ulamik mutuku noutam bobinuke. Winipnukba, amutuku noutam weik tonun bukamuk mutuku kon deice binuka deipnuke. Atalak ara, narye dana-dana tam dinmasiba, na dam bukni, weik asik atonun ning, weik ning domika, ara weik kota kilamak mutuku atonun ton, iknapnye tam (arah selatan) awamukba eipse.

Yehezkiel 40:38

Awekelbana ati bisik bublan, el si ara, gapura, cang keil arye deibuka domik aik, el bai tam bisik, atolonga dam ara, mitikto aik ton wilibuka domik ning dinmasiba, anyaik atolonga ap, balai nyalamak aik ap, bisik bublan botopdeiamikak eipse. Amitik aik domik ning deiyok, ara, Allah el si erena ati, ‘Ining ning opnarye, aning tup kalebuka, uku dongopnamakʼ tenen, atup mek likdeipnarye, memebuka deiamikakuk eipse.

1 Raja-Raja 7:51

Raja Salomo birye, Allah Yahweh si eren aik ati akunum dobukura, emas ap, perak ap, yuk-yuk bona nirya, delin aik noutam ton memepdeibuk. Ara, Salomo el li koproba, Raja Daud birye, Allah si erena ati arelamuk ning nirya ara, dobukabukce, anyaik pum tam, deipnamuk ati, anyaik bobinuka deibuk.

Yeremia 35:2

Yeremia an bimince, sik Rekhab yala nang dam binuka, yupu nyapnulyame. Winipminyeura, ance sik ayala nang dobuka, na Allah si eren aik noutam bukni, tonok aik domice sukum arye, anggur mek memebuka, anang ati arepdelyame,” Allah arye nyapnuke.