1 Tawarikh 27:5 - Eipomek

⁵ Keting tamun nirya, wala winilye deice ara, imamnye el si Yoyada, elce deiamuknye Benaya birye, elce el tam nang deiyok kibuka taleamukba, sikce apiluk dolamik. Sik yala nang yupa ara, weik dua puluh empat ribu (24.000) nang ulamik.

1 Tawarikh 27:5 ပူးပေါင်းရင်းမြစ်များ

2 Samuel 8:18

Tonda, Yoyada birye deiamuknye, el si Benaya bira, Daud birye wipdeibukba, anye birye, Daud el koproba kalikuka melina ati, yin talin nang, sik deiyoknye ulamuk. Ara, sik kong si ara, Kereti nang ap, Peleti nang ap, ayin talin nang, sik deiyoknye ulamuk. Tonda, sik imam-imam nang pil dona ati ara, Israel nang ninye deiyoknye Raja Daud, el mapu koproba wipdeibukba, imam pil talibuka dolamik.

1 Raja-Raja 2:35

Aning akunum winibukopura, ninye deiyoknye Raja Salomo birye, Yoab el punupnamuka ati, Yoyada birye deiamuknye, el si Benaya bira, ‘Israel ninye, sik yin talen nang, sik deiyoknye unamleʼ tenen, Benaya erepdeibik. Tonda, imam pil dolamuknye, Abyatar el punupnamuka ati, anye bira, imam Zadok wipdeibuk.

1 Tawarikh 12:28

Aning atouk, tonoknye ton, el si Zadok, elda ilil tenena kum, welnye ulamuk bukni, ninye ona ati, kel kiamuk. El ap, sik Lewi yala nang ap ansinibuka yayik. Zadok ap, el yala nang ap, yayik yin talin deiyok nang ara, duapuluh dua (22) deiyok nang, Zadok ap neika yayik.

1 Tawarikh 18:17

Tonda, Raja Daud melibuka bana ap, kalikna ap ati, yin talenanye bira Yoyada, elce deiamuknye Benaya wipdeibuk. Anye Benaya bira, Kereti mutuku ap, Peleti mutuku ap, ulamik nang ati taleamuk. Ati ara, mambul weik pil pemerintahan deiyok talibuka pil don nang nirya ara, ninye deiyoknye Raja Daud, el mapu koproba erepdeibukba, apil talibuka dolamik.

1 Tawarikh 27:34

Ura, Raja Daud, el yupu melibuka nyana deiyoknye, Ahitofel akunum dibukopura, el pununa ati, yuknye el si Yoyada birye apil talibuka dolamukce, yupu melibuka nyalamuk. Yoyada el li koprop ara, el si Benaya ulamuk. Tonda, aminyan talak ara, Yoyada dibukopura, tonoknye ton, el si Abiatar, elce Yoyada punubukce, Raja Daud, el yupu melina deiyoknye ulamuk. Tonda, ninye deiyoknye Raja Daud, el yin talen nang, sik deice tam deiyoknye bira, Yoab wipdeibukba, apil talibuka ulamuk.

1 Tawarikh 27:4

Keting tamun nirya, wala bitinye ara, Ahoi yalanye el si Dodai, elce el yala nang ati, deiyok kibuka taleamukba, sikce apiluk dolamik. Dodai el amu tam melina ati, mitik tonun deiyok atonun ulamuknye bira, el si Miklot ulamukce apil dolamuk. Sik yala ara ninye weik sik yupa ara, dua puluh empat ribu (24.000) nang ulamik.

1 Tawarikh 27:6

Anye Benaya bira, Raja Daud el amu tam ulamik mikip weik yin nang ara, tiga puluh (30) nang ulamika kan-kan, el ton daulamuk bukni, elda ayupa ati deiyok kibukce, deiyok kibuka, sik deiyoknye ulamukce yupu nyalamukba, sikce Raja Daud ap ninye olbalamik. Benaya birye deiamuknye, el si Amizadab, elce el li koproba, el amu tam ulamukce, melibuka pil dolamuk.